Skessuhorn - 20.06.2013, Blaðsíða 30

30 FIMMTUDAGUR 20. JÚNÍ 2013
Alda Björnsdóttir er Snæfelling-
ur í húð og hár. „Ég er komin und-
an vondu fólki undir jökli, eins og
sagt er,“ segir hún að gamni sínu
og hlær. Alda kemur frá Hellissandi
og Rifi og var þar að auki í sveit í
Helgafellssveitinni sem ung stúlka.
„Ég missti foreldra mína mjög ung.
Við vorum tólf systkinin og öll send
á sitthvort heimilið í fóstur,“ seg-
ir hún heldur alvarlegri í bragði,
en faðir hennar fórst á grásleppu-
báti rétt utan við Rif og lést móðir
hennar í kjölfar veikinda stuttu síð-
ar. Alda var einungis árs gömul þeg-
ar faðir hennar drukknaði en hún
var langyngst í systkinahópnum.
„Ég fór í fóstur á Gríshól og gekk í
Laugagerðisskóla sem var mitt ann-
að heimili frá níu ára aldri. Þetta var
þá heimavistarskóli og kennararn-
ir reyndust mér afskaplega vel og
skólastjórinn, Sigurður Helgason,
einnig,“ rifjar Alda upp, en 14 ára
gömul flutti hún á Akranes þar sem
hún fór í vist og passaði börn.
Missti bústaðinn í bruna
Þrátt fyrir langa fjarveru finnst
Öldu hún alltaf vera komin heim
þegar hún fer á Snæfellsnesið. Í
Miklaholtshreppnum á fjölskylda
hennar jörð, sumarbústað og hesta
en í apríl síðastliðnum urðu þau fyr-
ir því óláni að bústaðurinn brann til
kaldra kola. „Það var nánast eins og
að missa barnið sitt,“ segir Alda um
áfallið. Mágur hennar hafði verið í
bústaðnum á laugardegi en klukkan
ellefu á sunnudagsmorgni stóð hús-
ið í björtu báli. Hún segir mikið lán
að bústaðurinn hafi verið mannlaus
þegar eldurinn kom upp en talið
er að glóð úr kamínunni hafi vald-
ið brunanum. „Þarna voru persónu-
legir munir sem verða aldrei bætt-
ir þó svo að við fáum annan bústað.
Það jákvæða er að enginn slasaðist
og enginn dó.“
Fékk slæmt brjósklos
Eftir að Alda lauk gagnfræðaprófi
á Akranesi gerðist hún svokallaður
landshornaflakkari en hún starf-
aði við ýmislegt og bjó víða. Leið-
in lá síðan aftur upp á Skaga árið
1975 þar sem hún bjó í fimmtán
ár ásamt eiginmanni sínum, Einari
Guðmundssyni og tveimur son-
um. Á Akranesi starfaði hún með-
al annars hjá HB&Co og á Sjúkra-
húsinu á Akranesi en árið 1989
skildu leiðir þeirra hjóna og Alda
flutti til Reykjavíkur. „Þegar þarna
var komið sögu fékk ég mjög slæmt
brjósklos og var í nokkur ár að
berjast við það,“ heldur hún áfram.
„En ég lærði að meta heilsuna og
hversu dýrmæt hún er. Í dag fer ég
í sund á hverjum morgni áður en
ég mæti til vinnu. Fyrir vikið er ég
alltaf fersk, hress og jákvæð þegar
ég mæti.“
Hlakkar til að mæta
Alda hóf störf hjá fyrirtækinu árið
2000, þá hjá foreldrum núver-
andi eigenda, Margréti Jónsdóttur
og Árna Ingólfssyni. Nú er fyrir-
tækið hins vegar rekið af systrun-
um Helgu og Mörtu Árnadætrum.
Alda byrjaði í Outlet búð á Grens-
ásveginum sem var með vörur frá
Exit, Vero Moda og Jack and Jo-
nes. Þegar þeirri búð var lokað
færði hún sig yfir í búðina Exit,
forvera Name It, á Laugaveginum.
Hún hefur nú starfað sem verslun-
arstjóri Name It í Smáralind í sex
ár, eða frá 2007.
Öldu segist líða vel í starfi og að
hún sé þakklát fyrir það traust sem
henni hafi verið sýnt. „Ég hlakka
alltaf til að mæta til vinnu. Ég kem
fram við búðina eins og ég eigi
hana sjálf og fyrir vikið fer mér
að þykja vænt um hana. Við erum
að selja falleg föt á góðu verði og
erum með marga fasta viðskipta-
vini sem koma hingað aftur og aft-
ur. Þetta er mjög gefandi starf og
það sem ég hef gefið af mér hef
ég fengið margfalt til baka,“ segir
Alda Björnsdóttir að lokum.
ákj
Ólafsvíkurvaka verður haldin síð-
ustu helgina í júní þetta árið, eða
dagana 28. - 30. júní og er þetta í
þriðja sinn sem hátíðin fer fram. Að
þessu sinni skipuleggja þær Irma
Dögg Toftum og Regína Ösp Ás-
geirsdóttir bæjarhátíðina ásamt
góðum hópi, en um tíma var útlit
fyrir að hátíðin félli niður þar sem
ekki fékkst fólk til sjá um hana, en
úr því rættist. Ólafsvíkurvaka varð
til eftir að hætt var að halda Fær-
eyska daga sem voru um tíma á
hverju sumri í Ólafsvík. Ólafsvík-
urvaka er annað hvort ár en Sand-
aragleði fyrir utan Enni hitt árið.
„Okkur fannst mikil synd að hátíð-
in ætti ekki að vera núna í ár. Við
erum saman í saumaklúbbi og vor-
um byrjaðar að mana hvor aðra í
að halda utan um skipulagninguna.
Að endingu tókum við verkefnið að
okkur og fórum að stað með að fá
styrki og finna hljómsveitir og slíkt.
Þrátt fyrir að þetta verði lítil hátíð
þá er lítil hátíð engu að síður mik-
il vinna. Í raun meiri en við bjugg-
umst við,“ segja þær stöllur í sam-
tali við blaðamann Skessuhorns.
Ástæðan fyrir tímasetningu há-
tíðarinnar er að margt verður um
að vera í Snæfellsbæ þessa helgi.
„Fulltrúar frá vinabæ Snæfellsbæj-
ar, Vestmanna í Færeyjum, verða
á Íslandi þessa helgi. Það verður
einnig margt annað um að vera, svo
sem Vesturlandsslagur í fótboltan-
um þar sem Víkingur tekur á móti
Skagamönnum á sunnudeginum.
Það er einnig meistaramót í golfi
og Snæfellsjökulshlaupið sem Rán
og Fannar eru með,“ segir Irma.
Við það bætir Regína: „Þar sem
við höfðum svo stuttan tíma til að
skipuleggja hátíðina var þessi helgi
tilvalin því það er þegar svo mikið
um að vera.“
Fjölskylduvæn dagskrá
Dagskrá Ólafsvíkurvöku verður
sniðin að fjölskyldunni. „Við ætlum
að vera með fjölskyldudagskrá og
reyna að fá sem mest af heimafólki
og brottfluttum til að taka þátt. Það
verður gaman að allir taka til í garð-
inum og allt verði hreint og fínt.
Það verða leiktæki fyrir börnin og
heimafólk verður með markað þar
sem það mun selja eigin framleiðslu
og allt mögulegt. Svo stefnum við á
að hafa hæfileikakeppni fyrir krakka
þar sem þeir geta sýnt margvíslega
hæfileika sína. Ég hitti tvo stráka
og spurði hvort þeir ætluðu ekki að
taka þátt í hæfileikakeppninni. Þeir
sögðust ekkert kunna að syngja en
ég spurði hvort þeir væru ekki alltaf
í boltanum og gæti ekki haldið hon-
um á lofti? Þeim fannst það tilvalið
og ætluðu að fara að æfa sig,“ seg-
ir Irma. Þrátt fyrir knappan tíma til
skipulagningar, þar sem þær stöll-
ur tóku verkefnið að sér með að-
eins þriggja vikna fyrirvara, hafa þær
fengið ýmsa hjálp og skipulagning-
in því gengið vonum framar. „Fyr-
irtækin í bænum voru mjög dugleg
við að styrkja hátíðina og við erum
mjög ánægðar og þakklátar fyrir
það. Það voru allir tilbúnir að hjálpa
til og allir ánægðir með að hátíðin
skuli ekki hafa verið blásin af,“ segja
þær.
Bænum verður skipt í sex hverfi
sem hvert um sig verður með sinn
lit og svo sameinast allir íbúar og
gestir í skrúðgöngu sem endar í Sjó-
mannagarðinum. „Sjómannagarð-
urinn er aðalmálið og þar hittumst
við á laugardagskvöldinu og verð-
um með brekkusöng. Í Sjómanna-
garðinum verða tvö hverfi tilnefnd
til að halda utan um hátíðina næst.
Á hátíðinni 2015 verða svo ákveðin
önnur tvö hverfi til að sjá um hátíð-
ina 2017 og síðan koll af kolli. Við
ætlum að reyna að láta þetta ganga
þannig og vonandi festist þetta fyrir-
komulag í sessi þannig að ekki þurfi
að hætta við hátíðina. Það þurfa all-
ir að taka höndum saman og hjálp-
ast að, þá er þetta ekkert mál,“ segja
þær Irma og Regína að lokum. sko
Komin undan vondu fólki undir Jökli
Rætt við Öldu Björnsdóttur verslunarstjóra Name It í Smáralind
Alda Björnsdóttir, Snæfellingur sem stýrir versluninni Name It í Smáralind.
Regína Ösp Ásgeirsdóttir og Irma Dögg Toftum tóku hátíðina að sér með skömmum fyrirvara.
Ólafsvíkurvaka haldin í þriðja sinn
Rætt við Irmu Dögg Toftum og Regínu Ösp Ásgeirsdóttur í Ólafsvík