Skessuhorn - 20.06.2013, Blaðsíða 24

24 FIMMTUDAGUR 20. JÚNÍ 2013
Fyrir nokkru birtist í Skessuhorni og
Morgunblaðinu grein eftir þá höfð-
ingja í bæjarstjórn Akraness, Gunnar
Sigurðsson og Einar Brandsson. Þar
fjalla þeir á sinn hátt um ársreikninga
Akraneskaupstaðar fyrir síðasta ár og
fjárhag hans. Seint myndi sú land-
kynning þeirra talin bæta ímynd bæj-
arins, en sem betur fer fyrir Skaga-
menn er sú skuggalega mynd mál-
uð dekkstu litunum í litasafni þeirra.
„Það eru sólarlitlir dagar.“
Núverandi meirihluti setti sér það
mark í upphafi að reka bæjarsjóð af
ábyrgð og festu, tryggja bæjarbúum
úrvalsþjónustu, halda þjónustugjöld-
um í skefjum og skila til baka þeim
skerðingum sem gripið hafði verið til
vegna hrunsins. Við þetta hefur ver-
ið staðið.
Skuldir hafa verið greiddar nið-
ur, kannanir sýna að þjónusta við
bæjarbúa er einhver sú besta í land-
inu og gjöld fyrir hana eru óvíða
lægri. Þá hafa stofnanir bæjarins
hlotið mikilvægar viðurkenning-
ar fyrir störf sín á kjörtímabilinu,
sem sýna að starfsfólk er ánægt og
fólkið í bænum kann að meta þjón-
ustustofnanir sínar.
Þessar staðreyndir hefðu get-
að verið þeim félögum innblástur
til að lofa bæinn sinn, einmitt í að-
draganda bjartasta tímabils ársins.
Það gerðist ekki, en þess í stað var
sett á prent svartasta myndin.
Staðreyndin er auðvitað sú að
ársreikningur kaupstaðarins lítur
ekki vel út fyrir síðasta ár. Um það
stendur engin deila. Helstu ástæð-
ur þessa eru þær að reiknaðar líf-
eyrisskuldbindingar kaupstaðarins
reyndust miklu hærri en gert var
ráð fyrir, endurútreikingur setti
þar stærsta strikið í reikninginn.
Í öðru lagi var kaupstaðnum gert
að greiða skaðabætur vegna skipu-
lagsbreytinga og þriðja breytan var
gjaldfærsla vegna starfslokasam-
inga. Þá komu inn í ársreikinginnn
um 100 milljónir frá B hluta bæj-
arsjóðs (einkum Höfði, hjúkrunar-
og dvalarheimili), sem juku enn
hallann, mest reiknaðar lífeyris-
skuldbindingar.
Stofnanir bæjarins eru vel rekn-
ar, langlestar samkvæmt fjár-
hagsáætlun. Vaxtaberandi skuldir
hafa lækkað og lausafjárstaðan er
þokkaleg. Árs-
reikingurinn sýnir þó að Akranes á
það sammerkt með flestum sveit-
arfélögum að fjármagn til fram-
kvæmda er lítið og framlegðin er
ekki viðunandi til lengdar. Það er
sameiginlegur vandi sveitarfélaga
á Íslandi og hann þarf að leysa.
Meirihluti bæjarstjórnar hefur
átt ágætt samstarf við bæjarfulltrúa
minnihlutans á þessu kjörtímabili
og gætt þess að hlusta eftir tillög-
um þeirra og ábendingum. Þessir
ágætu heiðursmenn höfðu því öll
tækifæri til að leiðbeina og vara við
í tíma. Það gerðu þeir hins vegar
ekki, heldur þögðu þunnu hljóði.
Annað tveggja hefur því hent þá
og er væntanlega hvorugt gott.
Þeir gátu ekki séð niðurstöðuna
fyrir, frekar en meirihlutinn og
það er afsakanlegt, eða þeir þögðu
yfir vitneskjunni sem er verra.
Meðfylgjandi eru myndir sem
sýna annars vegar þróun lántöku
og afborganir langtímalána 2002-
2012 (A hluti bæjarsjóðs) og hins
vegar handbært fé frá rekstri Akra-
neskaupstaðar. Allar þessar tölur
eru á árslokaverðlagi 2012. Les-
endur eru hvattir til að skoða þró-
un lántöku og afborgana bæjar-
sjóðs árin 2006-2010, í stjórnartíð
síðasta meirihluta.
Guðmundur Páll Jónsson, formað-
ur bæjarráðs.
Sveinn Kristinsson, forseti bæjar-
stjórnar á Akranesi.
Þegar styrkjum í sóknaráætlun
landshluta fyrir Vesturland var út-
hlutað nýverið kom einn þeirra í
hlut verkefnis sem nefnist Skaga-
ferðir. Að þessu verkefni standa
tveir kennarar við Brekkubæj-
arskóla á Akranesi, þær Hildur
Björnsdóttir og Hafdís Bergsdóttir.
Skessuhorn vildi gjarnan forvitnast
meira um þetta verkefni, en um það
segir í umsögn úthlutunarnefndar
að markmið þess sé að bjóða ungu
fólki tækifæri og um leið hvetja til
útivistar og skemmtunar yfir sum-
artímann. Einnig sé markmið með
verkefninu að auka ferðamanna-
straum til Akraness með auknum
afþreyingarmöguleikum.
Heilbrigð skemmtun
Þær Hildur og Hafdís segja að
Skagaferðir verði nafn á ferðaþjón-
ustufyrirtæki með aðsetur á Akra-
nesi. Stefnt er að því að sú starf-
semi fari í gang vorið 2014 og er
útvíkkun og þróun á verkefni sem
þær verða með í sumar og nefn-
ist Skemmtismiðjan. Það verk-
efni skilgreina þær sem samveru
og heilbrigða skemmtun fyrir ung-
linga; hópefli, útivist, ævintýri og
skemmtun í bland.
„Í gegnum starf okkar með ung-
lingum höfum við tekið eftir að það
vantaði afþreyingu fyrir unglinga
á sumrin og þar sem okkur finnst
ákaflega gaman að vinna með þess-
um krökkum kviknaði þessi hug-
mynd. Upphaflega var námskeið-
ið hugsað fyrir nemendur í 7.-9.
bekk en þegar krakkarnir í 10. bekk
fréttu af þessu vildu þeir endilega
fá að vera með líka. Það kom okk-
ur því skemmtilega á óvart hvað
nemendur okkar sýndu þessu mik-
inn áhuga og virðast umbera okkur
vel,“ segja þær hlæjandi. Hafdís er
nú að stíga sín fyrstu skref í vinnu
við starfsemi tengda ferðaþjónustu,
en Hildur er menntaður leiðsögu-
maður og hefur sinnt ferðastjórn
og skiplagningu ferða í samvinnu
við ferðaskrifstofu. Þess má geta
að einn nemanda Brekkubæjarskóla
hannaði merkið fyrir Skemmti-
smiðjuverkefnið. Það er Brynjar
Mar Jóhannsson, en hann hannaði
líka merkið fyrir söngleikinn „Elsk-
aðu friðinn“ sem Brekkubæjarskóli
sýndi í vetur.
Fjölbreytt dagskrá
Skemmtismiðjan er hugsuð fyrir
unglinga á Akranesi og í nágrenni.
Hún verður í einskonar sumar-
búðastíl frá mánudegi til föstudags
fyrir hvern hóp og verður starf-
rækt í fjórar vikur. Miðað er við
að taka á móti 20 krökkum í hverri
viku. Það verða því um 80 ungling-
ar sem hafa mögulega á að komast
í þessa afþreyingu í sumar og þeg-
ar eru um 60 búnir að skrá sig. „Við
höfum svo sem ekki auglýst þetta
mikið, vorum með kynningu í skól-
unum hérna í bænum og Heiðar-
skóla. Mest eru þetta okkar krakkar
í Brekkubæjarskóla sem hafa skráð
sig. Það eru allir velkomnir, svo sem
þeir krakkar sem verða gestkomandi
í bænum í sumar, hjá frændfólki eða
afa og ömmu,“ segja þær Hafdís og
Hildur. Í Skemmtismiðjunni verð-
ur m.a. boðið upp á skemmtun og
leiki á Langasandi og í Garðalundi,
hestaferð hjá Guðrúnu Fjelsted á
Ölvaldsstöðum í Borgarfirði, klif-
ur og bátsferð með Björgunarsveit
Akraness og laser tag. „Einn dag í
vikunni verður innidagur þar sem
boðið verður upp á handavinnu,
matreiðslu og íþróttir. Þá er gam-
an að segja frá því að Skemmti-
smiðjan var að festa kaup á tveimur
„tandem“ hjólum sem eru hjól ætl-
uð fyrir tvo og verða notuð við hin
ýmsu tækifæri í sumar,“ segja þær
Hildur og Hafdís.
Verkefnið þróað
næsta vetur
Verkefnið Skagaferðir fékk eina
milljón króna í styrk frá sóknaráætl-
un Vesturlands. Þær stöllur segja að
styrkurinn muni nýtast mjög vel
við að koma verkefnum Skagaferða
af stað. „Í vetur ætlum við að þróa
verkefnið betur og markaðssetja
hugmyndina. Við hugsum okkar
einnig að stækka Skemmtismiðju-
verkefnið, útfæra það, auka fjöl-
breytni og fjölga samstarfsaðilum.
Einnig sjáum við fyrir okkur að fara
með Skemmtismiðjuna á önnur
svæði á Vesturlandi og gefa þann-
ig fleiri unglingum tækifæri til að
vera með. Næsta vor vonumst við
til að Skagaferðir geti boðið upp á
skipulagðar pakkaferðir um Suð-
vesturlandið fyrir hópa af öllu tagi,
til dæmis útskriftarhópa og ferða-
mannahópa, hér innanlands og
þeirra sem koma til landsins.“
þá
Pennagrein
„Það eru sólarlitlir dagar“
Skemmtismiðja á Akranesi í sumar
Hafdís Bergsdóttir og Hildur Björnsdóttir. Ljósm. hlh.