Skessuhorn - 21.08.2013, Qupperneq 17

17MIÐVIKUDAGUR 21. ÁGÚST 2013
abcFjölbrautaskóli Snæfellinga í Grundarfirði
Námsframboð aukið með aðild að Fjarmenntaskólanum
Fjölbrautaskóli Snæfellinga í Grundar-
firði verður settur á morgun, fimmtu-
daginn 22. ágúst, í tíunda skipti og
hefst kennsla strax að lokinni skóla-
setningarathöfn. Skráðir nemendur á
haustönn eru 210, þar af tæplega 60
nýnemar. 40 nemendur eru í dreif-
námi og þá stunda 33 nám frá fram-
haldsdeild skólans á Patreksfirði. Að
sögn Jóns Eggerts Bragasonar skóla-
meistara fer skólahald af stað með
venjubundnum hætti og koma nem-
endur í dagsskóla víðsvegar af Snæ-
fellsnesi. Tvær skólarútur aka daglega
með nemendur í Grundarfjörð, ein
frá Snæfellsbæ og önnur frá Stykkis-
hólmi. „Að sama skapi eru nemendur
okkar í framhaldsdeildinni á Patreks-
firði, sem búsettir eru á Bíldudal og
Tálknafirði, keyrðir til skóla í rútu,“
segir Jón Eggert.
Ánægja með samstarf í
fjarmenntun
FSN býður upp á nám á hinum venju-
bundnu bóknámsbrautum, félags-
fræða,- og náttúrufræðibraut, en einn-
ig er boðið upp á nám á almennri
braut. Við skólann er að auki rekinn
starfsbraut.
„Þá stendur skólinn að nýlegu sam-
starfi með sjö öðrum framhaldsskól-
um á landsbyggðinni sem nefnist Fjar-
menntaskólinn. Í Fjarmenntaskólan-
um er boðið upp á nám í sérgreinum
starfsnámsbrauta og er markmið sam-
starfsins að auka framboð náms á fram-
haldsskólastigi á starfssvæði skólanna
átta sem að því standa. Meðal náms-
brauta er skólaliðanám, stuðningsfull-
trúanám, námsbraut fyrir leikskólaliða
og fjallamennskubraut svo einhver
dæmi séu nefnd, en alls eru námsleið-
irnar fimmtán talsins,“ segir Jón Egg-
ert. Samstarfið hófst í fyrra en með
því ná skólarnir að sameina krafta sína
og þekkingu kennara, auk þess að efla
námsframboð. „Umsjón með áföng-
um dreifist á skólana þannig að allir
koma þeir að námsleiðum með einum
eða öðrum hætti. Kennt er bæði í fjar-
námi og lotunámi. Alls hafa 70 nem-
endur hafið nám undir merkjum Fjar-
menntaskólans sem að vissu leyti er
enn á tilraunastigi. Það gætir ánægju
með samstarfið og við hlökkum til
að þróa samstarf okkar á næstu miss-
erum.“ Nánar má fræðast um náms-
framboð og starf Fjarmenntaskólans á
vefnum www.fjarmenntaskolinn.is.
Á lygnum sjó í rekstrinum
Jón Eggert segir um 30 starfsmenn
í ólíkum starfshlutföllum vinna við
FSN nú um stundir. Hann segir skól-
ann dafna vel og að rekstur hans sé að
færast á lygnari sjó. „Við höfum eins og
aðrir skólar þurft að sæta niðurskurði
á síðastliðnum fimm árum. Þrátt fyrir
það hefur skólinn náð að greiða inn á
uppsafnaðan rekstrarhalla. Það verður
spennandi að sjá hver verkefni fram-
tíðarinnar verða. Nýr menntamála-
ráðherra hefur lýst yfir vilja sínum um
styttingu náms til stúdentsprófs þann-
ig að vænta má þess að ýmis verkefni
séu handan við hornið.“
hlh
Jón Eggert Bragason, skólameistari.
Frá Sólardögum FSN. Ljósm. sko. Þátttakendur í útivistardegi FSN síðasta haust. Ljósm. tfk.