Læknablaðið - 15.10.2000, Page 71

UMRÆÐA & FRÉTTIR / SAGA LÆKNISFRÆÐINN
A R
laugur Snædal og Halldór Baldursson. Loks skal talið
verkefni sem félagið hefur lítillega komið að. Árið
1998 voru lögð drög að stofnun rannsóknarstofu í
heilbrigðissögu við læknadeild Háskóla íslands og á
fulltrúi félagsins sæti í stjórn hennar.
Mikil og góð samvinna hefur tekist á milli
félagsins og ráðamanna Þjóðminjasafnsins en sér-
staklega hafa þó samskiptin verið mikil við Kristin
Magnússon safnvörð Nesstofusafns. Stjórnarfundir
félagsins eru haldnir í húsnæði safnsins í Nesi. Þá ber
að nefna gott samstarf við Lyfjafræðingafélagið sem
hefur komið sér upp myndarlegu húsnæði og safni í
Nesi. Eru allir stærri fundir félagsins haldnir í
húsnæði þess. Ötull tengiliður hefur verið Axel
Sigurðsson lyfjafræðingur.
Þegar Iitið er til baka yfir starfsemi félagsins er
eðlilegt að flestum komi í hug nafn Jóns Steffensens.
Hann var frumkvöðull að stofnun félagsins, helsta
driffjöðrin og formaður þess til æviloka. Hann tengdi
miklar vonir við starfsemina og ýmislegt hefur gengið
eftir af því sem hann ræddi um á stofnfundinum.
Utgáfumálin hafa þó orðið útundan vegna þess að
félagið hefur ekki haft burði til slíkrar starfsemi.
Ritun heilbrigðissögu hefur farið fram á vegum
Læknafélags íslands en hefur ekki verið gefin út
ennþá.
Þó að nafn félagsins sé tengt læknisfræði er
verksvið þess saga heilbrigðismála í víðum skilningi.
Þess vegna væri æskilegt að fá fulltrúa fleiri
heilbrigðisstétta, auk lækna, sem félagsmenn. Slíkt
myndi styrkja starfsemi þess og gera það öflugra og
sýnilega en verið hefur.
Ólafur Þ. Jónsson
Samningur við TR
Umsókn um aðild
Kostnaður sem Tryggingastofnun ríkisins greiðir
vegna heilbrigðisþjónustu utan sjúkrahúsa er
bundinn af árlegu framlagi sem Alþingi ákvarðar í
fjárlögum. Þetta á meðal annars við um þjónustu
sérfræðinga á eigin læknastofnum. Því er
stofnuninni nauðsynlegt að vita fyrirfram hversu
margir sérfræðingar muni starfa samkvæmt
samningi við hana, svo hægt sé að leggja fram
raunhæfa fjárhagsáætlun fyrir árið.
Þess vegna mun Tryggingastofnun afgreiða
umsóknir um aðild að samningi við TR á
eftirfarandi hátt:
Þeim sem sækja um aðild á fullnægjandi hátt á
tímabilinu frá 1. október 2000 til og með 30.
nóvember 2000 verður heimilað að hefja störf frá
og með 1. janúar 2001.
Þeim sem sækja um aðild á fullnægjandi hátt á
tímabilinu 1. desember 2000 til og með 30.
nóvember 2001 verður heimilað að hefja störf frá
og með 1. janúar 2002.
Tryggingayfirlæknir
Læknablaðið 2000/86 703