Skessuhorn - 12.03.2014, Qupperneq 10

10 MIÐVIKUDAGUR 12. MARS 2014
Tillögur um um-
hverfisverðlaun
NORÐURLÖND: Norður-
landaráð auglýsir eftir tillögum
að handhöfum náttúru- og um-
hverfisverðlauna Norðurlanda-
ráðs 2014. Í ár verða verðlaun-
in veitt sveitarfélagi, bæjarfélagi
eða nærsamfélagi sem hefur með
samstilltu átaki lagt sitt af mörk-
um fyrir umhverfið í heild eða
stuðlað að úrbótum varðandi af-
markað umhverfismál. Frestur-
inn til að senda inn tillögur renn-
ur út þann 23. apríl. Nemur verð-
launaféð 350 þúsund dönskum
krónum, eða tæpum 7,3 milljón-
um íslenskra króna. Hægt er að
senda inn tillögur að verðlauna-
höfum með því að fylla út þar til
gert eyðublað á heimasíðu Norð-
urlandaráðs. –mm
Ríflega ein fast-
eign seld á dag
VESTURLAND: Í febrúar síð-
astliðnum var samtals 31 kaup-
samningi um fasteignir þing-
lýst á Vesturlandi. Þar af voru
15 samningar um eignir í fjöl-
býli, 10 samningar um eignir í
sérbýli og 6 samningar um ann-
ars konar eignir. Heildarveltan
var 678 milljónir króna í þessum
viðskiptum og meðalupphæð á
samning 21,9 milljónir króna. Af
þessum 31 samningi voru 16 um
eignir á Akranesi. Þar af voru 10
samningar um eignir í fjölbýli og
6 samningar um eignir í sérbýli.
Heildarveltan var 403 milljónir
króna og meðalupphæð á samn-
ing 25,2 milljónir króna. Til sam-
anburðar var í febrúarmánuði 55
samningum þinglýst á Norður-
landi, 24 á Austurlandi, 33 á Suð-
urlandi og 47 á Reykjanesi. –mm
Aflatölur fyrir
Vesturland
1. - 7. mars.
Tölur (í kílóum)
frá Fiskistofu:
Akranes 19 bátar.
Heildarlöndun: 1.717.334 kg.
Mestur afli: Faxi RE: 838.594
kg í tveimur löndunum.
Arnarstapi 6 bátar.
Heildarlöndun: 86.878 kg.
Mestur afli: Katrín SH: 26.616
kg í fimm löndunum.
Grundarfjörður 12 bátar.
Heildarlöndun: 464.888 kg.
Mestur afli: Geir ÞH: 85.700
kg í fimm löndunum.
Ólafsvík 24 bátar.
Heildarlöndun: 597.039 kg.
Mestur afli: Steinunn SH:
130.182 kg í fimm löndunum.
Rif 20 bátar.
Heildarlöndun: 751.297 kg.
Mestur afli: Tjaldur SH:
145.245 kg í tveimur löndun-
um.
Stykkishólmur 7 bátar.
Heildarlöndun: 120.189 kg.
Mestur afli: Þórsnes SH:
83.865 kg í þremur löndunum.
Topp fimm landanir
á tímabilinu:
1. Lundey NS – AKR:
842.810 kg. 5. mars
2. Faxi RE – AKR:
730.139 kg. 6. mars
3. Faxi RE – AKR:
108.455 kg. 2. mars
4. Tjaldur SH – RIF:
82.286 kg. 7. mars
5. Örvar SH – RIF:
73.670 kg. 6. Mars
mþh
Fyrirhugaðar eru ýmsar fram-
kvæmdir á vegum Borgarbyggð-
ar á þessu ári. Að sögn Páls S.
Brynjarssonar sveitarstjóra eru
viðhalds- og gatnagerðarfram-
kvæmdir í undirbúningi fyrir hátt
í 130 milljónir króna. Stærstu
verkefnin eru endurbætur á hús-
næði Grunnskólans í Borgarnesi,
malbikun og frágangur bílaplans í
Reykholti og lagfæringar í félags-
heimilinu Lyngbrekku á Mýr-
um. Í gatnagerðarframkvæmdum
er gert ráð fyrir byggingu gang-
stéttar við Bjarnarbraut, Fjólu-
klett og Birkiklett í Borgarnesi
auk þess sem stefnt er á að ljúka
framkvæmdum á bílastæði á horni
Bjarnarbrautar og Brákarbrautar.
Þá segir Páll stefnt að breyting-
um á skólaholtinu í bænum, milli
grunnskólans og Hótels Borgar-
ness. Breytingarnar miða að því
að auka öryggi gangandi vegfar-
enda en ferðir skólabarna eru tíð-
ar á þessari leið þar sem mötu-
neyti skólans er á hótelinu. Ver-
ið er að vinna að tillögu að breyt-
ingum sem kynntar verða íbú-
um á svæðinu á næstunni. Með-
al þess sem verið er að skoða er
að breikka gangstétt í Bröttugötu
og að gera sérstakt sleppitorg þar
sem bílastæði við sparkvöll grunn-
skólans er nú.
Áfram verður haldið með gerð
göngustíga á árinu. Páll segir
stefnt að því að klára göngustíg
fyrir Suðurneskletta í neðri bæn-
um. Þar verður meðal annars reist
sérstök göngubrú til að tengja
göngustíginn við Bjarnarbraut.
Styttri stígar verða einnig gerðir í
Bjargslandi, m.a. stígur sem teng-
ir vatnstankinn græna við Kvía-
holt og stíg sem tengir Hamra-
vík við göngustíg hjá lóð Límtrés-
Vírnets. Fleiri verkefni eru einnig
fyrirhuguð. Páll býst við að fram-
kvæmdir hefjist í vor. hlh
Gríðarleg þorskgengd er nú á
grunnslóð beggja vegna við Snæ-
fellsnes. Netabátar eru að fá mok-
afla þar sem algengt er að netin séu
hreinlega full af fiski, bunkuð sem
kallað er. Bárður SH 81 frá Arn-
arstapa er einn þessara báta. Pétur
Pétursson skipstjóri og útgerðar-
maður segir að báturinn hafi verið
að fá fullfermi allt að þrisvar sama
daginn. „Undafarið hefur verið
hreint óhemju mikið af þorski. Það
er ekki annað að sjá en það séu að
koma mjög kraftmiklar göngur af
fiski til hrygningar. Þorskurinn er
þó aðeins seinna á ferðinni nú en
undanfarin ár. Hann fór að koma
upp á grunnið af miklum krafti um
miðjan febrúar. Það lóðar alveg
svakalega á þorsk hér um allt, bæði
djúpt og grunnt beggja megin við
Snæfellsnes.“
Algert mok
í þorskanetin
Pétur er búsettur á Arnarstapa
og gerir bát sinn alla jafna út það-
an. Þrálátar suðlægar áttir hafa hins
vegar orðið til þess að áhöfn Bárð-
ar SH hefur róið síðustu daga frá
Ólafsvík og landað þar. Tveir menn
eru í áhöfn með Pétri. „Það er búið
að vera ákaflega vindasamt í vetur.
Eftir þrálátar norðaustan áttir er
farið að snúast til sunnanátta. Því
erum við komnir hér norður fyr-
ir Snæfellsnesið núna. Það er ein-
göngu til að fá skjól fyrir sunn-
anáttunum. Við vitum að það er
geysilega mikið af fiski núna við
Arnarstapa og víðar sunnanmegin
við Snæfellsnesið.“
Áhöfnin á Bárði SH stendur virki-
lega í ströngu þessa dagana. „Það er
mjög algengt að fá tonn af þorski í
hvert net. Við erum bara með hefð-
bundin þorskanet með níu tomma
riðli sem eru hvert fyrir sig felld á
55 metra langan tein. Það eru tíu
net í hverri trossu. Stundum drög-
um við sömu trossuna tvisvar sama
daginn og höfum dregið trossur allt
að þrisvar á sólarhring. Það er bara
svo mikið af þorski að það er ekki
hægt að láta netin liggja. Þau fyll-
ast,“ segir Pétur Pétursson skip-
stjóri. „Þorskurinn er mjög góð-
ur og vel haldinn. Hann er stór og
lifrarmikill. Það er alveg ljóst að
okkur Íslendingum hefur tekist að
byggja upp þorskstofninn,“ bætir
hann við.
Lítið sést til loðnu
Ekkert lát er á þessum góðu afla-
brögðum. Bárður SH tekur um tíu
tonna afla sem komið er fyrir ísuð-
um í plastkör um borð. „Á fimmtu-
daginn fylltum við öll kör þrisv-
ar sinnum. Þennan eina dag fór-
um við því þrisvar inn til löndunar.
Þessi fiskur sem við erum að landa
er tekinn lifandi úr netunum og ný-
dreginn þegar við löndum honum
á markað. Það er svo stutt að fara á
miðin núna. Þetta er bara hér rétt
fyrir utan.“
Pétur segir að þó að ástandið sé
gott þá valdi það honum áhyggjum
hvað lítið hafi sést af loðnu í Faxa-
Frá Borgarnesi.
Borgarbyggð með ýmsar
framkvæmdir á árinu
Bunkuð net hjá Bárði SH
flóa og á Breiðafirði núna undan-
farið. „Við höfum ekki séð nein-
ar lóðningar af loðnu nú í febrúar
og mars eins og við gerum alltaf á
þessum árstíma. Það er örugglega
búið að vera mikið minna af loðnu í
Faxaflóa og Breiðafirði núna held-
ur en undanfarin ár. Ég er búinn að
stunda þetta í 30 ár og hef aldrei
séð jafn lítið af loðnu og núna. Þó
sjáum við að þorskurinn er núna að
éta loðnu. Maður vonar því að hún
sé þarna en bara svona dreifð í sjón-
um.“
Telur að tryggja verði
þorskinum nóg æti
Þó Pétur segist sannfærður um að
þorskstofninn sé orðinn sterkur og
lýsi ánægju með það, þá hefur hann
áhyggjur af því að allur þessi þorsk-
ur fái ekki nóg að éta. Stór og ört
vaxandi þorskstofn þurfi mikið og
gott æti.
„Maður er mjög hugsi yfir því
hvað ofsalega lítið hefur sést af
loðnu í vetur. Ef okkur á að tak-
ast að byggja upp stóran þorskstofn
og viðhalda honum þá verðum við
að tryggja honum æti. Við megum
ekki ganga of nærri loðnunni. Nú
þurfum við að vanda okkur í þess-
um efnum. Ég hef til dæmis mikl-
ar efasemdir um að það sé rétt að
veiða loðnuna í flottrollin. Þau
splundra torfunum og trufla göngu
loðnunnar með landinu. Það get-
ur haft þau áhrif að hún nái ekki að
komast á áfangastað til hrygningar
á mikilvægustu hrygningarstöðvum
þorskins við suðvestur- og vestan-
vert landið. Þorskurinn þarf þetta
æti sem loðnan er til að byggja sig
upp fyrir hrygninguna. Við sjáum
það vel sjálfir þegar við erum að
draga þorska á vorin að hrygningin
getur gengið mjög nærri þeim. Þeir
eru sumir grindhoraðið og mátt-
lausir eftir þau átök. Ef fiskarn-
ir eiga að lifa þetta af þá verða þeir
að vera í góðu formi. Það er með
þá eins og öll önnur dýr. Sömu lög-
mál,“ segir Pétur Pétursson.
mþh/ Ljósm. Pétur Pétursson
yngri.
Mynd sem tekin var þegar áhöfn Bárðar SH dró þorskanetin í síðustu viku. Það var
svo mikið af þorski í trossunni að hún flaut upp.
Hér sést hvernig netin geta verið bunkuð af þorski þegar þau eru dregin, jafnvel
þó þau hafi aðeins legið í örfáar klukkustundir. Þessi mynd var líka tekin í síðustu
viku.