Skessuhorn - 19.03.2014, Qupperneq 2

2 MIÐVIKUDAGUR 19. MARS 2014
Eins og veðurspáin er næstu daga
er rétt að brýna fyrir fólki sem ætlar
eitthvað lengra til að afla sér upplýs-
inga um veðurútlit og færð, sem og
fara varlega þar sem snjódriftir og lé-
legt skyggni geta skapað stórhættu
á vegum.
Enn er norðaustan áttin þrálát og
hún verður stíf næstu dagana alveg
fram á sunnudag, með tilheyrandi
snjókomu eða éljum á norðanverðu
landinu og fyrir austan en úrkomu-
litlu syðra. Kalt verður í veðri, eink-
um á laugardag þegar frostið verður
3-12 stig. Á sunnudag er spáð frem-
ur hægri breytilegri átt, en norðvest-
an strekkingi og stöku éljum á norð-
austur horninu. Á mánudag eru lík-
ur á suðlægri átt með snjókomu eða
slyddu sunnan- og vestanlands með
hlýnandi veðri.
Í síðustu viku var spurt á vef Skessu-
horns: „Ferðu í leikhús í vetur?“ Um
þetta er ekki síst spurt þar sem a.m.k.
fjórar leiksýningar eru í gangi í lands-
hlutanum. Margir kveðast ætla í leik-
hús. „Já örugglega“ sögðu 40,04% og
„já sennilega“ 12,61%. 17,26% vissu
það ekki en 30,09% kváðust örugg-
lega ekki ætla að fara.
Í þessari viku er spurt:
Á styrkjakerfi landbúnaðar að ná
yfir geitabúskap?
Áhugaleikarar vítt og breitt um
landshlutann eru Vestlendingar vik-
unnar. Nú er t.d. verið að sýna mjög
áhugaverð leikverk í Stykkishólmi, í
Lyngbrekku á Mýrum, í Logalandi og
NFFA sýnir í Bíóhöllinni á Akranesi.
Skessuhorn hvetur fólk til að gefa
þessum sýningum gaum.
Til minnis
Veðurhorfur
Spurning
vikunnar
Vestlendingur
vikunnar
Afhending
tafðist
SNÆF: Neta- og dragnót-
arbáturinn Magnús SH frá
Hellissandi verður í Skipa-
smíðastöð Þorgeirs og Ell-
erts á Akranesi nokkrum dög-
um lengur en áætlað var. Upp-
haflega var fyrirhugað að sigla
skipinu heim um liðna helgi.
Við prófanir á því rétt fyrir
brottför kom hins vegar í ljós
að lagfæra þyrfti pakkning-
ar í skrúfubúnaði skipsins. Til
að gera það þurfti að taka það
aftur upp í skipalyftu stöðvar-
innar. Vonast er til að Magnús
SH haldi heim í lok vikunnar.
-mþh
Úthlutað úr
Menningarsjóði
BORGARBYGGÐ: Úthlut-
að hefur verið úr Menningar-
sjóði Borgarbyggðar. Við út-
hlutun að þessu sinni var lögð
sérstök áhersla á grasrótarstarf
en alls bárust 22 umsóknir upp
á ríflega 4,5 milljónir króna.
15 verkefni fengu úthlutun
og nemur úthlutunarupphæð
þeirra um 1,6 milljón króna.
Þessir fá styrk: Reykholtskór-
inn, kórinn Gleðigjafar, Sam-
kór Mýramanna, karlakórinn
Söngbræður, IsNord tónlist-
arhátíðin, Ljómalind vegna
endurmenntun í menning-
ararfi, Tónlistarfélag Borg-
arfjarðar, leikdeildir Umf.
Skallagríms, Umf. Reykdæla
og Umf. Stafholtstungna,
Ríkharður Mýrdal Harðar-
son vegna vefsíðugerðar um
Hörð Jóhannsson, danshóp-
urinn Sporið fyrir kynningar-
námskeið í þjóðdönsum, Haf-
steinn Þórisson vegna afmæl-
istónleika og Sigrún Elías-
dóttir vegna heimildaöflunar
um Bjarna Viborg.
-hlh
Innlend fram-
leiðsla gerð
upptæk
LBD: Lögreglan gerði sl.
mánudag húsleit í íbúðarhúsi
í Borgarnesi og á sveitabæ í
Borgarfirði. Í húsleitunum var
lagt hald á um tíu grömm af
kannabisefnum. Tveir menn
voru handteknir vegna þessa
máls og var þeim sleppt að
yfirheyrslum loknum. Efnin
voru talin til eigin nota og að
um innlenda framleiðslu væri
að ræða.
-þá
Viðburðaríkt ár
lúðrasveitar
S T Y K K I S H Ó L M U R :
Landsmót skólalúðrasveita
verður haldið í Stykkishólmi
helgina 4.-6. apríl næstkom-
andi. Von er á um 200 nem-
endur í Hólminn til að spila
og skemmta sér saman heila
helgi. Skammt er stórra högga
á milli því Lúðrasveit Stykk-
ishólms verður 70 ára á þessu
áru og af því tilefni verða af-
mælistónleikar í Stykkishólms-
kirkju sumardaginn fyrsta, 24.
apríl kl. 17:00.
-mm
HB Grandi hf. og tyrkneska skipa-
smíðastöðin Celiktrans Denis
Insaat Ltd. hafa komist að sam-
komulagi um að Celiktrans full-
hanni og smíði líkan af ísfiskstog-
ara til skoðunar í tanki. Á vef fyr-
irtækisins er greint frá því að Al-
freð Tulinius og Bárður Hafsteins-
son skipaverkfræðingar hjá Nau-
tic ehf. hafi tekið að sér hönnun
skipsins. Áætlað er að hönnunin og
prófun líkans verði að fullu lokið
í júní næstkomandi en í framhaldi
þess ræðst hvort samkomulag náist
á milli aðila um smíði þriggja ís-
fiskstogara. Náist samkomulag má
búast við að fyrsti togarinn verði
afhentur um mitt árið 2016. Þeg-
ar liggur fyrir gróf útlitshönn-
un af togurunum sem eru um 55
metra langir og 13,5 metra breið-
ir. Skipasmíðastöðin Ceiliktrans
er nú með uppsjávarskip í smíðum
fyrir HB Granda.
mm/hbgrandi.is
Bæjarráð Akraness samþykkti á
fundi sínum síðastliðinn fimmtudag
fyrirliggjandi kaupsamning vegna
Dalabrautar 6 á Akranesi milli
kaupstaðarins og Bifreiðastöðvar
Þórðar Þ. Þórðarsonar. Jafnframt
var samþykkt á fundinum viðauki
við fjárhagsáætlun 2014. Hvoru-
tveggja var vísað til umfjöllunar og
staðfestingar bæjarstjórnar.
Eins og fram hefur komið í
Skessuhorni verður ÞÞÞ húsið
keypt í þeim tilgangi að þar verði
þjónustumiðstöð fyrir aldraða og
um leið aðstaða til félagsstarfs Fé-
lags eldri borgara á Akranesi og ná-
grenni. Á aðalfundi félagsins í byrj-
un mars tilkynnti Regína Ásvalds-
dóttir bæjarstjóri um fyrirhuguð
kaup og lét þá í ljós vonir um að
þetta yrði einskonar afmælisgjöf frá
kaupstaðnum til FEBAN sem fagn-
ar 25 ára afmæli um þessar mundir.
ÞÞÞ húsið er tæplega 900 fermetrar
að stærð og meðfylgjandi lóð gefur
möguleika á stækkun hússins. Sam-
kvæmt skipulagi er gert ráð fyrir
tveimur fjölbýlishúsum á umræddri
lóð enda er hún mjög stór.
þá
Þriðjudaginn 11. mars síðastlið-
inn hófust framkvæmdir á Lang-
jökli við gerð ísganga fyrir ferða-
menn. Um er að ræða undirbún-
ingsvinnu á yfirborði jöklsins til að
gera gröft hinna eiginlegu ísganga
mögulegan en sú vinna mun hefj-
ast innan skamms. Undirbúningur
verkefnisins hefur staðið yfir í tæp
fjögur ár. Skessuhorn hefur áður
sagt frá væntanlegri ísgangafram-
kvæmd með spjalli við Reynir Sæv-
arsson sem starfar hjá verkfræði-
stofunni EFLU. Hann hefur frá
upphafi verið verkefnisstjóri þessa
framsækna verkefnis. Um aðdrag-
anda og tilurð þess segir Reyn-
ir m.a: „Í maí 2010 setti Baldvin
Einarsson, sem rekur ferðaskrif-
stofuna IceTour í Noregi, fram þá
hugmynd að grafa göng í jökul-
inn fyrir ferðamenn. Göngin yrðu
staðsett hátt á jöklinum og öflugir
jöklabílar nýttir til að flytja gestina
upp. Nokkru áður hafði Arngrím-
ur Hermannsson byrjað rekstur
sérútbúinna átta hjóla jöklatrukka
sem geta flutt marga farþega upp
jökulinn við nær hvaða aðstæður
sem er.“
Reynir segir að jöklafræði-
lega sé staðsetning hátt á jöklin-
um mun hentugri en niðri við jað-
ar hans. Sumarið 1996 hafi Krist-
leifur í Húsafelli staðið fyrir gerð
íshellis við jaðar Langjökuls í
sama tilgangi, en erfitt reyndist
að viðhalda honum vegna hraðr-
ar bráðnunar. „Baldvin Einars-
son fékk til liðs við sig félaga sinn
Hallgrím Örn Arngrímsson verk-
fræðing á verkfræðistof-
unni EFLU við útfærslu
hugmyndarinnar. Í júlí
sama ár ákvað EFLA svo
að vinna að verkefninu
með það að markmiði að
þróa það nægilega til að
fjárfestar gætu komið að því. Um
þremur árum síðar, eftir að búið
var að skoða vandlega öryggismál,
leyfismál, umhverfisáhrif, kostn-
að og graftraraðferðir, var gengið
frá samkomulagi við nýstofnaðan
fjárfestingasjóð um kaup og fjár-
mögnun verkefnisins. Fjárfestinga-
sjóðurinn heitir Icelandic Tour-
ism Fund I og er í eigu Icelandair,
Landsbankans og nokkurra lífeyr-
issjóða, en verkefnið hafði frá upp-
hafi verið unnið í samráði við Ice-
landair,“ segir Reynir.
Nú hefur verið samið við Bygg-
ingarfélagið Balta ehf. um vinnu
við gerð ganganna á Langjökli í
samvinnu við tæknimenn EFLU
sem hafa umsjón með framkvæmd-
inni. Á vegum Balta munu nokkr-
ir vaskir Borgfirðingar fara í dags-
ferðir á jökulinn og vinna að greftr-
inum fram á sumar. Í framhaldi af
því á að útbúa inni í ísgöngunum
magnaða sýningu fyrir innlenda
og erlenda ferðamenn. Markmið-
ið er að þarna verði gerðir stærstu
manngerðu íshellar í heimi.
mm
ÞÞÞ húsið að Dalbraut 6.
Samningar nást um kaup Akranes-
kaupstaðar á ÞÞÞ húsinu
Hugur í HB Granda fólki um
fjölgun ísfiskstogara
Framkvæmdir hafnar við einn stærsta
manngerða íshelli í heimi
Reynir Sævarsson og félagar á Langjökli í síðustu viku. Vaskir Borgfirðingar
munu vinna verkið. F.v. Bragi Geir Gunnarsson, Reynir Sævarsson, Hjörtur Örn
Arnarson, Gunnar Konráðsson og Andrés Eyjólfsson. Einar Steinþór Traustason
vantar á myndina.
Þversnið sem sýnir fyrirhuguð göng í Langjökli.
Menn Balta að störfum, Einar Steinþór Traustason
fremstur. Ljósm. Reynir Sævarsson.