Skessuhorn - 07.05.2014, Blaðsíða 6

6 MIÐVIKUDAGUR 7. MAÍ 2014
Kynntu nýtt
svæðisskipulag
SNÆFELLSNES: Svæðis-
skipulagsnefnd sveitarfélag-
anna á svæðinu auglýsti í síð-
ustu viku nýtt svæðisskipu-
lag fyrir Snæfellsnes. Meg-
inhlutverk þess er að stuðla
að því að öll sveitarfélögin,
í samvinnu við íbúa og at-
vinnulíf, sigli í sömu átt í um-
hverfis-, atvinnu- og mennta-
málum. Tillöguna má nálg-
ast á vef Alta sem og á bæj-
ar- og oddvitaskrifstofum á
Snæfellsnesi. Kynning tillög-
unnar fór síðan fram á þrem-
ur stöðum síðastliðinn föstu-
dag; í Stykkishólmi, á Vega-
mótum og í Ólafsvík. Form-
legt auglýsingaferli fer síðan
af stað í sumar og gefst þá 6
vikna frestur til að koma að at-
hugasemdum. –mm
Innbrotstilraun
í Botnsskála
LBD: Reynt var að brjót-
ast inn í Botnsskála í Hval-
firði upp úr hádegi sl. mánu-
dag. Öryggiskerfið fór í gang
og hrakti innbrotsþjófa burtu
áður en þeir komust inn.
Enginn rekstur er í Botns-
skála og hefur ekki verið um
árabil. Á upptöku öryggis-
myndavéla sést liðleg kona á
skokki með Schefferhund á
svæðinu og gamall Suzukij-
eppi að aka frá skálanum. Þeir
sem kynnu að hafa upplýsing-
ar um mannaferðir á svæðinu
á þessum tíma eru beðnir um
að hafa samband við lögregl-
una í Borgarnesi. –þá
Danskir dagar á
frímerki
STYKKISH: Næstkom-
andi fimmtudag kemur út
frímerki hjá Íslandspósti til
heiðurs Dönskum dögum
í Stykkishólmi. Frímerkið
er í seríu merkja sem prent-
uð eru til heiðurs bæjarhá-
tíðum á landinu og er þar í
hópi með t.d. Menningarnótt
í Reykjavík og Humarhátíð á
Höfn. Á frímerkinu má glitta
í Súgandisey, Narfeyrarstofu,
Hótel Egilsen og Tang &
Riis, en í forgrunni er fólk að
skemmta sér og dönsku fána-
litirnir allsráðandi. Danskir
dagar verða í sumar haldnir í
tuttugasta skipti en hátíðin er
með elstu bæjarhátíðum hér á
landi og upphaflega til henn-
ar stofnað til að lengja ferða-
tímann í Stykkishólmi. –mm
Tilnefningar til
bæjarlistamanns
AKRANES: Árlega út-
nefnir Akraneskaupstað-
ur bæjarlistamann til eins
árs í senn. Nú hampar Sig-
urbjörg Þrastardóttir þeim
titli. Menningarmálanefnd
Akraneskaupstaðar hefur
ákveðið að gefa almenningi
kost á að taka þátt í að til-
nefna næsta bæjarlistamann
Akraness. Nefndin mun
fara yfir allar tilnefningar og
verða niðurstöður kynntar á
þjóðhátíðardaginn við hátíð-
lega athöfn. Fólk er hvatt til
að kynna sér vel þær reglur
sem í gildi eru um bæjarlista-
mann, en reglurnar má sjá á
vef bæjarins. Tilnefningar-
frestur er til og með 15. maí
nk. –mm
Frjálsíþrótta-
skólinn í júní
BORGARNES: Frjáls-
íþróttaskóli UMFÍ verður
starfræktur á fjórum stöð-
um um landið í sumar. Skól-
inn er ætlaður ungmennum
á aldrinum 11 – 18 ára. Skól-
inn verður á Egilsstöðum,
Laugum í Suður Þingeyjar-
sýslu, Selfossi og í Borgarnesi
en þar verður skólinn dag-
ana 23.-24. júní. Ungmenn-
in koma saman á hádegi á
mánudegi en skólanum lýkur
á hádegi á föstudegi í sömu
viku. Aðaláhersla er lögð á
kennslu í frjálsum íþróttum.
Auk frjálsra íþrótta er farið
í sund, leiki, óvissuferðir og
haldnar kvöldvökur. UMFÍ
hefur yfirumsjón með fram-
kvæmd en skólinn er í sam-
vinnu við Frjálsíþróttasam-
band Íslands. Sambandsaðil-
ar á því svæði sem skólinn er
haldinn á hverju sinni sjá um
að finna kennara og aðstoð-
armenn til starfa við skól-
ann. Lagt er upp með að fag-
menntaðir kennarar sjái um
kennsluna á hverjum stað.
Sjá nánar á vef UMFÍ.
–mm
Fjórhjólsakstur
hræðir hesta
LBD: Maður datt af hest-
baki og lemstraðist nokk-
uð er fjórhjóli var ekið nærri
honum á Hvanneyri í síðustu
viku. Er þetta í annað sinn á
stuttum tíma sem akstur fjór-
hjóls, nærri hesthúsahverfinu
á Hvanneyri, fælir hross. Þá
fældist hestur, trúlega vegna
fugls er flaug upp úr skurði,
við þjóðveginn skammt frá
Hamri við Borgarnes. Knap-
inn réði ekki við hestinn og
kastaði sér af baki en hestur-
inn hljóp upp á veg og lenti
þar fyrir bíl. Knapinn slapp
með skrámur en hrossið fót-
brotnaði og var aflífað.
–þá
Regína Ásvaldsdóttir bæjarstjóri og
Brynjar Kjærnested framkvæmda-
stjóri Garðlistar ehf. undirrituðu
samning í liðinni viku um grasslátt
á Akranesi. Samningurinn gildir frá
undirritun til 1. september 2016. Í
frétt á vef bæjarins segir að Akra-
neskaupstaður hafi boðið grasslátt-
inn út í mars síðastliðnum og voru
tilboð opnuð 2. apríl. Alls tóku sex
fyrirtæki þátt í útboðinu og var
Garðlist með lægsta tilboðið. Fyr-
irtækið mun sjá um slátt á opnum
svæðum á Akranesi, meðal annars
í Garðalundi, á tjaldsvæðinu í Kal-
mansvík, á Garðatúni og Leynis-
flöt. Fyrirtækið ráðgerir að aug-
lýsa eftir starfsmönnum á Akranesi
á næstu dögum.
mm
Talsverðar framkvæmdir hafa ver-
ið við Sundlaug Ólafsvíkur síðan
í fyrra en nú stendur til að laugin
verði formlega opnuð á laugardag-
inn. „Skólasund hófst fyrir stuttu
en nú stendur til að opna laugina
fyrir almenning. Sundlaugin er
orðin hin glæsilegasta og á laug-
ardaginn opnum við innilaugina
formlega. Útisvæðið verður ekki
opnað fyrr en í lok mánaðarins, því
verið er að flísaleggja svæðið,“ seg-
ir Smári Björgvinsson bæjartækni-
fræðingur Snæfellsbæjar í samtali
við Skessuhorn. Skipt var um tvo
heita potta, vaðlaug og lendingar-
laug fyrir litla rennibraut fyrir utan
íþróttahúsið. Þá var einnig skipt
um alla glugga, lagnir og loftræst-
ing bætt í húsinu. Sjálfvirkt klór-
kerfi var sett upp og skipt um allan
hreinsibúnað.
Smiðir komu frá SÓ húsbygg-
ingum ehf. í Borgarnesi en aðrir
iðnaðarmenn úr Snæfellsbæ sáu um
aðra verkþætti, ásamt starfsmönn-
um Áhaldahúss Snæfellsbæjar.
Smári nefnir að fleiri framkvæmd-
ir séu í bænum. Nýlega var grafið
fyrir undirstöðum undir nýtt þjón-
ustuhús á tjaldsvæðinu í Ólafsvík.
Tjaldsvæðið er staðsett við útjað-
ar bæjarins að austanverðu og má
þar finna þjónustu svo sem salerni,
heitt og kalt rennandi vatn, sturtur,
úrgangslosun og rafmagn. „Búið er
að teikna og hanna húsið og fylla í
sökkulhæð fyrir það. Snæfellsbær
leitar nú tilboða í smíði þess,“ seg-
ir hann. Smári segir að húsið muni
koma til með að standa saman af
tveimur tæplega 30 fm. eining-
um með rúmgóðri verönd á milli,
sem verður að hluta til yfirbyggð.
Ekki er ráðgert að framkvæmdum
við húsið verði lokið að fullu fyr-
ir sumarið.
grþ
Frá undirritun samnings um slátt
á opnum svæðum. Frá vinstri: Íris
Reynisdóttir garðyrkjustjóri, Sigurður
Páll Harðarson framkvæmdastjóri
umhverfis- og framkvæmdasviðs,
Regína Ásvaldsdóttir bæjarstjóri og
Brynjar Kjærnested framkvæmdastjóri
Garðlistar ehf.
Akraneskaupstaður semur
við Garðlist um slátt
Teikning af þjónustuhúsinu sem kemur
til með að standa á tjaldsvæðinu í
Ólafsvík.
Unnið við tjaldstæði en sundlaugin
í Ólafsvík tilbúin
Sundlaugin er hin glæsilegasta eftir breytingar. Sagað var úr fyrir nýjum glugga
á enda hússins sem gerir inniaðstöðuna mun bjartari en áður. Stefnt er að því að
opna útisvæðið í lok mánaðar.