Skessuhorn - 07.05.2014, Blaðsíða 20

20 MIÐVIKUDAGUR 7. MAÍ 2014
Stuðningsfulltrúa í grunnskóla
Dag ur í lífi...
Nafn: Heiðar Örn Jónsson
Starfsheiti/fyrirtæki: Starfa sem
stuðningsfulltrúi í Grunnskóla
Borgarfjarðar á Kleppjárnsreykj-
um.
Fjölskylduhagir/búseta: Ég er
Hvanneyringur í húð og hár og
bý þar með Arnari Inga syni mín-
um og Selmu Ágústsdóttur barns-
móður minni.
Áhugamál: Hljóðfæraglamur,
tónlist og fánýtur fróðleikur.
Vinnudagurinn 30. apríl 2014.
Mætt til vinnu? Ég mætti kl.
07:50 í skólarútuna á Hvanneyri
og það fyrsta sem ég gerði var að
láta alla fara í belti. Þegar ég kom í
skólann fór ég og náði mér í kaffi-
bolla áður en ég fór með krökk-
unum í kennslustofu.
Klukkan 10? Þá var ég að spila
körfubolta við krakkana í 4.-5.
bekk.
Hádegið? Þá settist ég niður með
krökkunum í matsalnum og borð-
aði með þeim hádegismat. Drakk
svo kaffibolla númer tvö þegar
maturinn var búinn.
Klukkan 14? Þá var ég að að-
stoða nemendur í 4.-5. bekk í
stærðfræði. Síðan hoppuðum við
út í góða veðrið þegar vikuáætl-
unin var búin.
Hvenær hætt og það síðasta
sem þú gerðir í vinnunni?
Vinnudeginum mínum lauk þeg-
ar ég kom heim á Hvanneyri aftur
um klukkan 15:50 með skólarút-
unni. Það síðasta sem ég gerði var
að kveðja krakkana.
Fastir liðir alla daga? Bjóða góð-
an daginn, brosa, fá mér kaffibolla
og þakka alltaf fyrir daginn þegar
honum lýkur.
Hvað stendur upp úr eftir
vinnudaginn? Gott veður sem er
oft lykill að góðu skapi. Það var
einmitt gott skap sem einkenndi
hvern og einn í vinnunni í dag.
Var dagurinn hefðbundinn?
Jahh, í þessu starfi er ekki til
„hefðbundinn“ dagur. Jú, stund-
arskráin er eins viku eftir viku en
hver og einn dagur er einstakur!
Hvenær byrjaðir þú í þessu
starfi? Ég hóf störf hjá skólanum
í nóvember 2012 og þá í skóla-
deildinni á Hvanneyri. Fór síðan
haustið 2013 yfir á Kleppjárns-
reyki.
Er þetta framtíðarstarfið þitt?
Maður veit aldrei, en þetta
heillar.
Hlakkar þú til að mæta í vinn-
una? Heldur betur! Enda vinn
ég hér með frábæru fólki, bæði
starfsmönnum skólans og nem-
endum!
Eitthvað að lokum?
Er ekki eitt lífsmottó klassískt í
svona lokaorðum? Lifðu daginn
eins og hann sé þinn síðasti. Þú
veist ekki hvað bíður þín á morg-
un, nema auðvitað kaffibollinn!
Takk fyrir mig.
Í liðinni viku fóru fram nokkur mót
á vegum hestamannafélaganna á
Vesturlandi. Skessuhorni er kunn-
ugt um mót hjá hestamannafélag-
inu Dreyra á Akranesi, Glað í Búð-
ardal og Arionbankamótið í Borg-
arnesi. Úrslit hafa ekki borist frá
tveimur fyrrnefndu mótanna, að-
eins því síðasttalda, en myndir
frá tveimur síðastnefndu mótun-
um sem Iðunn Svansdóttir í Söð-
ulsholti tók. Á Arionbankamótið í
Borgarnesi sem fram fór um síð-
ustu helgi voru skráningar alls 114.
Mótið gekk vel fyrir sig í alla staði.
Forkeppni, sem og B úrslit í fjór-
gangi, opnum flokki, gæðingaskeiði
og 100 m. skeið fóru fram á laugar-
deginum, en A úrslit á sunnudegi.
Bestum árangri náði Ísólfur Líndal
Þórisson, en hann sigraði í fjórum
greinum af fimm sem hann tók þátt
í. Um sterkt mót var að ræða, enda
náðu margir lágmörkum inn á Ís-
landsmót kjósi þeir að fara þangað
til keppni. Sú nýbreytni var á þessu
móti að upplýsingar um árangur
birtust nánast jafnharðan á fasbók-
arsíðu mótsins og var augljóst að
margir fylgdust með á þeim vett-
vangi, segir í tilkynningu til Skessu-
horns vegna mótsins.
Í tilefni þessarar fréttar vill rit-
stjórn Skessuhorn benda forráða-
mönnum hestamannafélaga á að
tryggja myndatökur og senda
blaðinu úrslit móta og tilkynningar
áður en til þeirra kemur. Slíkt kost-
ar ekkert og eykur vafalaust áhuga
fyrir félögunum og starfi þeirra.
þá
Sauðburður er hafinn víða á Vest-
urlandi. Á bænum Hægindi í Reyk-
holtsdal hófst sauðburður sem
dæmi síðasta vetrardag, miðviku-
daginn 23. apríl. Að sögn Sigvalda
Jónssonar bónda í Hægindi hef-
ur sauðburðurinn á bænum geng-
ið þokkalega vel og voru um 200
lömb komin í heiminn á sunnudag-
inn þegar blaðamaður Skessuhorns
heyrði í honum. Góð veðrátta und-
anfarna daga hefur hjálpað verulega
til. „Veðráttan er stór þáttur í því
hvernig til tekst á hverju vori. Ef of
kalt er í veðri og ég tala nú ekki um
of blautt er hætta á því að júgur-
bólga hrjái ærnar með þeim afleið-
ingum að þær hætta að mjólka. Af-
leiðingarnar eru þær að taka verður
lömbin undan ánum. Við misstum
nokkur lömb fyrstu dagana eftir að
sauðburður hófst en síðan þá hefur
þetta gengið betur,“ sagði Sigvaldi
sem vonast eftir góðu veðri á næst-
unni.
Í fyrra fallinu
Sigvaldi og kona hans Björg María
Þórsdóttir hafa stundað búskap í
Hægindi í tæp tvö ár þar sem Vig-
fús Pétursson, frændi Sigvalda sem
hefur verið bóndi til fjölda ára, en er
nú hættur bústörfum. Áður störfuðu
Sigvaldi og Björg við sauðfjárbúið
að Hesti í Andakíl í nokkur ár. Auk
sauðfjárbúskapsins eru þau með lít-
ið kúabú, samtals ellefu mjólkandi
kýr. „Við erum með um 300 fjár, en
þar af bera um 280 í vor. Samkvæmt
fósturtalningu eigum við von á sam-
tals 540 lömbum þetta vorið, hér
um bil tvö lömb á á.“ Sauðburður-
inn er umtalsverð vinnutörn fyrir
sauðfjárbændur og segir Sigvaldi að
törnin standi að meðaltali yfir um
þriggja vikna skeið. „Sauðburður-
inn er í fyrra fallinu í ár hjá okkur.
Venjulega hefst hann í byrjun maí
og stendur fram eftir mánuðinum.
Þau lömb sem nú eru að koma eru
sæðingalömb, þar sem við sæddum
fjórða part af ánum.“
Skiptast á um að vaka
Sigvaldi og Björg skiptast á um að
vaka yfir ánum allan sólarhringinn
yfir sauðburðartímann. „Við höfum
vaktaskipti um miðja nótt þannig
að það er alltaf einhver að fylgjast
með. Það skiptir máli til að koma í
veg fyrir að við missum lömb,“ seg-
ir Sigvaldi sem býst við að sauð-
burði ljúki innan fárra daga. „Stefn-
an er síðan sú að reka meirihlutann
af fénu á fjall seinni partinn í júní.
Okkar afréttur er á Arnarvatnsheiði
og er féð rekið á fjall í kringum 20.
júní. Þetta fer þó allt eftir hvernig
gróðurástand verður á afréttinum,”
bætir hann við að lokum. hlhBændur í Hægindi búast við um 540 lömbum þetta vorið.
Sauðburðurinn fer vel af stað í Hægindi
Sigvaldi Jónsson bóndi í Hægindi með eitt af nýbornu lömbunum í fanginu.
Hestamót á Vesturlandi
Efstu þrjár í fjórgangi ungmenna á móti Glaðs í Búðar-
dal: Helga, Ágústa og Auður.
Sigurvegari í tölti í opnum flokki á Arionbankamótinu, Ísólfur Líndal Þórisson og
Kristófer frá Hjaltastaðahvammi. Ísólfur sigraði einnig á hesti sínum í fimmgangi,
fjórgangi og gæðingaskeiði.
Klara Sveinbjörnsdóttir og Óskar frá Hafragili, sigurvegari í fjórgangi og tölti
ungmenna og Klara einnig samanlagður fjórgangsigurvegari í ungmennaflokki á
Arionbankamótinu.
Randy Holaker og Þytur frá Skáney urðu
samanlagðir fjórgangsigurvegarar í opnum flokki
á Arionbankamótinu.
James Bóas Faulkner á Sögn frá Lækjarmóti, en þau
sigruðu í tölti og voru í öðru sæti í fjórgangi á móti
Glaðs í Búðardal.