Skessuhorn - 07.05.2014, Blaðsíða 8

8 MIÐVIKUDAGUR 7. MAÍ 2014
BF með full-
skipaðan lista
AKRANES: Björt framtíð
á Akranesi tilkynnti nýverið
lista tíu efstu sem bjóða sig
fram til starfa í bæjarstjórn
Akraness næstu fjögur árin. Í
tilkynningu nú frá framboð-
inu kemur fram að sæti ellefu
til átján skipa: Bjargey Halla
Sigurðardóttir iðjuþjálfi,
Sigríður Havsteen Elliða-
dóttir söngkennari, Magn-
ús Heiðarr Björgvinsson vél-
virki, Erna Sigríður Ragn-
arsdóttir vaktstjóri, Björgvin
Þorvaldsson umsjónarmað-
ur verkbókhalds, Ólína Ingi-
björg Gunnarsdóttir hjúkr-
unarfræðingur, Elísabet Rut
Heimisdóttir háskólanemi
og starfskona á leiksk. Akra-
seli og Ingunn Anna Jónas-
dóttir eftirlaunaþegi.
–mm
Teikna nýja
veglínu um
Teigsskóg
REYKHÓLAHR: Vega-
gerðin hyggst leggja fram
nýja veglínu um Teigsskóg
við Þorskafjörð sem ætlað
er að hlífa skóginum eins vel
og kostur er. Eins og kom-
ið hefur fram í fréttum hafa
landeigendur barist gegn
því að nýr vegur verði lagð-
ur um svæðið. Nýr vegur
mun samkvæmt hugmynd-
um Vegagerðarinnar liggja
ofan við skóginn að aust-
anverðu en þegar vestar er
komið yrði hann fyrir neð-
an skóginn. „Veglínan er ein
fimm kosta sem verða lagðir
fram í matsáætlun fyrir um-
hverfismat. Hreinn Haralds-
son vegamálastjóri segir að
Vegagerðin hafi verið í tölu-
verðu sambandi við Skipu-
lagsstofnun til að koma sam-
göngubótum í Gufudals-
sveit í einhvern farveg,“ seg-
ir í frétt BB um málið. „Mál-
ið er á borði okkar og Skipu-
lagsstofnunar og við erum að
reyna að koma þessu vand-
ræðamáli úr þessari stöðu.
Vegagerðin vill ekki útiloka
þessa nýju veglínu um Teigs-
skóg í nýju umhverfismati,“
segir Hreinn. Fimm kostir
standa nú til boða. Ný vegl-
ína um Teigsskóg, tvær jarð-
gangaútfærslur undir Hjalla-
háls, þverun Þorskafjarðar
fyrir utan Teigsskóg og þver-
un á milli Reykhólasveitar og
Skálaness. Skipulagsstofnun
hafnaði því í fyrra að leið B
um Teigsskóg fari í mat á um-
hverfisáhrifum. Áður hafði
Hanna Birna Kristjánsdóttir
innanríkisráðherra heimilað
Vegagerðinni að hafa leið B
í matinu með öðrum leiðum,
sem til greina koma við nýja
legu Vestfjarðavegar í Gufu-
dalssveit. Skipulagsstofnun
mat það svo að veglínunni
hafi þá þegar verið hafn-
að í umhverfismati og það
stæði. Þessum úrskurði hefi-
ur Vegagerðin brugðist við
með því að teikna nýja veg-
línu um Teigsskóg.
–mm
Hvaða kennari
hafði mest áhrif?
LANDIÐ: Menntavísinda-
svið Háskóla Íslands mun nú
í maí leita eftir tilnefningum
almennings um þann kennara
sem mest áhrif hefur haft á við-
komandi. Niðurstöður átaksins
verða síðan kynntar í lok maí
í sjónvarpsþættinum Ísland í
dag. Tilgangurinn með átak-
inu er að vekja athygli íslensku
þjóðarinnar á kennarastarfinu
hversu áhugavert og skemmti-
legt það er og hversu mikil
áhrif kennarar geta haft á ein-
staklinga og samfélagið. Hægt
er að senda inn tilnefningar
og fræðast nánar um átakið og
skoða myndböndin á vefsvæði
átaksins hafduahrif.is og sam-
nefndri Fésbókarsíðu.
–mm
Aflatölur fyrir
Vesturland
26. apríl - 2. maí.
Tölur (í kílóum) frá Fiskistofu:
Akranes 19 bátar.
Heildarlöndun:
5.145.438 kg.
Mestur afli: Ingunn AK:
1.969.708 kg í einni löndun.
Arnarstapi 29 bátar.
Heildarlöndun:
241.512 kg.
Mestur afli: Tryggvi Eðvarðs
SH: 33.696 kg í fjórum lönd-
unum.
Grundarfjörður 17 bátar.
Heildarlöndun: 279.124 kg.
Mestur afli: Hringur SH:
65.612 kg í einni löndun.
Ólafsvík 37 bátar.
Heildarlöndun: 517.420 kg.
Mestur afli: Steinunn SH:
131.482 kg í fjórum löndun-
um.
Rif 26 bátar.
Heildarlöndun: 427.817 kg.
Mestur afli: Magnús SH:
77.219 kg í fjórum löndunum.
Stykkishólmur 8 bátar.
Heildarlöndun: 79.003 kg.
Mestur afli: Þórsnes SH:
79.003 kg í tveimur löndun-
um.
Topp fimm landanir á tíma-
bilinu:
1. Ingunn AK – AKR:
1.969.708 kg. 27. apríl
2. Lundey NS – AKR:
1.573.197 kg. 28. apríl
3. Faxi RE – AKR: 1.514.092
kg. 26. apríl
4. Hringur SH – GRU:
65.612 kg. 27. apríl
5. Tjaldur SH – RIF: 61.061
kg. 30. Apríl
mþh
Útivistartími barna og unglinga
tók breytingum 1. maí sl. Frá þeim
tíma mega 12 ára börn og yngri
vera úti til klukkan
22.00. 13 til 16 ára
unglingar mega vera
úti til klukkan 24.00.
Börn mega ekki vera
á almannafæri utan
fyrrgreinds tíma
nema í fylgd með
fullorðnum. Bregða
má út af reglunum
fyrir síðartalda hóp-
inn þegar ungling-
ar eru á heimleið frá
viðurkenndri skóla-,
íþrótta- eða æsku-
lýðssamkomu. Aldur
miðast við fæðingar-
ár. Foreldrum/for-
ráðamönnum er að
sjálfsögðu heimilt að
stytta þennan tíma og setja börn-
um sínum reglur um styttri útivist-
artíma.
Útivistarreglurnar eru sam-
kvæmt barnaverndarlögum. Þeim
er m.a. ætlað að tryggja nægan svefn
en hann er börnum
og unglingum nauð-
synlegur. Svefnþörf-
in er einstaklings-
bundin en þó má ætla
að börn og ungling-
ar á grunnskólaaldri
þurfi 10 tíma svefn á
nóttu. Mikilvægt er
að fylgja því eftir að
börn og unglingar
fái nægan svefn. Í því
felst m.a. að ganga úr
skugga um að þau séu
ekki í tölvunni þeg-
ar þau eiga að vera
komin í rúmið, segir
í tilkynningu frá lög-
reglu.
mm/ Ljósm. fh.
Á fundi skipulags- og umhverfis-
nefndar Akraneskaupstaðar ný-
lega var tekin fyrir beiðni Skarð-
seyrar ehf, fyrirtækis í eigu Bjarna
Jónssonar, um að hefja deiliskipu-
lagsferli vegna lóðarinnar Heið-
arbrautar 40, gamla bókasafns-
húsinu. Nefndin leggur til við
bæjarstjórn að deiliskipulagstil-
lagan verði auglýst og jafnframt
verði nágrönnum sent kynning-
arbréf vegna málsins. Samkvæmt
heimildum Skessuhorns felur nýja
deiliskipulagstillagan í sér að hús-
ið verði stækkað og því breytt fyrir
litlar íbúðir. Þær komi í stað hótels
sem til stóð að byggja áður en bæj-
arstjórn hafnaði hótelbyggingunni
á sínum tíma vegna andstöðu íbúa
í nágrenninu. þá
Utanríkisráðherrar Norðurlanda-
ríkja funduðu í Snorrastofu í Reyk-
holti dagana 29. - 30. apríl sl.
Gunnar Bragi Sveinsson utanríkis-
ráðherra sagði í samtali við Skessu-
horn að um góðan fund hafi verið
að ræða og hafi vorblíðan í Borg-
arfirði lagst afar vel í ráðherrana
og aðra fundarmenn. Meðal þess
sem ráðherrarnir ræddu var nor-
ræn samvinna, öryggismál, norð-
urslóðamál, ástandið í Úkraínu
og undirbúningur fyrir fund Atl-
antshafsbandalagsins (NATO) í
september næstkomandi. Ástand-
ið í Úkraínu var fyrirferðamikið á
fundinum og sagði Gunnar Bragi
þungt hljóð í ráðherrum Norður-
landanna vegna stöðu mála þar í
landi. Rússnesk stjórnvöld hafi t.d.
ekki beitt sér fyrir því að Genfar-
samkomulagið frá 17. apríl síðast-
liðnum, sem draga átti úr spennu á
svæðinu, næði fram að ganga. Svo
langt sé nú gengið að eftirlitsmenn
aðildarríkja Öryggis- og samvinnu-
stofnunar Evrópu (ÖSE) sitji sem
gíslar aðskilnaðarsinna sem treysti
á stuðning Rússlands.
„Gíslataka eftirlitsmanna á veg-
um ÖSE er óásættanlegt framferði
og það er skýlaus krafa að þeir verði
leystir úr haldi þegar í stað. Rúss-
neskum stjórnvöldum ber að beita
áhrifum sínum til að lægja öldurn-
ar í landinu í samræmi við Genf-
arsamkomulagið og að tryggja að
ÖSE geti starfað með eðlilegum
hætti í landinu en það hefur enn
ekki gengið eftir,“ sagði Gunnar
Bragi.
hlh Frá fundi ráðherranna í Snorrastofu.
Norrænir utanríkisráðherrar
funduðu í Reykholti
Utanríkisráðherrarnir í vorblíðunni í Reykholti. F.v. Erki Tuomioja Finnlandi, Carl
Bildt Svíþjóð, Børge Brende Noregi, Gunnar Bragi Sveinsson og Martin Lidegaard
Danmörku.
Gamla bókasafninu á
Akranesi verði breytt í íbúðir
Breyttur útivistartími frá 1. maí