Skessuhorn - 07.05.2014, Blaðsíða 25

25MIÐVIKUDAGUR 7. MAÍ 2014
Einn þeirra strandveiðibáta sem
héldu út á miðin á mánudagsmorg-
un var Bjargey SH 155 frá Grund-
arfirði. Á síðasta ári var bátnum
breytt mikið í bátasmiðjunni IKAN
í Brákarey í Borgarnesi, sem rek-
in er af Þorstein Mána Árnasyni
og Maríu Sigurjónsdóttur. Þeirri
vinnu lauk í október. Síðan hef-
ur Ásgeir Valdimarsson útgerðar-
maður Bjargeyjar unnið að því að
gera bátinn klárann á veiðar. Stóra
stundin rann upp á mánudaginn.
Ásgeir segir að báturinn hafi reynst
ákaflega vel fyrsta daginn. All-
ur búnaður virkaði eins og til var
ætlast og hann náði að veiða dags-
skammtinn sinn á strandveiðum á
handfærin.
mþh/ Ljósm. sk
Laugardaginn 31. maí
göngum við Snæ-
fellsbæingar til kosn-
inga og veljum okkur fulltrúa til að stýra
okkar frábæra bæjarfélagi næstu fjögur
árin. Þeir fulltrúar munu fá það hlutverk
að finna leiðir til að uppfylla þarfir þeirra
mannlegu þátta sem snerta okkur íbúa.
Þættir eins og þjónusta við ólíka einstak-
linga og hópa, stuðningur við atvinnu-
lífið og styrkingu menningarstarfs. Eitt
af hlutverkum bæjarstjórnar er að standa
vörð um mannréttindi borgara sinna.
Mannréttindi eru m.a. það að hafa
rétt á því að hafa áhrif á líf sitt og öryggi
í því umhverfi sem við búum í. Þetta er
eitt af því sem mér finnst stjórnmál eiga
að standa fyrir. Vera vettvangur hins
mannlega.
Enginn á að þurfa að líða skort vegna
ákvarðana í stjórnmálum eða þola órétt-
læti. Engum á að stafa ógn af stjórnmál-
um eða því að taka þátt í stjórnmálum.
Björt Framtíð talar fyrir nýjum tíma í
stjórnmálum þar sem ofangreint er haft
að leiðarljósi, enda textinn hér að ofan
úr stjórnmála-yfirlýsingunni okkar. Þess
vegna langar mig að vera með, því fyrir
mér eru mannréttindi það að geta verið
maður sjálfur, verið sáttur við sjálfan sig
og sínar skoðanir, hafa fundið styrkleika
sína og veikleika.
Við þurfum síðan að finna þessum
styrkleikum okkar farveg og leiðirn-
ar eru ótal margar. Ein leiðin er þátt-
taka í stjórnmálum á heimavelli en þar
held ég að ég geti haft hvað mest áhrif,
í nærsamfélagi mínu þar sem ég lifi og
starfa, þar sem börnin mín eru að alast
upp og læra á lífið. Fyrir mér eru stjórn-
mál verkfæri til að að vinna gagn. Það er
sameiginlegt verkefni allra þeirra sem
ákveða að taka þátt í sveitarstjórnarmál-
um og ástæða þess að við bjóðum okkur
fram til þjónustu fyrir samfélagið.
Við þurfum að forgangsraða í grunn-
þjónustunni og styrkja samfélagsvitund
þar sem býr fólk af ólíku bergi brotnu.
Fólk sem hefur ólík gildi, ólíkan bak-
grunn og ólíka ævisögu. Til þess að sam-
félagið okkar fái að blómstra og verða
enn betra en það er í dag. Svo það megi
verða skiptir miklu máli að öllum sé gert
kleift að koma að málum sem þá snertir.
Sumir vilja nýta rétt sinn á því að
segja sína skoðun óhindrað á þann hátt
að starfa í stjórnmálum. Venjulegt fólk
með ólíka sögu og reynslu í lífinu hef-
ur eitthvað að segja í sínu samfélagi. Eitt
af því sem ég er stoltust af því að tilheyra
Bjartri Framtíð í Snæfellsbæ er að þar
gefum við öllum möguleika til að koma
sínu á framfæri, það er eitt af leiðarljós-
um framboðsins og eitthvað sem við ætl-
um okkur að vinna kröftulega eftir að
kosningum loknum.
Mig langar að bjóða fram krafta mína
til bæjarstjórnarmála í samfélaginu okk-
ar. Samfélagi sem mér hefur liðið vel í sl.
7 ár. Mig langar að geta komið með mig
og mína reynslu að borðinu og hjálpað
til því ég tel mig hafa fullt fram að færa
sem samfélagið okkar gæti grætt á.
Reynslan mín úr atvinnulífinu, úr
ferðaþjónustu-, skóla- og símenntun-
argeiranum. Ég sem mamma, stjúp-
mamma, frænka, systir, eiginkona, vin-
kona, dóttir og svo ótalmargt fleira sem
hefur gert mig að þeirri manneskju sem
ég er.
Ég vona að komandi kosningar leiði
til þess að við íbúar Snæfellsbæjar fáum
meiri fjölbreytni í það flotta samfé-
lag sem við byggjum hér fyrir – samfé-
lag þar sem mannréttindi, ólíkar skoð-
anir fólks , góð samskipti og umhyggja
fær notið sín.
Samfélag sem hugsar vel um allt fólk-
ið sitt er samfélag sem ég er stolt af að
tilheyra.
Helga Lind Hjartardóttir.
Höf. skipar 4.sæti á lista Bjartrar
Framtíðar í Snæfellsbæ.
Í vetur skemmdist sæstrengur sá
sem liggur yfir Gilsfjörð í Ólafs-
dal. Ekki er vitað hvort íshröngl
eða annað orsakaði bilunina. Er því
eins og sakir standa raf-
magnslaust á hinum forna
skólastað. En þar með
eru hremmingar félaga
í Ólafsdalsfélaginu ekki
taldar. Nú hefur kom-
ið í ljós að Menningarráð
Vesturlands og sumir aðr-
ir sem veitt hafa styrki til
uppbyggingarstarfs eins
og þar er unnið hafa hafn-
að beiðnum frá félaginu á
þessu ári.
Rögnvaldur Guð-
mundsson, formaður
Ólafsdalsfélagsins, segir að unn-
ið sé að viðgerðum á rafstrengnum
en ekki sé ljóst hvað olli skemmd-
unum. Standa vonir til að rafmagn
verði komið aftur á fyrir lok mánað-
arins. „Varðandi fjármögnun starf-
seminnar þá er nokkuð þungt und-
ir fæti. Við sóttum um til Menning-
arráðs Vesturlands bæði um rekstr-
arstyrk og styrk til Ólafsdalshátíðar
2014 sem nú verður að þessu sinni
haldin 10. ágúst. Báðum umsókn-
unum var hafnað. Þetta er í fyrsta
skipti síðan að endurreisnarstarfið í
Ólafsdal hófst sem ekki fæst neinn
stuðningur frá Menningarráði Vest-
urlands. Því má kannski við bæta að
einnig hefur verið sótt um stuðn-
ing til Framleiðnisjóðs landbún-
aðarins undanfarin þrjú ár, en um-
sóknum ávallt verið synjað. Telja
forsvarsmenn FL að ekkert sem
tengist uppbyggingunni sé á verk-
sviði sjóðsins. Þar til fyrir þremur
árum fékkst þó í tvígang styrkur frá
sjóðnum. Þess utan verður styrkur
til Ólafsdalshússins frá Húsafriðun-
arnefnd margfalt lægri í ár en í fyrra
vegna mikils niðurskurðar sjóðsins
á fjárlögum 2014,“ segir Rögnvald-
ur.
Lífræn ræktun
Þó á móti blási mun Ólafsdalsfélag-
ið halda ótrautt áfram uppbygging-
unni í Ólafsdal enda um menning-
arminjastað að ræða sem er einn sá
merkasti á Vesturlandi og einstak-
ur á landsvísu. „Það er engin leið
að hætta,“ segir Rögnvaldur, „enda
yfir 300 dyggir félagar sem standa
þétt við bakið á okkur. En það
verður að viðurkennast að skiln-
ingur á mikilvægi þessa endureisn-
arstarfs mætti víða vera meiri að
okkar dómi. Lífræn vottun fékkst
á grænmetisræktunina í fyrra og
nú verður sett niður í garðinn inn-
an fárra vikna. Þá mun hluti garðs-
ins verða nýttur sem skólagarðar
fyrir 16 nemendur úr Grunnskóla
Hólmavíkur. Það samstarf hófst í
fyrra og nú hefur skólinn óskað eft-
ir þriggja ára samningi og að flétta
þar inn fræðslu um nýtingu græn-
metisins. Auðarskóla í Búðardal og
Grunnskólanum á Reykhólum hafa
einnig staðið slíkt samstarf til boða.
Áfram mun haldið endurbótum á
skólahúsinu og eins er stefnt á að
halda áfram endurbótum á hlöðnu
mjólkurhúsi frá 1888. Í sumar verð-
ur opið í Ólafsdal frá lokum júní og
fram yfir Ólafsdalshátíð með sýn-
ingahaldi og mögulega léttum veit-
ingum. Ég vil því hvetja alla les-
endur Skessuhorns til að heimsækja
Ólafsdal í sumar og auðvitað viljum
við fá þá sem flesta til að ganga í
Ólafsdalsfélagið,“ segir Rögnvaldur
að endingu. mm
Afar góð línuveiði var í vikubyrjun
hjá þeim félögum Örvari Marteins-
syni og Sigurði Scheving sem róa
frá Ólafsvík á línu- og handfæra-
bátnum Sverri SH 126. Á mánudag
neyddust þeir til að sigla til hafnar
í „millilöndun“ eftir að hafa dregið
helminginn af línubjóðum dagsins.
Ástæðan var einfaldlega sú að bát-
urinn var kominn með fullfermi eða
um fjögur tonn. Það stefndi því í átta
tonna afla á 30 bala þennan dag.
Blaðamaður Skessuhorns hitti þá
félaga önnum kafna í millilöndun-
inni á bryggjunni í Ólafsvík. Þeir
höfðu hraðar hendur við að landa
enda lá þeim á að komast aftur út á
miðin og klára að draga línuna. „Já,
við ætlum út aftur og draga rest-
ina af línunni og reyna að ná lönd-
un aftur fyrir tíu í kvöld,“ sagði Sig-
urður Scheving. „Ætli það sé ekki
um tveggja tíma stím frá Ólafsvík
þangað þar sem við lögðum línuna
hér norður í kanti. Í dag höfum við
verið að fá um tvo þriðju aflans sem
þorsk en þriðjungur er ýsa. Aflinn
fór mjög að glæðast í síðustu viku.
Þá vorum við norður við Rauðasand
og þar í nágrenni. Við fengum ein-
hver rúm 20 tonn þar,“ bætti hann
við.
Afla vel á handfæri
og línu
Örvar Marteinsson er skipstjóri á
Sverri SH. Hann sagði að þeir hefðu
einnig veitt vel í síðustu viku. „Þá
fórum við fimm veiðiferðir á skak
og fengum eitthvað yfir 20 tonn
á þessar þrjár handfærarúllur sem
við erum með. Þessir róðrar stóðu
aldrei lengur en sex klukkustundir.
Minnsti aflinn í róði var 4,1 tonn og
sá mesti 4,7 tonn. Það má segja að
við höfum fyllt öll körin um borð
í hverjum róðri. Meðalþyngdin á
þorskinum þarna á handfærin var
tíu kíló. Þetta var óhrygndur fiskur,
en svona farið að renna úr honum.
Við fengum að sitja einir að þessu
fyrstu þrjá dagana en svo fór fiski-
sagan á flug. Síðasta daginn voru
komnir svo margir bátar þarna að
ég lét mig bara hverfa. Það er pirr-
andi þegar svona margir eru saman
á sömu slóðinni.“
Þeir á Sverri SH hófu svo línu-
veiðar núna í vikubyrjun og það
með slíkum krafti. „Þetta er fyrsti
róðurinn okkar nú í vor með hana.
Í dag lögðum við hana hér úti á
Flákahorni,“ sagði Örvar og með
það voru þeir roknir af stað út aftur
að draga restina af línunni.
mþh Svona leit báturinn út fyrir breytingarnar. Hann var smíðaður árið 1987 og er í
dag nánast óþekkjanlegur frá þessu útliti.
Sem nýr bátur eftir breytingar
Bjargey SH 155 heldur á strandveiðimiðin frá Grundarfirði á mánudagsmorgun.
Pennagrein
Stjórnmál – vettvangur
hins mannlega
Mjólkurhúsið frá 1888 fyrir og eftir uppbyggingar-
áfanga á því sl. haust.
Rafmagnsleysi og takmarkaður stuðningur
slær Ólafsdælinga ekki út af laginu
Gestir á leið inn í skólahúsið í Ólafsdal.
Sverrir SH á siglingu í Ólafsvíkurhöfn.
Þeir á Sverri SH mokveiða á krókana
Sverrir Scheving hampar ýsunni.
Verðið á henni eru gott núna en
vænta má að verð á þorski lækki
með stórauknu framboði frá strand-
veiðibátunum.