Skessuhorn - 07.05.2014, Blaðsíða 16
16 MIÐVIKUDAGUR 7. MAÍ 2014
Á fundi byggðarráðs Borgar-
byggðar síðastliðinn miðviku-
dag voru lögð fram drög að kaup-
samningi um fasteignina að Borg-
arbraut 57 og lóðarinnar að Borg-
arbraut 59 ásamt samningi um
niðurrif á húsinu að Borgarbraut
57. Byggðarráð samþykkti samn-
inginn sem bíður nú afgreiðslu
sveitarstjórnar. Skessuhorn
greindi nýlega frá samningavið-
ræðum forsvarsmanna Loftorku
og Borgarbyggðar um eignirnar
og lóðirnar, en þær tilheyra mið-
bæjarreit sem vinna við nýtt deili-
skipulag er að hefjast við. Borg-
arbraut 57 og 59 höfðu verið í
eigu félags í eigu Loftorkufeðga í
nokkur ár, en kaupsamningur við
Borgabyggð var gerður að frum-
kvæði seljanda. þá/ Ljósm. hlh.
Þessa dagana og á næstunni verð-
ur yfirborð nokkurra gatna lag-
að á Akranesi. Fræst verður upp
úr gömlu steypuslitlagi og lagt yfir
malbik. Sumsstaðar verða um leið
lagfærðir kantsteinar og gangstétt-
ar. Að söng Sigurðar Páls Harðar-
sonar framkvæmdastjóra umhverf-
is- og framkvæmdasviðs eru þetta
Skagabraut frá Suðurgötu að Ein-
arsbúð og Skólabrautin að gamla
Landsbankahúsinu. Seinna verður
síðan slitlag endurbætt á kafla Vest-
urgötunnar í grennd íþróttahússins.
Það er fyrirtækið Drafnarfell sem
er verktaki við þessar framkvæmdir.
Til gatnagerðar og tengdra fram-
kvæmda ver Akraneskaupstaður á
þessu ári samkvæmt fjárhagsáætlun
um 60 milljónum króna.
þá/ Ljósm. ki.
Síðustu árin hefur umræðan á Akra-
nesi ekki síst snúist um nauðsyn þess
að laða fleiri ferðamenn til bæjarins
og byggja upp öflugri ferðaþjónustu.
Sumar gagnrýnisraddirnar hafa tek-
ið svo djúpt í árinni og sagt að það sé
hreinlega eins og Akurnesingar vilji
ekki ferðamenn til bæjarins. Þetta
eigi við allt frá því umferðin hætti að
liggja í gegnum bæinn þegar Akra-
borgin hætti siglingum yfir flóann.
Nýráðinn ferðamálafulltrúi Akra-
neskaupstaðar heitir Hannibal Guð-
mundur Hauksson. Hann tekur und-
ir að með þessum hætti hafi umræð-
an verið. Hann segir að til viðbótar
hafi svo Þjóðvegur eitt verið lagður
austan við Akrafjallið þegar göngin
komu, þannig að ferðafólki hafi ver-
ið beint framhjá bænum. Blaðamað-
ur Skessuhorn átti spjall við nýráðinn
ferðamálafulltrúa Akraneskaupstaðar
á dögunum, en Hannibal var valinn í
starfið úr stórum hópi umsækjenda.
„Þetta er mjög spennandi starf og í
því felst mikil áskorun fyrir mig. Auk
þess að ég menntaði mig í ferðamála-
fræðum á sínum tíma er þetta einn-
ig áhugamálið mitt. Ég hef líka stefnt
að því lengi að koma til starfa í mín-
um gamla heimabæ,“ segir Hannibal
sem síðustu sjö árin hefur starfað hjá
ÍT Ferðum í Reykjavík.
Leikvöllurinn var jarðaður
Hannibal fæddist og ólst upp á Akra-
nesi. „Faðir minn Haukur Halldórs-
son hefur lengi keyrt Shellbílinn og
móðir mín Hrafnhildur Hannibals-
dóttir er stuðningsfulltrúi í skóla-
vist Grundaskóla,“ segir Hannibal
spurður um upprunann. „Ég ólst
upp í Grundahverfinu, mitt bernsku-
heimili var á Furugrund 9. Aðal-
leikvöllurinn var safnasvæðið þarna
í nágrenninu. Við vorum mikið að
leika okkur í kútternum og á vet-
urna á skíðum í brekkunni við Safn-
askálann. Í fótbolta vorum við öll-
um stundum á Stóra túninu sem við
kölluðum. Sá völlur var svo jarðað-
ur í orðsins fyllstu merkingu, lagð-
ur undir kirkjugarðinn. Ég var eins
og aðrir strákar á Skaganum á fullu í
fótboltanum alveg upp í þriðja flokk
og svo vorum við mikið í handbolta á
veturna,“ segir Hannibal þegar hann
rifjar upp bernskuna. Hann er af ’79
árganginum og smitaðist svo af áhuga
fyrir körfuboltanum þegar sú íþrótt
átti sitt gróskutímabil á Akranesi og
Skagamenn spiluðu í efstu deild um
tíma. Þrátt fyrir að hafa lengst af ver-
ið búsettur í borginni tók Hannibal
að sér formennsku í Körfuboltafélagi
ÍA og hefur sinnt því starfi seinni
árin. „Þegar gamla stjórnin hætti á
sínum tíma og menn tóku með sér
stórar skuldir ráðlagði Siggi Sverr-
is, þáverandi formaður, arftökun-
um að sníða starfseminni stakk eftir
vexti. Það höfum við gert, enda erf-
itt að sækja peninga fyrir körfubolt-
ann til fyrirtækja á Akranesi, ekki síst
þeirra stærri. Við settum stefnuna á
að byggja upp lið sem næði stöðug-
leika í næstefstu deild og það hefur
mestmegnis tekist,“ segir Hannibal.
Stóðu við kosninga-
loforðið
Menntavegurinn hjá Hannibal lá
beint að loknum grunnskólanum í
Fjölbrautaskóla Vesturlands. „Ég
gekk reyndar lengri menntaveginn
þar. Haustið ’98 bauð ég mig fram í
stjórn nemendafélagsins. Þetta var á
þeim tíma sem spillingin í banka- og
stjórnkerfinu í landinu var að koma
upp á yfirborðið. Sverrir Hermanns-
son bankastjóri Landsbankans fékk
bágt fyrir að fara frjálslega með lax-
veiðileyfi og bjóða upp á kaffi og
kruðerí. Við félagarnir buðum upp
á Landsbankalistann í kosningunum,
„x-lax“. Með mér í framboðinu sem
sett var fram sem grín voru Garð-
Eins og sjá má var kominn tími til að laga gamla steypta
slitlagið.
Götur fræstar og malbikað á Akranesi
Fræst upp úr Suðurgötunni.
Borgarbyggð kaupir lóðir
í miðbæ Borgarness
Spennandi starf og mikil áskorun fyrir mig
Spjallað við Hannibal Hauksson nýráðinn ferðamálafulltrúa á Akranesi
ar Axelsson og Þórður Ágústsson.
Okkur að óvörum fengum við glæsi-
lega kosningu að okkur fannst, 55-
60%. Ég gaf mig alveg hundrað pró-
sent í starf forseta nemendafélags-
ins eins og það heitir og við stóð-
um allavega við aðalkosningaloforð-
ið okkar. Það var að koma upp diskó-
kúlu í salinn og ég held hún sér þar
ennþá. Félagsmálaáhuginn varð hins
vegar til þess að námsáhuginn var
ekki eins mikill og þörf var á,“ segir
Hannibal. Aðspurður segir hann að
þarna hafi byrjað að blómstra áhug-
inn á félagsmálum. „Ég hef líka allt-
af haft áhuga á stjórnmálum en samt
ekki verið flokkspólitískur. Ég var
t.d. í framboði fyrir Háskólalistann
á árum mínum í Háskóla Íslands en
var reyndar meira í bakvinnslunni
þar og var með sæti neðarlega á list-
anum.“
Atvinnulaus
í Danmörku
Eftir stúdentspróf frá FVA tók
Hannibal sér frí frá námi og starf-
aði í eitt ár hjá Elkem á Grunda-
tanga. „Það var svo sumarið 2002
sem ég og unnusta mín, Eygló Hlín
Stefánsdóttir, ákváðum að fara til Ár-
ósa í Danmörku. „Ég ætlaði í nám
en það gekk ekki upp þar sem há-
skólinn tók ekki inn nemendur um
áramótin þegar ég ætlaði að byrja.
Þetta var á þeim tíma sem útlending-
ar voru útlendingar í Danmörku og
víðar, hvort sem þú varst frá Íslandi
eða Írak. Það var erfitt að fá vinnu
og það sem við fengum að gera var
að bera út blöð á morgnana og skúra
skrifstofur seinni part dagsins. Þetta
var ekki alveg eins og við plönuð-
um svo við ákváðum að halda aftur
heim og ganga menntaveginn þar.
Ég innritaðist svo um haustið í Há-
skóla Íslands í ferðamálafræðum og
konan mín í íslensku. Á námstím-
anum bjuggum við á Stúdentagörð-
unum. Þar sem að ég var í námi frá
2003-2007 missti ég af svokölluðum
góðæristíma en sat við hrunið uppi
með stökkbreytt námslán frá LÍN,“
segir Hannibal og brosir. Eins og
áður segir starfaði hann hjá ÍT Ferð-
um síðustu sjö árin, en það fyrir-
tæki sérhæfir sig í að skipuleggja æf-
inga- og keppnisferðir fyrir íþrótta-
hópa. Hannibal og Eygló Hlín fluttu
til Akraness aftur sumarið 2013. Þau
eiga þrjá stráka, sem eru á aldrinum
eins árs til tíu ára.
Akranes hefur mikla
möguleika
Þegar Hannibal er spurður um
möguleika Akraness sem ferða-
mannastaðar, segir hann að bærinn
búi yfir miklum kostum sem þurfi
að nýta í þágu ferðamanna og ferða-
þjónustuaðila. „Ég hef einmitt velt
fyrir mér spurningunni; hvers vegna
Akranes? og hef alltaf vitað að bær-
inn býr yfir miklum og góðum kost-
um. Perlurnar eru margar í og við
bæinn. Ég sé líka möguleika í því
að vinna að ferðamálunum með ná-
grönnum okkar í Hvalfjarðarsveit-
inni og fleirum. Það mætti til dæmis
alveg hugsa sér að skipuleggja hring
fyrir ferðamenn þar sem athyglis-
verðir staðir á Akranesi og í Hval-
fjarðarsveit verði skoðaðir,“ seg-
ir Hannibal. Hann er þessa dagana
að koma að fullu til starfa á Akranesi.
Innifalið í starfi ferðamálafulltrúa
er einnig umsjón með tjaldsvæðinu
á Akranesi. Hannibal segist reikna
með því að vera að störfum á þrem-
ur stöðum í bænum. Meginstarfs-
stöðin verði á jarðhæð gamla Lands-
bankahússins við Suðurgötu þar sem
Upplýsingamiðstöð ferðamála er, en
einnig verður hann með aðstöðu á
bæjarskrifstofunum í Stjórnsýslu-
húsinu og á tjaldsvæðinu við Kal-
mansvík. Hannibal segir að ekki sé
að fullu búið að skipuleggja upp-
lýsingamiðstöð ferðamála í gamla
Landsbankahúsinu. „Mín hugmynd
er að þar verði ekki eingöngu veitt-
ar upplýsingar til ferðamanna heldur
verði þarna hálfgerð félagsmiðstöð
og upplýsingaveita fyrir aðila sem
starfa að ferðaþjónustu. Þar séu þeir
velkomnir að bera saman bækur sín-
ar,“ segir Hannibal.
Spennandi hlutir
að gerast
Hannibal nefnir margt af því sem
hann telur góða kosti fyrir Akra-
nes. Það nýjasta í skoðunarstöðun-
um séu vitarnir á Breiðinni sem öðl-
ast hafi heimsfrægð á ljósmynda-
vefjum. Reglulegur opnunartími
með fríum aðgangi verði í Akranes-
vita í sumar, auk þess sem vitavörð-
urinn Hilmar Sigvaldason verður til
taks til að liðsinna þegar hópa beri
að garði. Áformað er að bæta að-
stöðuna á Aggapalli og baðströnd-
inni við Langasand, með setlaug-
inni sem mun heita Guðlaug og veitt
var til veglegu framlagi úr minning-
arsjóði fyrir skömmu. „Þarna eru
spennandi hlutir að gerast og við
höfum líka í skoðun að kynna sund-
laugina á Jaðarsbökkum frekar, sem
baðstaðar með vatn úr vatnmesta
hver í Evrópu; Deildartunguhver.
Ákveðið hefur verið að lengja opn-
unartíma sundlaugarinnar. Þá er að-
staða til sjósunds frábær við Langa-
sand eins og öflugur sjósundshópur
á Akranesi ber vott um. Safnasvæðið
býður upp á mikla möguleika og þar
er viðbót eldsmiðjan sem byggð var
síðasta sumar og gæti laðað marga
að. Garðalundur og aðstaðan þar
er mjög skjólgóður og góður stað-
ur fyrir fjölskyldufólk, þar sem m.a.
er góð leik- og grillaðstaða. Akra-
fjallið er alltaf heillandi fyrir göngu-
fólk og þannig mætti áfram telja
varðandi áningar- og skoðunarstaði.
Ég held við gætum líka notið enn
meira Bíóhallarinnar þess menn-
ingarhúss sem hún er. Bæjar- og
menningarhátíðirnar Írsku dagarn-
ir að sumrinu og Vökudagar í byrj-
un vetrar veita ágæta möguleika að
ná til okkar fólki og krydda bæjar-
lífið. Síðan hef ég líka mikla trúa á
mörkuðunum sem verða starfrækt-
ir hérna í sumar við Akratorgið og
Hlédís Sveinsdóttir mun veita for-
stöðu. Þar verður margt spennandi
heyrist mér svo sem varðandi matar-
menninguna. Markaðirnir eru hugs-
aðir sem hrein viðbót við verslan-
irnar í bænum. Það hefur stundum
verið talað um Akranes sem svefnbæ
eftir að göngin komu, oft að ósekju
þar sem margt hefur verið að gerast
í bænum. Það eru margir með plön
um að skapa viðburði og afþreyingu
í bænum og við hin þurfum að hjálp-
ast að við að halda bænum lifandi,“
segir Hannibal Hauksson.
þá
Hannibal ásamt konu sinni Eygló Hlín Stefánsdóttur og þremur sonum þeirra.
Hannibal Hauksson nýráðinn ferða-
málafulltrúi á Akranesi.