Skessuhorn - 10.09.2014, Blaðsíða 8
8 MIÐVIKUDAGUR 10. SEPTEMBER 2014
Meiri tekjur
HVALFJ: Hagnaður Spal-
ar eftir skatta var um 179
milljónir króna fyrstu sex
mánuði ársins en um 120
milljónir króna á sama
tímabili í fyrra. Þetta kem-
ur fram í árshlutaupp-
gjöri fyrir fyrri helming
þessa árs sem birtur er hjá
Kauphöllinni. Hagnaður
Spalar á öðrum ársfjórð-
ungi 2014 eftir skatta var
um 140 milljónir króna en
um 110 milljónir króna á
sama tímabili í fyrra. Í af-
komutilkynningunni segir
að greiðsluflæðið gefi betri
mynd af gangi félagsins
vegna þess að verðbætur
vísitöluhækkana lána dreif-
ast til greiðslu út lánstím-
ann árið 2018.
–þá
Aflatölur fyrir
Vesturland
30. ágúst - 5. september.
Tölur (í kílóum) frá
Fiskistofu:
Akranes 5 bátar.
Heildarlöndun: 6.500 kg.
Mestur afli: Ingunn
Sveinsdóttir AK: 4.396 kg
í einni löndun.
Arnarstapi 5 bátar.
Heildarlöndun: 15.479
kg.
Mestur afli: Bárður SH:
6.758 kg í þremur löndun-
um.
Grundarfjörður 8 bátar.
Heildarlöndun: 237.194
kg.
Mestur afli: Áskell EA:
60.071 kg í einni löndun.
Ólafsvík 58 bátar.
Heildarlöndun: 569.837
kg.
Mestur afli: Brynja SH:
33.095 kg í sex löndunum.
Rif 35 bátar.
Heildarlöndun: 525.699
kg.
Mestur afli: Tjaldur SH:
54.245 kg í einni löndun.
Stykkishólmur 6 bátar.
Heildarlöndun: 10.263
kg.
Mestur afli: Kári SH:
2.998 kg í einni löndun.
Topp fimm landanir á
tímabilinu:
1. Áskell EA – GRU:
60.071 kg. 31. ágúst
2. Hringur SH – GRU:
59.136 kg. 3. september
3. Sóley SH – GRU:
54.722 kg. 3. september
4. Tjaldur SH – RIF:
54.245 kg. 30. ágúst
5. Helgi SH – GRU:
46.118 kg. 1. september
mþh
Umhverfisverðlaun Akraneskaup-
staðar voru afhent við athöfn í
gamla Landsbankahúsinu við Suð-
urgötu sl. mánudag. Einar Brands-
son, formaður skipulags- og um-
hverfisnefndar, gerði grein fyr-
ir verðlaununum að þessu sinni.
Fram kom að venjulega hafi verð-
launin komið í hlut eigenda íbúða-
húsalóða og fyrirtækja. Skipulags-
og umhverfisnefnd óskaði eftir til-
nefningum og margar komu um
íbúðalóðir. Nefndinni var vandi á
höndum þar sem hún gat ekki gert
upp á milli tveggja lóða og því var
ákveðið að verðlauna þær báðar en
veita ekki fyrirtæki viðurkenningu
að þessu sinni. Viðurkenningarn-
ar voru því veittar fyrir tvær fal-
legustu einbýlishúsalóðirnar. Þeim
veittu móttöku Anna Berglind Ein-
arsdóttir og Samúel Ágústsson fyr-
ir lóðina að Bjarkargrund 33 og
Reynir Þorsteinsson og Guðbjörg
Árnadóttir fyrir lóðina að Steins-
staðaflöt 15.
Í umsögn nefndarinnar segir m.a.
að lóðin á Bjarkargrund 33 sé ein-
staklega vel hirt lóð. Hún sé vel
römmuð inn af klipptu limgerði og
frjálsvaxandi trjám, innviðir garðs-
ins séu fjölbreytt runna- og blóma-
beð, grasflöt, pottar með runnum
og blómum, dvalarsvæði sem er af-
markað með timburveggjum og lít-
ið geymsluhús. Lóðin myndi fal-
lega heild þar sem hlúð er að hverju
smáatriði. Eigendur lóðarinnar
hugi einnig að nánasta nágrenni,
svo sem umhirðu göngustígs við
lóðina. Um Steinsstaðaflöt 15 seg-
ir í umsögn nefndarinnar að hún sé
sannkölluð vin. Lóðin sé römmuð
inn af timburveggjum með runna-
og trjágróðri utan veggja sem inn-
an, aðkoman samanstandi af hellu-
lögðum stíg og með runna- og trjá-
gróðri meðfram. Þegar komið er
inn í garðinn blasi við rými með
fjölbreyttum gróðri sem er rað-
að fallega saman. „Þó garðurinn sé
ekki stór þá eru tvö ólík dvalarsvæði
í garðinum, annað með timburgólfi
en hitt er innar með hellulögðu
gólfi,“ segir m.a. í umsögninni.
þá
Á fundi bæjarstjórnar Snæfells-
bæjar 2. september sl. kom fram
fjöldi tillagna bæði frá meirihluta
og minnihluta. Fundargerðin ber
með sér að mikill kraftur sé í nýrri
bæjarstjórn. Meðal þess sem J-
listinn, minnihluta bæjarstjórnar,
lagði til á fundinum var að engar
frekari ákvarðanir verði teknar um
fjárfrekar framkvæmdir á vegum
Snæfellsbæjar þar til búið verði að
gera úttekt á kostnaði vegna nýrra
kjarasamninga. Þá lagði J-listafólk
til að kannaðir yrðu kostir þess að
leita tilboða hjá bílaleigum vegna
ferða starfsmanna og stjórnenda
á vegum Snæfellsbæjar, ásamt
því að settar verði reglur vegna
ferða- og bílakostnaðar. J-listinn
vill að komið verði á fót nefnd
til að móta stefnu varðandi upp-
byggingu aðstöðu til íþróttaiðk-
unar í Snæfellsbæ. Einnig leggur
J-listinn til að nefnd verði skip-
uð vegna dagvistunarmála sem
og að fundið verði annað húsnæði
vegna Smiðjunnar, dagþjónustu
fatlaðra.
Meirihlutinn vill
gera margt
Meirihlutinn, fulltrúar D-listans,
lagði m.a. til á fundinum breyt-
ingar á sumarlokun leikskóla Snæ-
fellsbæjar. Telja fulltrúar hans að
stytta megi lokunina í fjórar vik-
ur úr sex. D-listinn leggur einn-
ig til að sett verði á fót nefnd til að
sameina leikskólana í Snæfellsbæ.
Þá vilja bæjarfulltrúar meirihlut-
ans að fræðslunefnd verði falið að
kanna hvort þörf sé á að gera sér-
stakar ráðstafanir til koma til móts
við þarfir aukins fjölda nemenda af
erlendu bergi í Grunnskóla Snæ-
fellsbæjar. Fræðslunefnd verði líka
falið að skoða með skólastjóra hvort
ekki sé rétt að gera skólahreysti að
val áfanga í GSNB. Einnig legg-
ur D-listinn til að fræðslunefnd
verði falið að gera fimm ára áætl-
un um endurnýjun á búnaði GSNB.
Meirihlutinn vill að aukinn kraftur
verði settur í umhverfisátak í bæj-
arfélaginu. Einnig varðandi um-
hverfismál að lagt yrði í hönnun-
arvinnu við umhverfi Höskuldsár
á Hellissandi. Peningar verði lagð-
ir í að gera kynningarbækling fyr-
ir bæjarfélagið sem sniðinn verði að
því að sýna svæðið sem áhugaverð-
an kost til búsetu og fyrir forsvars-
menn fyrirtækja sem eru að leita að
staðsetningu. D-listinn lagði einn-
ig fram tillögu um gerð nýs spark-
vallar í sveitarfélaginu og staðsetn-
ing hans yrði í samráði við íþrótta-
félögin. Nýrri stoppustöð yrði kom-
ið upp fyrir skólabíla nemenda FNS
og hún verði við íþróttamiðstöðina
í Snæfellsbæ. Á umræddum bæjar-
stjórnarfundi lögðu fulltrúar D-
listans einnig til að skoðaður verði
hentugleiki þess að Snæfellsbær eigi
bifreið sem starfsmenn geti nýtt til
aksturs utan sveitarfélagsins.
þá/ Ljósm. Friðþjófur Helgason.
Næstkomandi föstudag verður svo-
kallaður „Plastpokakveðjudag-
ur“ haldinn í Stykkishólmi þegar
Stykkishólmur gerir tilraun til þess
að verða fyrsta burðarplastpoka-
lausa sveitarfélagið á Íslandi. Um-
hverfishópur Stykkishólms fékk í
ársbyrjun styrk frá umhverfis- og
auðlindaráðuneytinu til að ráðast í
þetta verkefni, sem unnið er í sam-
starfi við Náttúrustofu Vesturlands,
Landvernd, UMÍS / Environice og
Stykkishólmsbæ. Umhverfishópur-
inn byrjaði að vinna að undirbún-
ingi verkefnisins strax í upphafi
árs. „Við höfðum m.a. samráð við
verslunareigendur á svæðinu og Ís-
lenska gámafélagið og fundum mis-
munandi gerðir poka sem geta leyst
burðarplastpokana af hólmi. Þetta
hefur gengið vonum framar og öll
fyrirtæki á svæðinu ætla að taka
þátt í verkefninu á einhvern hátt og
leggja sitt af mörkum,“ segir Theó-
dóra Matthíasdóttir starfsmaður
verkefnisstjórnar þessa verkefnis.
Hún segir að ákveðið hafi verið
að gera daginn eftirminnilegan og
skemmtilegan fyrir íbúa Stykkis-
hólms með hátíðarhöldum.
„Við verðum til dæmis með
kynningarbás þar sem við sýn-
um mismunandi gerðir af marg-
nota pokum, maíspokum, bréfpok-
um og aðrar umhverfisvænni leið-
ir en notkun plasts á heimilinu og
verðum til taks í spjall um hvern-
ig við berum okkur að án burðar-
plastpoka. Ásbyrgi, vinnustofa fatl-
aðra í Stykkishólmi, verður með
heimasaumaða burðarpoka til sölu
og Kolbrún Ösp Guðrúnardóttir,
sem rekur lífræna verslun í Stykkis-
hólmi, verður með sölu á lífrænum
varningi. Þá verður Íslenska gáma-
félagið með kynningarbás um sorp-
flokkun og nýjungar þar að lútandi,
ásamt kynningu á maíspokum á
þeirra vegum,“ segir Theódóra og
bendir á að mun fleira verði um að
vera á verslunarsvæðinu á föstudag
á milli kl. 16 og 18.
Í fararbroddi í
umhverfismálum
Stykkishólmshöfn var með þeim
fyrstu á Íslandi til þess að hljóta Blá-
fánann, alþjóðlega umhverfisviður-
kenningu fyrir smábátahafnir, og hef-
ur flaggað þeim fána í tólf ár í röð.
Sveitarfélagið var einnig það fyrsta á
landinu að byrja að fullflokka sorp í
svokallað þriggja tunnu kerfi, líkt og
fleiri sveitarfélög hafa tekið upp eftir
það. Að auki er Stykkishólmur með
umhverfisvottun á starfsemi sinni í
samstarfi við hin sveitarfélögin á Snæ-
fellsnesi. Því má segja að Hólmurinn
sé í fararbroddi í umhverfismálum á
landsvísu. Theódóra segir umhverfis-
hópinn ekki formlega farinn að huga
að næstu skrefum í umhverfismálum.
„Við erum að klára að koma þessu á
núna en þetta er framtíðarverkefni og
því lýkur alls ekki núna á föstudaginn.
Það verða áfram viðburðir í tengslum
við verkefnið að minnsta kosti fram
að áramótum,“ segir hún. „Við
stöndum til dæmis fyrir myndbanda-
samkeppni í tengslum við verkefnið í
þessum mánuði. Við hvetjum alla til
að taka þátt í því en fyrstu verðlaun
eru 100 þúsund krónur,“ bætir hún
við. Hægt er að finna upplýsingar um
samkeppnina á Facebook síðu verk-
efnisins: Burðarplastpokalaus Stykk-
ishólmur. Í árslok verður gefin út
greinargerð um framvindu og árang-
ur verkefnisins sem umhverfishóp-
urinn vonar að muni auðvelda öðr-
um sveitarfélögum að feta í fótspor
Stykkishólmsbúa. grþ
Steinsstaðaflöt 15 er sannkölluð vin að
mati skipulags- og umhverfisnefndar.
Eigendur tveggja einbýlishúsalóða fá
umhverfisverðlaun Akraneskaupstaðar
Eigendur lóðanna Bjarkargrundar 33 og Steinstaðaflatar 15 með viðurkenn-
ingarnar. F.v. Anna Berglind, Samúel, Guðbjörg og Reynir.
Bjarkargrund 33 er römmuð inn af
klipptu limgerði og frjálsvaxandi
trjám.
Verkefnið burðarplastpokalaus Stykkishólmur að hefjast
Theódóra með sýnishorn af fjölnota,
umhverfisvænum innkaupapokum.
Ljósm. sá.
Fjölmargar tillögur á fundi bæjarstjórnar Snæfellsbæjar