Skessuhorn - 10.09.2014, Blaðsíða 19
19MIÐVIKUDAGUR 10. SEPTEMBER 2014
Fulltrúar Kaupfélags Borgfirðinga
og Samkaupa/Nettó veittu á mið-
vikudaginn stjórn nemendagarða
Menntaskóla Borgarfjarðar eina
milljón króna í styrk til að kaupa á
húsgögnum. Fara þau í tvær íbúðir
sem teknar voru til notkunar í haust
sem nemendagarðar fyrir fram-
haldsskólann. Kaupfélag Borg-
firðinga gaf hálfa milljón króna og
Samkaup/Nettó annað eins. Af-
hendingin fór fram fyrir utan Brák-
arbraut 8 þar sem nemendagarðarn-
ir eru til húsa. Það voru þau Guð-
steinn Einarsson kaupfélagsstjóri
KB og Ingibjörg Gestdóttir versl-
unarstjóri Nettó í Borgarnesi, sem
afhentu Kolfinnu Jóhannesdóttur
sveitarstjóra og formanni stjórnar
nemendagarða MB styrkinn að við-
stöddum þeim Vífli Karlssyni með-
stjórnanda í stjórn nemendagarða
MB og Halli Heiðarssyni rekstr-
arstjóra Nettó. Við afhendinguna
sagði Guðsteinn að það væri sönn
ánægja að veita styrkinn fyrir hönd
KB. „Það er virkilega gaman að
styrkja þetta verkefni. Sem sönnu
samvinnufélagi sæmir er það hlut-
verk okkar í KB og samstarfsfélaga
okkar að styrkja samfélagið,“ sagði
Guðsteinn en Samkaup/Nettó er að
mestu í sameiginlegri eigu Kaup-
félags Suðurnesja og KB.
Loksins orðið
að veruleika
Nemendagarðar í Borgarnesi hafa
lengi verið í umræðunni og var Kol-
finna Jóhannesdóttir hæst ánægð
með að nú væru þeir loks orðnir að
veruleika. „Ég var lengi að berjast
fyrir að fá nemendagarða í Borg-
arnes þegar ég var skólameistari
MB og nú í sumar náðist loks að
festa kaup á íbúðum. Þessi styrkur
kemur sér einstaklega vel og hjálp-
ar mikið við að gera íbúðirnar enn
betri fyrir nemendur. Ég er stolt af
því að hafa komið að þessu verkefni
þar sem þetta er mjög mikilvægur
hlekkur í þróun skólans. Mennta-
skóli Borgarfjarðar er skóli sem á
að þjónusta alla nemendur í sveitar-
félaginu og eru þessar íbúðir liður í
því. Nú eiga nemendur sem búa í
dreifbýli sveitarfélagsins kost á því
að leigja ódýrt af skólanum, vera í
nálægð við skólaumhverfið og taka
meiri þátt í félagslífi í skólanum,“
sagði Kolfinna í samtali við blaða-
mann.
Heimilislegt með
þægilegum rúmum
Á nemendagörðunum búa nú átta
nemendur, fjórir í hvorri íbúð.
Búið er að innrétta íbúðirnar að
mestu og fór styrkurinn meðal ann-
ars í kaup á rúmum, sófum og öðr-
um húsgögnum. Blaðamaður fór
í heimsókn í aðra íbúðina og hitti
þar Ásdísi Jónsdóttur sem kemur
frá Hólmavík en hún flutti í nýju
nemendagarðana í byrjun skólaárs.
„Ég er mjög ánægð með bæði íbúð-
ina og húsgögnin sem eru í henni.
Hér er mjög heimilislegt og þægi-
legt að vera. Það er frábært að þurfa
ekki að flytja mikið dót með sér eða
kaupa það sjálf,“ segir Ásdís og bæt-
ir við að hún sé sérstaklega ánægð
með nýju rúmin sem keypt voru í
íbúðirnar. „Þetta er besta rúm sem
ég hef sofið í.“ Bæði Kolfinna og
Vífill vilja þakka styrktaraðilum
fyrir þeirra framlag. „Ein milljón í
fámennu sveitarfélagi skiptir gríð-
arlega miklu máli þegar kemur að
uppbyggingu og eiga þessi fyrirtæki
allar þakkir skildar fyrir sitt fram-
lag,“ sögðu þau.
jsb
„Ég hef aldrei kunnað að láta mér
leiðast og alltaf fundið mér verk-
efni. Ég bý að því ennþá sem amma
mín og nafna á Húsavík kenndi
mér þegar ég var að alast þar upp,
en ég ólst upp hjá afa mínum og
ömmu. Hún hefur alltaf verið köll-
uð Krumma og er ennþá að vinna í
höndunum þótt hún sé orðin 94 ára
gömul. Frá henni er Krums nafn-
ið komið. Amma kenndi mér að
sauma og það leið ekki langur tími
frá því ég varð atvinnulaus á náms-
árunum í Danmörku að ég tók fram
saumavélina. Ég hannaði og saum-
aði tösku og síðan hefur ekki ver-
ið aftur snúið,“ segir Hrafnhildur
Jónasdóttir sem starfrækir hönnun-
ar- og handverksverkstæði og versl-
un undir vörumerkinu Krums.
Hrafnhildur flutti til Grundar-
fjarðar fyrir 20 árum og hefur búið
þar utan sjö ára sem hún og henn-
ar maður, Gunnar Jóhann Elísson,
dvöldu við nám í Álaborg í Dan-
mörku. Þau komu til baka aftur síð-
asta sumar og þá hélt Hrafnhildur
áfram að vinna í handverkinu það
sem hún hafði verið að gera í Ála-
borg. Þau hjónin vinna nú að því
að koma upp vinnustofu í bílskúrn-
um í húsi þeirra á horni Eyrarvegar
og Grundargötu. „Við erum hérna
í hjarta bæjarins. Ég segi að þetta
sé eiginlega Skólavörðustígurinn
okkur. Kirkjan er hérna rétt fyrir
ofan, verslunin fyrir neðan og svo
fjölbrautaskólinn þar við hliðina.
Hérna stoppa rúturnar og ferða-
mennirnir stíga út til að mynda
Kirkjufellið. Við erum á besta stað í
bænum,“ segir Hrafnhildur.
Sluppu samt ekki
við hrunið
Hrafnhildur segir að fjölskyldan
hafi flutt til Danmerkur árið 2007
vegna þess að hún var að fara í
nám. „Við fórum út á þessum krít-
íska tíma en sluppum náttúrlega
samt ekki við hrunið, því við sitj-
um uppi með stórhækkuð námslán
um aldur og ævi,“ segir Hrafnhild-
ur. Gunnar Jóhann maður henn-
ar nam byggingafræði í Danmörku
og er nú umsjónarmaður fasteigna
Grundarfjarðarbæjar. Hrafnhild-
ur valdi að nema grafíska hönnun
í Álaborg og var í því námi í tvö ár,
en að því loknu tók hún jafnlangt
nám í margmiðlunarhönnun. „Ég
lærði sem sagt allskonar hönnun á
þessum tíma en svo varð ég bara
atvinnulaus. Ég lét mér ekki leið-
ast lengi og tók fram saumavél-
ina. Ég hef alltaf haft gaman af því
að hanna og gera mína eigin hluti.
Ég hef nýtt saman grafísku hönn-
unina og handverkið, enda skarast
þetta ansi mikið. Ég var varla kom-
inn heim síðasta sumar þegar leit-
að var til mín með grafísk verk svo
sem í skiltagerð sem ég hef verið að
vinna að. Ég hélt áfram með hönn-
un í handverkinu og ætla að gera
það með grafíkinni. Við vinnum
að því að opna vinnustofu og þá
verður enn meira um það að fólk
komi hingað til mín. Ég er svo að
fara norður á Húsavík núna næstu
dagana til að sýna og selja, en ég er
kominn með kúnnahóp þar,“ segir
Hrafnhildur.
Lét gera efni með
lopapeysumunstri
Aðspurð segir Hrafnhildur að
það séu ekki aðeins töskur sem
hún hanni og saumi, heldur einn-
ig skrautpúðar og ýmislegt annað
til heimilisprýði, svo sem vegg- og
gluggaskreytingar. „Til töskugerð-
arinnar lét ég framleiða fyrir mig
efni með íslenska lopapeysumunstr-
inu. Ég hef fullan hug á því að nýta
það í fleira handverk. Ég legg mik-
ið upp úr minni eigin hönnun og
kem aldrei til með að vinna vörur
samkvæmt pöntun á einhverjum
eftirlíkingum. Ég sé fram á að geta
skapað mér heilmikil verkefni og
samnýtt áfram grafísku hönnunina
og handverkið. Ég held það sé hug-
ur í okkur hérna í Grundarfirði að
reyna að bjarga okkur og það er
ýmislegt í bígerð hjá okkur, hópi
sem byrjaði að koma saman í sum-
ar og vinnur að frumkvöðlastarfi.
Þetta er góður og fallegur bær og
ýmsir möguleikar fyrir hendi sem
við verðum að nýta,“ segir Hrafn-
hildur Jónasdóttir. Hún er einnig á
Facebook; Krums.
þá
Ásdís Jónsdóttir, nemandi í MB og íbúi á nemendagörðunum. Einnig sjást nýju
húsgögnin sem keypt voru í stofuna.
Gáfu eina milljón til nemaendagarða MB
Á myndinni eru f.v. Hallur Heiðarsson rekstrarstjóri Nettó, Kolfinna Jó-
hannesdóttir, sveitarstjóri og formaður stjórnar nemendagarða MB, Guðsteinn
Einarsson kaupfélagsstjóri, Ingibjörg Gestsdóttir verslunarstjóri í Nettó og Vífill
Karlsson meðstjórnandi í stjórn nemendagarða MB.
Nýjasta afurðin frá Krums, skautpúði úr leðurlíki.
Sameinar handverk og grafíska hönnun
Spjallað við Hrafnhildi Jónasdóttur í Krums í Grundafirði
Hrafnhildur á heimili sínu við Eyrarveginn þar sem hún er að breyta bílskúrnum í
vinnustofu.
Taska með sérhönnuðu lopapeysum-
unstri.
Taska með Krums vörumerkinu sem
verið hefur mjög vinsæl.