Skessuhorn - 10.09.2014, Blaðsíða 18
18 MIÐVIKUDAGUR 10. SEPTEMBER 2014
Skaginn er náttúrlega stórveldi í
boltanum en hefur verið í lægð
-segir Arnór Snær sem gekk til liðs til ÍA frá Aftureldingu
„Við sýndum sterkan karakter og
liðsanda þar sem menn voru til-
búnir að berjast fyrir hvern ann-
an. Takmarkið tókst og við spil-
um í Pepsídeildinni næsta sum-
ar. Það hefur alltaf verið takmark-
ið hjá mér að spila í efstu deild og
nú verð ég að æfa vel í vetur til að
láta þann draum rætast. Við ætl-
um að klára tímabilið vel og svo er
framundan skemmtilegur vetur og
spennandi tímabil. Þá verðum við
að koma vel undirbúnir því verk-
efnið er stórt og það getur enginn
gengið að því vísu að eiga sæti í lið-
inu,“ segir Arnór Snær Guðmunds-
son sem er einn af nýju mönnunum
í Skagaliðinu. Hann gekk til liðs
við ÍA síðasta vetur frá Aftureld-
ingu, er aðeins 21 árs gamall en lék
sinn fyrsta leik með Aftureldingu
aðeins 15 ára. „Eftir síðasta tímabil
með Aftureldingu höfðu sex klúbb-
ar samband við mig, þar á meðal lið
í Pepsídeildinni. Yfirmaður minn í
Lágafellsskóla þar sem ég vinn er
frá Akranesi og heitir Ágústa Rósa.
Hún sagði að ég ætti að fara á Skag-
ann. Það var síðan skemmtileg til-
viljun að Gulli þjálfari hringdi í
mig tveimur dögum síðar. Það sem
gerði útslagið að ég valdi ÍA fram
yfir önnur félög var að hann gerði
mér grein fyrir því hlutverki sem
hann ætlaði mér í Skagaliðinu.
Ég sé svo sannarlega ekki eftir því
vali,“ segir Arnór Snær.
Gæðaleikmenn í
hópnum
Arnór Snær er miðjumaður að
upplagi en á síðasta tímabilinu
með Aftureldingu var hann færð-
ur í stöðu miðvarðar, þar sem hann
segist kunna ennþá betur við sig en
á miðjunni. „Ég þótti fara ágætlega
með boltann sem miðvallarleik-
maður og það held ég að komi mér
líka til góða í vörninni,“ segir Arn-
ór Snær sem er mjög ástríðufullur
og kappsamur varnarmaður. „Ég
vil láta í mér heyra á vellinum og
tala gjarnan við samherjana. Reyni
að vera hvetjandi og það held ég
að Gulli hafi séð þegar hann vildi
fá mig á Skagann. Ég vissi að um-
gjörðin var flott hjá ÍA og Skaginn
náttúrlega stórveldi í boltanum þó
hann hafi verið í lægð núna í um
tíma,“ segir Arnór Snær.
Hann varð fyrir því óláni í leik
í deildarbikarnum síðasta vetur að
meiðast á ökkla, þar sem að lið-
bönd trosnuðu. Þegar Arnór Snær
var orðinn nokkuð góður í ökklan-
um í byrjun tímabils kom aftur bak-
slag vegna ökklameiðslanna þannig
að hann var frá æfingum í um mán-
aðartíma. „Þá gekk svo vel hjá lið-
inu að ég komst ekki í liðið aftur
fyrr en eftir tapleik í seinni umferð-
inni á Selfossi. Frá þeim tíma höf-
um við unnið átta af níu leikjum og
í heildina er ég áægður með tíma-
bilið þótt ég hefði að sjálfsögðu
viljað vera heill í allt sumar og spila
meira. Æfingarnar hafa verið mjög
skemmtilegar. Góðir þjálfarar og
gæðaleikmenn í hópnum sem hafa
hækkað tempóið. Nú stefni ég á að
æfa vel í vetur til að styrkja mig enn
meira og berjast svo fyrir sæti í lið-
inu,“ segir Arnór Snær.
þá
Garðar langmarkahæstur
í fyrstu deildinni
„Þetta hefur gengið frábærlega
í sumar og vonandi tekst okkur
að vinna það sem eftir er og þar
með deildina. Stefnan hjá mér er
að halda áfram á sömu braut, æfa
vel í vetur og markmiðið hjá okk-
ur verður að tryggja okkur í Pepsí-
deildinni á næsta ári,“ segir Garð-
ar B Gunnlaugsson langmarkahæsti
leikmaðurinn í 1. deildinni með 18
mörk í 19 leikjum. Næsti maður á
töflunni yfir markahæstu menn er
Sindri Björnsson í Leikni með 12
mörk.
Frammistaða Skagamanna 1.
deild Íslandsmótsins í knattspyrnu
hefur væntanlega staðið undir
væntingum flestra stuðningsmanna
liðsins. Ekki síst hefur vakið athygli
framganga Garðars Gunnlaugsson-
ar sem hefur skorað grimmt fyrir
Skagamenn. Hann byrjaði strax vel
með liðinu í vor og um mitt sumar
var endurnýjaður við hann samn-
ingur til tveggja ára. Garðar er
enn á besta aldri, rúmlega þrítug-
ur og getur ef heilsan verður í lagi
átt nokkur góð sumur eftir í bolt-
anum. Síðasta haust var ekki útséð
með það hvort Garðar héldi áfram
að spila með Skagaliðinu en meiðsli
sem hann hafði átt við að glíma síð-
ustu árin reyndust honum erfið um
tíma. „Ég vildi gjarnan fá tækifæri
til að hjálpa til við það að koma lið-
inu upp um deild aftur. Meiðsla-
vesenið hafði tekið sinn toll hjá mér
og mér hafði ekki gefist tími til að
sanna það bæði fyrir sjálfum mér og
bæjarbúum á Akranesi að ég væri
fótboltamaðurinn sem vænting-
ar stóðu til að ég væri. Maðurinn
sem dragi vagninn með því meðal
annars að skora mörk fyrir félagið.
Núna er ég líka kominn á það ald-
ursskeið, orðinn 31 árs gamall, að
ég er orðinn einn af leiðtogum
liðsins. Ég lít raunverulega á mig
í nýju hlutverki í Skagaliðinu að
því leyti,“ sagði Garðar í spjalli við
Skessuhorn.
þá
Áfram Skagamenn!
www.skessuhorn.is
Á þriðja þúsund síður af efni á ári – um 160.000 fréttir, tilkynningar, greinar og annað efni af Vesturlandi
Þetta allt færðu í Skessuhorni – hvergi annars staðar
Ertu nokkuð að missa af? Ertu áskrifandi?
Áskriftarsíminn er 433-5500 og á heimasiðunni: www.skessuhorn.is