Skessuhorn - 10.09.2014, Blaðsíða 10
10 MIÐVIKUDAGUR 10. SEPTEMBER 2014
„Sex vikum fyrir brúðkaup bað
Bjarni sonur minn mig um að hjálpa
sér að lappa upp á bílinn sem hann
hann ætlaði að nota sem brúðarbíl.
Ég sagði nú við drenginn að hann
væri galinn að láta sér detta þetta
í hug, svona skömmu fyrir stóra
daginn, að gera upp 36 ára gamla
ryðhrúgu. En það var engu tauti
við hann komandi og þetta hafð-
ist þó aðeins væri unnið um helgar
og á kvöldin. Tveimur tímum fyrir
brúðkaupið voru síðustu skrúfurn-
ar settar í.“ Þannig mælist Gunnar
Á Gunnarssyni á Felli í Reykholts-
dal. Bjarni Benedikt, frumburð-
ur Gunnars og Ingibjargar Öddu
Konráðsdóttur, býr í Hlíðarkletti,
nýlegu húsi á næstu spildu við for-
eldra sína, ásamt Vigdísi Sigvalda-
dóttur og tveimur börnum þeirra.
Síðastliðinn laugardag var svo kom-
ið að brúðkaupinu sem fram fór í
Reykholtskirkju. Allt stóð þetta á
endum og Willys jeppinn frá 1978
var orðinn sem nýr, tveimur tímum
áður en kirkjuklukkurnar hringdu.
Stoltur faðirinn bætir við: „Þetta
verkefni tók örugglega vel á sam-
bandið hjá þeim hjónakornum. Úr
því að það hélt, er ég afar vongóð-
ur um farsælt hjónaband,“ sagði
Gunnar Ásgeir. mm
Kartöfluuppskeran brást þetta árið
í Hraunsmúla í Staðarsveit, en þar
er aðal ræktunarstaður á kartöflum
á Vesturlandi. Helgi Sigurmonsson
bóndi í Hraunsmúla segir að tvennt
hafi gert sem orsakaði uppskeru-
brestinn. Til að byrja með mik-
ið votviðri í maímánuði þar sem
áburði skolaði út og arfalyf spilltist.
„Þetta leit samt ágætlega út framan
af en síðan í júlímánuði gerði fjög-
urra daga hvassviðri eins og stund-
um gerist hérna í Staðarsveitinni.
Þá brotnuðu stilkar og grösin náðu
sér aldrei á strik eftir það,“ seg-
ir Helgi. Hann telur að uppsker-
an núna verði aðeins fimmföld en
í venjulegum árum hefur hún ver-
ið frá tólfföld upp í átjánföld. Helgi
og kona hans Þóra Kristín Magn-
úsdóttir hafa lengi stundað kart-
öflurækt. „Þetta er nú ekki nema
tveir hektarar sem við setjum nið-
ur í og svo erum við með horn fyr-
ir rófnarækt. Þetta er nú ekki nein
stóriðja hjá okkur, en það sem hefur
haldið okkur í þessu er að við erum
með tryggan markað. Svo er ekk-
ert hægt að taka upp þessa dagana
vegna veðráttunnar,“ segir Helgi í
Hraunsmúla.
þá
Laxveiðin í Norðlingafljóti hefur
ekki verið upp á marga fiska þetta
sumarið. Ástæðan er slök endur-
koma laxa úr sjó rétt eins og í öðrum
ám á Vesturlandi. Norðlingafljót er
að vísu ekki náttúruleg laxveiðiá
en seiðum sem sleppt var í Hafn-
ará í Melasveit, þaðan sem fiskur-
inn í Norðlingafljót er upprunninn,
hafa að sögn Jóhannesar Sigmars-
sonar, eiganda og umsjónarmanns
Norðlingafljóts ekki verið að skila
sér sem fullvaxnir laxar í gildrurn-
ar við Hafnará í sumar. „Laxveiði á
öllu Vesturlandi hefur verið frem-
ur léleg í sumar og mætti helst kalla
núverandi ástand hrun í stað niður-
sveiflu. Ástandið í Norðlingafljóti
er svona þokkalegt miðað við að-
stæður. Það er nú búið að sleppa
um 400 löxum í ána sem við sóttum
í gildrurnar í Hafnará. Göngurnar
voru litlar í sumar eða alveg fram til
loka ágústmánaðar en síðan þá hef-
ur ástandið verið að batna. Veiðin
hefur sömuleiðis verið lítil enda fáir
fiskar í ánni en nú er búið að veiða
um 250 laxa. Eins árs lax hefur allt-
af verið meginstoðin í stofninum
á Vesturlandi en sá lax virðist ekki
vera að skila sér aftur í árnar eins
og áður. Af þessum 400 löxum, sem
við höfum fært yfir í ána, sjáum við
að um það vil þrjátíu prósent eru
tveggja ára laxar. Það er ágæt út-
koma þar sem menn eru þá allavega
Fjórtán ungmenni á aldrinum 15 til
17 ára frá Danmörku, Noregi, Sví-
þjóð og Finnlandi eru nú í heim-
sókn á Akranesi. Ferð þeirra er á
vegum Norræna félagsins en ung-
mennin komu hingað til lands síð-
astliðinn föstudag og lýkur heim-
sókninni næstkomandi sunnudag.
Að sögn Hjördísar Hjartardóttur,
umsjónarmanns hópsins, er heim-
sókn sem þessi árleg á vegum Nor-
ræna félagsins og er ætlað að efla
kynnin á milli ungmenna á Norð-
urlöndunum. Í ár var röðin komin
að Akranesi en ungmennin koma
öll frá vinabæjum Akraness á öðr-
um Norðurlöndum. „Ungmenn-
in gista í heimahúsum á Akranesi
og munu fylgja þéttri dagskrá þar
sem farið verður með þau í skoðun-
arferðir um Vesturland. Nú þegar
hefur verið farið í skoðunarferð um
Akranes og Snæfellsnes en morgun,
fimmtudag, verður farið í skoðun-
arferð um Reykjavík. Á föstudag-
inn er förinni síðan heitið í Borg-
arfjörð til að skoða Deildartungu-
hver, Reykholt og fleiri áhugaverða
staði. Þá munu ungmennin fara í
klettaklifur og siglingu ef veður
leyfir á laugardaginn í boði Björg-
unarfélags Akraness,“ segir Hjör-
dís um dagskrána sem ungmennin
fylgja, en ásamt því sem nefnt hefur
verið munu þau halda kynningu um
sína heimabæi og hitta önnur ung-
menni frá Íslandi á kvöldskemmt-
unum í vikunni. jsb
Gerðu brúðarbílinn upp sex vikum fyrir stóra daginn
Verkinu lauk, brúðkaupið fór fram og hér er stórglæsileg brúðarmynd af Bjarna
og Vigdísi með börn sín framan við Willys ársgerð 1978. Ljósm. Kristín Jónsdóttir.
Fátt benti til að þessi yrði brúðarbíll sex vikum síðar.
Ljósm. gág.
Hér er vænlegur varahlutahaugur sem hægt var að ganga í
meðan á uppgerðinni stóð. Ljósm. gág.
Bændur og aðstoðarfólk í Hraunsmúla að koma með kartöflur af akrinum.
Kartöfluuppskeran brást í Hraunsmúla
Ungmennin voru í gærmorgun að undirbúa kynningu á sínum heimabæjum. Þær
fluttu þau síðar um morguninn í Brekkubæjarskóla á Akranesi. Á myndinni er
Hjördís Hjartardóttir lengst til hægri ásamt norrænu ungmennunum.
Norræn ungmenni á
ferð um Vesturland
Veiði í Norðlingafljóti hefur verið léleg í sumar en svo virðist sem lítið af laxi sé að
skila sér úr sjó og í allar árnar á Vesturlandi. Á myndinni sést einn af fallegustu
veiðistöðum Norðlingafljóts.
Lítil veiði í Norðlingafljóti í sumar
að fá stærri laxa þótt þeir séu færri.
Eftir gott ár í fyrra eru skil á löxum
úr sjó því langt undir væntingum í
sumar. Ég hefði verið sáttur með
svona 700 laxa í áni á þessu tíma-
bili. Hins vegar hefur veiðin í sept-
ember verið með ágætum og því út-
litið ekki eins svart og búist var við
fyrr í sumar,“ segir Jóhannes um
ástandið í Norðlingafljóti.
Breytingar í hafinu lík-
legasta skýringin
Jóhannes tók við umsjón Norð-
lingafljóts af Sigmari föður sínum
fyrir um tíu árum en Sigmar hafði
þá flutt laxa í ána í yfir tuttugu ár.
„Fyrstu tíu árin flutti pabbi fiskinn
frá laxeldinu í Lárósi á Snæfellsnesi
en síðan fórum við að sleppa seið-
um í Hafnará og veiða laxana sem
gengu til baka í gildrur og flytja þá
yfir í Norðlingafljót. Það er mikil
stemning að flytja fiskinn á milli,
sérstaklega þegar vel árar. Ég reyni
að fara á tveggja til þriggja daga
fresti og safna ekki miklum fiski í
gildrurnar.“ Jóhannes segist ekki
hafa neina haldbæra skýringu á
þessu fiskleysi en telur líklegast að
einhverjar meiriháttar breytingar
séu að eiga sér stað í sjónum við Ís-
land. „Hvað veldur því að færri lax-
ar eru að skila sér í árnar er ekki
gott að segja. Ég heyri auðvitað all-
ar kenningar rannsóknarmanna um
hvers vegna en það er ómögulegt
að segja hvað er rétt í þeim efnum.
Árið 2012 vildu menn kenna of litlu
vatni í ánum um og nú í sumar of
miklu vatni. Ég held að vandamálið
hljóti að vera mun stærra og tengist
breytingum í hafinu.“
Laxinn að skila sér
seinna en vanalega
„Um daginn hélt ég að göngurnar
væru svo gott sem búnar og sumar-
ið hálfpartinn ónýtt. Þá kom stærsta
ganga sumarsins í lok ágúst sem er
mánuði seinna en vanalega. Síðan
þá hefur verið þokkalegur gangur.
Næstu verkefni eru svo að þrauka
fram á vertíðarlok sem verða von-
andi ekki fyrr en í lok septem-
ber. Það fer eftir veðrinu hvenær
við lokum þar sem það þykir ekki
gott að veiða lax ef það er t.d. far-
ið að snjóa mikið. Þá er ekkert að
gera nema draga gildrurnar á þurrt,
pakka saman og bíða fram á næsta
sumar sem verður vonandi betra en
þetta,“ segir Jóhannes að endingu í
samtali við Skessuhorn. jsb