Skessuhorn - 10.09.2014, Blaðsíða 30

30 MIÐVIKUDAGUR 10. SEPTEMBER 2014
Hvert er þitt
eftirlætis bakkelsi?
Spurning
vikunnar
(Spurt í Geirabakaríi í Borgarnesi)
Sigurpáll Árnason
Karamellustykki, alveg eins og
ég var að panta mér.
Aðalheiður Alfreðsdóttir
Ástarpungar, stoppa alltaf í
Geirabakaríi og fæ mér ástap-
unga þegar ég á leið hjá. Þeir eru
alveg eins og hjá ömmu í gamla
daga.
Sigrún Bára Gautadóttir
Beikonbræðingurinn hjá Geira.
Aníta Rún Óskarsdóttir
Ostahornið í Geirabakaríi.
Gylfi Jónsson
Vínarbrauð og heitt súkkulaði
með rjóma.
Leikfélag Menntaskóla Borgar-
fjarðar hefur tekið upp nýtt nafn;
Sv1. Er leikfélagið nefnt eft-
ir Sveini Magnúsi Eiðssyni leik-
ara, sem gjarnan skrifaði eigið nafn
með þessum hætti. Sveinn fæddist í
Miklaholtshreppi árið 1942 en flutt-
ist til Borgarness árið 1960 þar sem
hann tók svo virkan þátt í leiklistar-
starfi Ungmennafélags Skallagríms.
Í framhaldi af því varð Sveinn síð-
ar farsæll leikari og lék meðal ann-
ars í nokkrum kvikmyndum Hrafns
Gunnlaugssonar. Hans eftirminni-
legasta hlutverk er án efa hlutverk
hans sem kaupamaður í Óðali feðr-
anna frá árinu 1980. Blaðamað-
ur Skessuhorns hitti Rúnar Gísla-
son, nýskipaðan formanns Sv1, og
ræddi við hann um nafnið og leik-
félagið. „Leikfélag nemendafélags
Menntaskóla Borgarfjarðar var ein-
faldlega of langt og óþjált nafn. Við
héldum því nafnakeppni á Facebo-
ok-síðu félagsins í þeirri von um
að finna betra nafn. Ragnar Gunn-
arsson, leikari í Leikdeild Skalla-
gríms, stakk upp á að skýra það Sv1
sem var einskonar óformlegt lista-
mannsnafn Sveins heitins. Okk-
ur í stjórn leikfélagsins fannst það
alveg tilvalið nafn þar sem Sveinn
var mjög hæfileikaríkur leikari en
einnig var hann mjög ljúfur maður
sem jafnframt ögraði samfélaginu
á sinn hátt. Viðbrögðin við nafn-
inu hafa verið mjög jákvæð og það
virðist sem að allir í sveitarfélaginu
eigi enn einhvern hlut í Sveini
Eiðssyni,“ segir Rúnar um tildrög
nafnsins.
Er alvöru leikfélag
Rúnar segir að Sv1 sé alvöru leik-
félag og því skipti máli að það sé
sýnilegt og aðgengilegt öllum sem
vilji taka þátt. „Við verðum að vera
sýnileg og áberandi. Þar tel ég að
nafnið á leikfélaginu skipti miklu
máli. Nafnið þarf að gefa til kynna
að við séum að þessu af fullri al-
vöru. Félagið er nú í Leiklistar-
sambandi Íslands og við munum
eins og fyrri ár fá til okkar dans-
og söngkennara auk þess sem við
viljum fá reyndan og góðan leik-
stjóra til liðs við okkur. Nú þegar
hefur verið rætt við þekktan leik-
stjóra fyrir komandi leiksýningu
og mun hann svara okkur á næstu
dögum. Fyrir fjórum árum var
sett upp verkið Mannsins myrka
hlið sem var frumsamið verk af
félögum í leikfélaginu og Bjarti
Guðmundssyni leikstjóra. Sú sýn-
ing var með eindæmum vinsæl
og vakti mikla athygli. Síðan hef-
ur leikfélagið verið að sækja í sig
veðrið. Á hverri sýningu þurfa að
vera allt að tuttugu manns í nánast
fullu starfi á meðan æfingar, upp-
setning og sýningar fara fram. Það
getur því oft verið erfitt að púsla
saman skóla, vinnu og setja upp
alvöru sýningu eins og við höfum
verið að gera. Hins vegar finnum
við fyrir miklum áhuga hjá nem-
endum og íbúum í sveitarfélaginu.
Á nýafstöðnum stjórnarfundi fyr-
ir komandi skólaár mættu sem
dæmi yfir tuttugu nemendur svo
að áhuginn er svo sannarlega til
staðar,“ segir Rúnar.
Nýta samfélagsmiðla
betur til að vekja athygli
Eins og áður hefur komið fram,
hefur mikil vinna farið í að gera
leikfélagið sýnilegra og hlutverk
nýja nafnsins spilað þar stórt hlut-
verk. Þau í stjórn Sv1 hafa ráð-
ist í að nýta samfélagvefi betur.
„Virknin á netinu hefur verið lít-
il hingað til. Strax og við hófum
að nota nýja nafnið höfum við ver-
ið að vinna mikið í að gera leik-
félagið enn sýnilegra. Meðal ann-
ars með að stofna Facebook-síðu
með nýja nafninu en auk þess sem
við erum nú á Snapchat og Instag-
ram. Það skiptir svo miklu máli að
virkja sem flesta og fá sem flesta
til að hjálpa okkur. Í okkar félagi
eru allir velkomnir og við höfum á
síðustu árum verið dugleg að fá til
okkar nemendur af öllum braut-
um skólans. Sem dæmi var einn
japanskur skiptinemi sem lék jap-
anskan blómasala í Litlu Hryll-
ingsbúðinni hjá okkur fyrir nokkr-
um árum og tókst mjög vel til. Þá
hafa nemendur á starfsbraut einn-
ig gert góða hluti í sýningum hjá
okkur. Það er mikilvægt að félagið
verði ekki einhver lokuð klíka,“
segir Rúnar.
Sýningar verða
fyrir áramót
„Það þarf að hafa fyrir því að skapa
réttu stemninguna og finna heppi-
lega tímasetningu. Við viljum sem
dæmi ekki keppa um áhorfend-
ur við Leikfélag Skallagríms og
því stefnum við á að okkar sýning
verði fyrir áramót þar sem þeirra
er alltaf eftir áramót. Þá viljum við
heldur ekki að nemendur þurfi að
bæta ofan á allt annað próflestri og
verkefnaskilum á meðan vinnan
við sýninguna stendur sem hæst.
Þess vegna stefnum við á að sýn-
ingar hefjist um miðjan nóvem-
ber. Þetta er langt og strangt ferli
en ég er sannfærður um að allt
eigi eftir að ganga vel,“ segir Rún-
ar en áheyrnarprufur munu hefjast
núna í september og hvetur hann
alla sem hafa áhuga á að taka átt
þátt í sýningunni að fylgjast vel
með. „Við erum spennt að hrópa
nýja nafnið og kynna leikfélag-
ið. Áfram menningarlíf í Borgar-
byggð,“ segir Rúnar formaður Sv1
að lokum.
jsb
Sverrismótið var haldið í fjórða sinn á Hvanneyri um helgina. Mótið er haldið til minningar um mætan félaga í ungmennafélaginu Íslendingi, Hvanneyringinn og knatt-
spyrnuþjálfarann Sverri Heiðar Júlíusson sem lést langt um aldur fram árið 2009. Sextán lið voru skráð til keppni í öllum aldursflokkum en létt er jafnan yfir mótinu og
aðalmarkmiðið að hafa gaman. Góð stemning myndaðist og lét fólk smá rigningu ekki hafa nein áhrif á sig, að sögn Helgu J. Svavarsdóttur sem tók einnig nokkrar
myndirnar á mótinu. þá
Sverrismótið á Hvanneyri í fjórða sinn
Rúnar Gíslason, formaður Sv1.
Leikfélag nemendafélags Menntaskóla
Borgarfjarðar nefnt Sv1