Skessuhorn - 01.10.2014, Blaðsíða 14

14 MIÐVIKUDAGUR 1. OKTÓBER 2014
Landbúnaðarsafn opnað í Halldórsfjósi
Bjarni Guðmundsson og Jóhannes Ellertsson eru hér á litlu verkstæði sem búið er að koma fyrir á
safninu.
Ákveðið var fyrir nokkrum árum
að færa Halldórsfjósi á Hvanneyri
nýtt hlutverk. Hið myndarlega fjós
sem byggt var árið 1928 yfir 70 kýr
á básum á skólastaðnum Hvann-
eyri skyldi verða framtíðar hús-
næði Landbúnaðarsafns Íslands.
Gríðarmikið verk hefur verið unn-
ið síðan þessi ákvörðun var tek-
in en nú hillir undir stærsta áfang-
ann. Bjarni Guðmundsson for-
stöðumaður safnsins, Jóhannes Ell-
ertsson þúsundþjalasmiður og fjöl-
margir aðrir hafa lagt gjörva hönd
á plóg en hönnuður sýningarinn-
ar á nýjum stað er Björn G Björns-
son. Á morgun, fimmtudaginn 2.
október klukkan 16, er ráðgert að
opna safnið formlega á hinum nýja
stað eftir flutning þess vestur yfir
húsasundið úr Gamla bútæknihús-
inu. Á sama tíma eignast sambýl-
ingar safnsins frá fyrstu tíð, hand-
verksfólkið í Ullarselinu, jafnframt
nýjan samastað í anddyri Landbún-
aðarsafns. Í stað mjaltabáss verða
nú ullarklæði af ýmsum gerðum
og stærðum til sýnis og sölu. Ekki
verður mikið um lúðrablástur og
háreysti í tilefni opnunar að þessu
sinni, að sögn Bjarna Guðmunds-
sonar, en hann vonast engu að síð-
ur til að ráðherra einn eða fleiri
heiðri safnverja með komu sinni
sem og aðrir aufúsugestir. Ef ekki
forsætisráðherra þá altént ráðherra
menntamála, og kannski fleiri. Í
boði verður kaffitár og kleinur fyr-
ir velunnara safnsins og gesti í boði
Kvenfélagsins 19. júní .
Fulltrúi Skessuhorns fékk að taka
forskot á sæluna undir vikulokin og
knúði dyra hjá Bjarna og Jóhannesi.
Ýmsir iðnaðarmenn voru auk þeirra
að leggja lokahönd á verkefni fyr-
ir opnunina. Verið var að bæta lýs-
ingu, smíða lítilræði og koma fyr-
ir safnmunum. Ullarselsfólk var að
vinna við innréttingar og í loftinu
lá tilhlökkun. Séð var fyrir endann
á endurbótum á fjósinu og haughús-
inu undir og flutningum þar sem
ráðdeild með fé var nauðsyn þar sem
fjármunir hafa verið fremur litlir,
en verkið stórt. Meðal starfsmanna
mátti auk þess sjá nýtt par, óvenju-
lega kyrrláta starfsmenn, sem bæst
höfðu í hópinn. Komu reyndar hálf-
nakin og fremur illa til reika; hann
að norðan, hún að sunnan. Hér voru
geðþekkar brúður á ferð sem standa
munu vörð í framtíðinni á sínum
stöðum, klæddar í fatnað þess tíma
sem þau eiga að endurspegla, vinn-
andi verk sem sum hver eru aflögð
í dag en lögðu grunn að velsæld
þjóðar. Vissulega líktust þessir nýju
starfsmenn nafngreindum Borgfirð-
ingum, en gestir Landbúnaðarsafns
verða sjálfir að dæma um hverja átt
er við.
Meðfylgjandi eru nokkrar mynd-
ir frá því á föstudaginn. Flestum
verkum var lokið og sýningin orð-
in afar fróðleg og segir atvinnusögu
inn til lands og út til stranda. Sjón er
sannarlega sögu ríkari og er ástæða
til að hvetja fólk til að heimsækja
safnið. Að sögn Bjarna verður opið
frá klukkan eitt til fimm á fimmtu-
dögum, föstudögum og laugardög-
um, en ekki verður illa tekið í opn-
un utan þessara tíma ef beðið er um
fyrir smærri og stærri hópa.
mm
Tveir af þarfari þjónum þessa lands; Ferguson og Willys.
Hér má sjá sýnishorn af því sem finna mátti á verkstæðum og vélaskemmum bænda.
Eitt af því óvenjulega við þetta safn umfram önnur, er sýningargluggi þar sem
gestir eiga að horfa út. Geta virt fyrir sér Hvanneyrarengjarnar og fallegt útsýnið
til vesturs en auk þess lesið um sögu engjanna og votlendisins meðfram Hvítá. Smiðjan til reiðu.
Síðustu skinnskór afa Bjarna en til hægri tveir skjáir, gluggar fyrri
tíma. Tilraun á vegum safnsins til þess að endurgera þá tækni.
Skjáirnir eru gerðir úr hildum kynbótahryssna Dagnýjar og
Þorvaldar á Innri-Skeljabrekku.
Zetor er líklega með vanmetnari vélum sem hingað hafa verið
fluttar og notaðar í landbúnaði.
Hann kemur að norðan, fékk nýverið far með rektor Háskólans á
Hólum og sat þögull henni við hlið á suðurleið. Verður nú starfs-
maður safnsins.
Hér er sögð saga fyrstu dráttarvélanna, sem í sumu leystu hestinn
af hólmi.
Í millisafnaláni frá Þjóðminjasafni Íslands. Í haughúsinu eru
nokkrar dráttarvélar. Til hægri á myndinni sést stiginn úr fjósi og
niður en hann hefur verið lagður í súrheysturninn.