Skessuhorn - 01.10.2014, Blaðsíða 19
19MIÐVIKUDAGUR 1. OKTÓBER 2014
Freisting vikunnar
Stórar amerískar smákökur eða
„cookies“ eins og þær eru kallað-
ar þar ytra renna vel ofan í flesta.
Þær eru mjúkar og bragðgóð-
ar og auðvitað bestar nýbakað-
ar. Þá hafa kökurnar sem kennd-
ar eru við samlokustaðinn Subway
þótt óvenju góðar. Uppskriftina
af þeim er aftur á móti erfitt að fá
og sennilega er það ómögulegt,
þar sem þær eru framleiddar sér-
staklega fyrir veitingakeðjuna og
því alls ekki heimabakaðar. En ein
uppskrift kemst ansi nálægt þeim.
Galdurinn er Royal búðingur-
inn, hann gerir gæfumuninn þegar
kemur að bragðinu og mýktinni.
Gjörið svo vel!
Stórar smákökur
150 gr. smjör
200 gr. púðursykur
50 gr. sykur
1 pk. Royal búðingsduft, súkkulaði,
vanillu eða karamellu
1 tsk. vanillusykur
2 egg
270 gr. hveiti
1tsk. matarsódi
150 gr. súkkulaðidropar (má einnig
nota hvítt súkkulaði eða M&M)
100 gr. saxaðar hnetur (til dæmis
pekanhnetur. Má sleppa)
Aðferð: Smjöri, púðursykri,
sykri og búðingsdufti er hrært vel
saman. Eggjunum bætt út í sitt
hvoru lagi og hrært vel í á milli.
Sigta hveiti og matarsóda, hræra
því svo saman við. Að lokum fara
súkkulaði og hnetur í blönduna.
Móta frekar stórar kökur og bak-
að við 180°C í 12 - 17 mín.
Góðar amerískar smákökur
Samkvæmt Vinnumarkaðsrann-
sókn Hagstofu Íslands voru í ágúst
síðastliðnum að jafnaði 191.200
manns á vinnumarkaði hér á landi.
Af þeim voru 182.100 starfandi og
9.100 án vinnu og í atvinnuleit. At-
vinnuþátttaka mældist 82,8%, hlut-
fall starfandi 78,9% og atvinnuleysi
var 4,7%. Samanburður mælinga
í ágúst 2013 og 2014 sýnir að at-
vinnuþátttaka jókst um 0,4 pró-
sentustig og hlutfall starfandi var
nánast það sama. Hlutfall atvinnu-
lausra jókst á sama tíma um 0,4 pró-
sentustig. Í ágúst 2014 var atvinnu-
leysi á meðal 16-24 ára 9% á meðan
það var 3,8% hjá 25 ára og eldri.
mm
Undanfarna daga hafa staðið yfir
framkvæmdir á framhlið Tónlist-
arskóla Borgarfjarðar í Borgarnesi,
sem eitt sinn þjónaði hlutverki apó-
teks og apótekaraíbúðar. Þar hafa
hamarshöggin dunið að undan-
förnu í takt við tónlistina innan
dyra, eins og segir frá á vef Borg-
arbyggðar. Nýir gluggar eru komn-
ir á neðri hæð hússins og fær ásýnd
skólans bjartari mynd við það.
Einnig er komið betra rými fram-
an við húsið þar sem runnar við það
voru fjarlægðir. Við það birtir jafn-
framt til inni í húsinu.
mm/ Ljósm. borgarbyggd.is
Ýmsum hefur þótt ógnvænlegt að
aka framhjá Laxárgljúfri á Fróðár-
heiði, sérstaklega að vetri til í hálku
og slæmum veðrum. Á þessu hef-
ur nú verið ráðin bót því sett hafa
verið upp vegrið þar sem vegur-
inn liggur ofan við gilið. Mun ef-
laust mörgum finnast öruggara að
aka þarna um á veturna eftir þessa
lagfæringar. þa
Það er gleðilegt þegar ungt fólk af
höfuðborgarsvæðinu lýkur háskóla-
námi og velur að flytja vestur á Snæ-
fellsnes. Sú var ákvörðun hjónanna
Ingunnar Sifjar Höskuldsdótt-
ur og Björgvins Sigurbjörnsson-
ar sem fluttu fyrir skemmstu ásamt
tveimur ungum börnum til Stykk-
ishólms. Ingunn er nú tannlæknir
á tannlæknastofunni á St. Fransic-
kusspítalanum og Björgvin kennari
í bæði grunn- og framhaldsskólan-
um í Grundarfirði. Ingunn segir að
þau hjónin hafi lengi haft þá hug-
mynd á bak við eyrað að setjast að
úti á landi. „Við Björgvin höfðum
rætt það í nokkurn tíma að það væri
gaman að flytja út á land og sérstak-
lega væri það gott fyrir börnin okk-
ar. Fyrir nokkrum árum komum
við til Stykkishólms og ég hreifst
strax af bænum. Ég sagði þá í gríni
við Björgvin að við ættum að flytja
þangað. Mér var svo boðin staða
sem tannlæknir í Stykkishólmi fyrir
um ári síðan. Þá var ég að hugsa um
nýfætt barn svo ég komst ekki að
svo stöddu. Í sumar fékk ég annað
tækifæri til að koma svo við hjónin
ákváðum í sameiningu að láta vaða
og flytja með fjölskylduna vestur,“
segir Ingunn.
Óöryggi í leiguhúsnæði
Ingunn hóf störf við tannlækn-
ingar í Stykkishólmi í maí og í júlí
byrjuðu þau hjónin að flytja vest-
ur. Flutningunum var svo lokið í
ágúst eða þegar Björgvin byrjaði að
kenna í Grundarfirði. Ingunn seg-
ist kunna mjög vel við sig í Hólm-
inum. Þar skorti hana ekki neitt þó
byggðin sé ekki stór, en hún segir
að allir staðir hafi þó sína kosti og
galla. „Hér er öll þjónusta og ekk-
ert sem manni virkilega vantar. Ég
held að það sé erfiðara að aðlagast
Reykjavík en að aðlagast stöðum úti
á landi. Hér eru vegalengdir styttri
og maður hefur einhvern veginn
meiri tíma. Það er ekki sami hraði
í samfélaginu. Einn mikilvægasti
þátturinn við að flytja á nýjan stað
er þó að hafa gott húsnæði til að búa
í. Það eru hins vegar ekki mörg hús
á leigumarkaði í bænum og okkur
Björgvini hugnaðist ekki að kaupa
hús fyrr en við værum búin að prófa
að búa hér í einhvern tíma. Í dag
leigjum við því íbúð sem er á sölu
og það er mjög óþægilegt og vek-
ur upp ákveðið óöryggi,“ segir Ing-
unn um eina gallann sem hún getur
nefnt við flutningana út á land.
Kann að meta
gestagang
Þau hjónin eiga tvö börn, eina fjögur
ára stelpu og ársgamlan strák. Ing-
unn segir að það hafi spilað stóran
þátt í ákvörðun þeirra að flytja vest-
ur að ala börnin upp á landsbyggð-
inni. „Mér finnst dásamlegt að vera
með börnin hérna og var það hluti
af því að ég vildi flytja. Hér þekkj-
ast allir og við fáum mikið af heim-
sóknum. Í síðustu viku var ég með
fullt hús af börnum sem var alveg
æðislegt. Í Reykjavík bjuggum við
á Háskólagörðunum og þekktum
nánast ekki neinn af okkar nágrönn-
um. Jafnvel fólk sem við þekktum
og bjó ekki langt frá okkur kom
sjaldan í heimsókn. Núna fáum við
hins vegar reglulega fullt af fólki í
heimsókn og þar sem það er svolít-
il ferð frá Reykjavík að kíkja á okk-
ur verða heimsóknirnar þaðan bæði
innilegri og skemmtilegri fyrir vik-
ið. Við hjónin erum því spennt fyr-
ir því að búa í Stykkishólmi í fram-
tíðinni,“ segir Ingunn.
Eins og ég hafi búið
hér í tíu ár
Ingunn er fædd og uppalin í
Reykjavík en Björgvin hefur að
hennar sögn búið út um allt land.
Hvorugt þeirra hafði þó fyrir flutn-
inginn í sumar neina tengingu við
Stykkishólm eða Snæfellsnes. Ing-
unn segir að þrátt fyrir stutta dvöl
liði þeim nú eins og heimafólki.
„Við höfum núna verið hérna í tvo
mánuði en mér líður eins og ég
hafi búið hérna í tíu ár,“ segir Ing-
unn en hún segist finna fyrir meiri
nánd við samfélagið en hún gerði
í höfuðborginni. „Það er erfitt að
vera einmana hérna. Allir eru svo
opnir og jákvæðir. Ég er til dæmis
strax komin í saumaklúbb og Björg-
vin er kominn á fullt í fótboltan-
um hérna í Stykkis hólmi þar sem
hann spilar með Snæfelli og þjálfar
yngri flokka. Að vinna sem tann-
læknir í Stykkis hólmi er að ég held
mun þægilegra en í Reykjavík. Sér-
staklega þegar maður á börn. Hér
stjórnum við sjálf bókunum svo
það er meira svigrúm til að sinna
öðru eins og þörfum barnanna.
Auk þess sýnist mér að fólk hafi
góðar tennur í Stykkis hólmi. Hér
eru allir greinilega mjög duglegir
að bursta og nota tannþráð. Þann-
ig að þegar allt kemur til alls get
ég átt fleiri gæðastundir með fjöl-
skyldunni,“ segir Ingunn Sif að
endingu. jsb
Ingunn Sif á tannlæknastofunni á Fransickusspítalanum í Stykkishólmi.
Völdu Stykkishólm umfram Reykjavík
Tónlistarskólinn
fær andlitslyftingu
Vegrið við Laxárgljúfur
Vinnumarkaður 16-74 ára í ágúst 2014. Heimild: Hagstofa Íslands.
Rúmlega níu þúsund án atvinnu