Skessuhorn - 01.10.2014, Blaðsíða 17

17MIÐVIKUDAGUR 1. OKTÓBER 2014
komið upp útköll, þar sem slökkvi-
liðið hefur þurft að starfa við erfiðar
aðstæður. Eitt af þeim er þegar eld-
ur kom upp í flugeldaverksmiðju á
Akranesi árið 1979, með þeim af-
leiðingum að mikil sprenging varð
og tveir starfsmenn létust. „Ég man
að ég var staddur hjá Shell þeg-
ar sprengingin varð. Bíllinn lyftist
upp og ég sneri honum við. Þá sá ég
bólsturinn og fór beint niður á stöð.
Það myndaðist þarna ský, sveppur,
líkt og eftir kjarnorkusprengju,“ seg-
ir Sigurður. Þeir eru sammála um að
bruninn í flugeldaverksmiðjunni sé
einn af þeim sem þeir gleymi aldrei.
„Þetta situr enn í manni. Maður
hugsar enn um þetta ef maður keyrir
þarna framhjá,“ segja þeir alvarlegir
í bragði. Þeir bæta því við að þetta
hörmulega slys hefði getað farið
enn verr. „Það voru ellefu börn ný-
búin að leika sér þarna rétt hjá, þau
voru sem betur fer nýfarin. Spreng-
ingin var svo kröftug að þrýstingur-
inn fannst alla leið á Skarðsheiðina
og upp á Mýrar.“ Halldór bjó í þar-
næsta húsi við verksmiðjuna og seg-
ir hann að alls hafi níu rúður farið
í húsinu ásamt þaksperrunum. Svo
mikill hafi krafturinn verið. „Eitur-
efnasérfræðingur hélt með okkur
fund daginn eftir. Hann sagði okk-
ur að það væri efni þarna sem hefði
sprengt hálfan Skagann ef það hefði
komist vatn að því. Við vorum bún-
ir að sprauta vatni á þeim stað sem
efnið var en sem betur fer voru
tunnurnar sem efnið var geymt í al-
veg heilar. Það þarf ekki að spyrja að
því hvað hefði gerst ef vatnið hefði
komist í efnið.“
Blendnar tilfinningar
Félagarnir segja að útköllum slökkvi-
liðsins hafi fjölgað mikið þegar stór-
iðjan hóf starfsemi sína á Grundar-
tanga. Þeir segja að aðstæður hafi
sem betur fer breyst þar en fyrst um
sinn hafi þær verið hættulegar. „Það
var engin stjórn á því hvar slökkvi-
liðið mátti koma. Við vorum að
þvælast þarna um allt svæðið og tók-
um með því mikla áhættu. En nú er
búið að breyta þessu öllu og fræðsla
hefur aukist,“ útskýrir Halldór. Þeir
segja að haldnar séu æfingar einu
sinni í mánuði, að minnsta kosti.
„Þannig hefur það verið síðastlið-
inn tuttugu ár. Það eru alls kyns æf-
ingar, bæði rýmingaræfingar, æfing-
ar í verksmiðjunum og göngunum.
Fyrir nokkrum árum var göngunum
lokað og prófað að fylla þau af reyk.
Það voru aðeins örfáir sem vissu að
það væri æfing en kveikt var í bíl
ofan í göngunum,“ segir Sigurður.
Þeir félagar eru sammála um að
tíminn í slökkviliðinu hafi verið
ánægjulegur, þegar á heildina er lit-
ið. Andinn í slökkviliðinu hafi allt-
af verið góður og að mannskap-
urinn hafi alla tíð sýnt mikla sam-
heldni og samstöðu. „Félag slökkvi-
liðsmanna var stofnað fyrir rúmum
fjörtíu árum og það hefur staðið
fyrir góðu félagslífi. Þar var með-
al annars farið í óvissuferðir þar
sem önnur slökkvilið voru heim-
sótt, tekið þátt í golfmóti Lands-
sambands slökkviliðs- og sjúkra-
flutningamanna og haldið eigið
golfmót sem lýkur með grillveislu,“
segir Halldór. Þeir segjast báðir
hafa upplifað blendnar tilfinning-
ar þegar þeir hættu í slökkviliðinu
fyrir þremur árum. „Ég er nú allt-
af með annan fótinn hérna. Ég hef
verið að hjálpa slökkvistjóranum í
hinu og þessu síðan ég hætti,“ segir
Halldór. Sigurður segir aðra sögu:
„Það var mjög skrýtið að hætta og
dálítill söknuður sem fylgdi því, en
ég hætti alveg. Maður var til dæm-
is alltaf með símann á sér í lengri
tíma á eftir, bara af gömlum vana.
Það er fyrst núna sem ég er far-
inn að gleyma símanum heima, það
gerðist aldrei hérna áður fyrr.“
Meðfylgjandi myndir eru af
Slökkviliði Akraness og Hvalfjarð-
arsveitar við hin ýmsu störf síðasta
tæpa áratuginn eða svo. Myndirn-
ar eru úr myndasafni Skessuhorns,
en þær tóku Kolbrún Ingvarsdóttir,
Magnús Magnússon og fleiri.
grþ
Svipmyndir frá ýmsum æfingum Slökkviliðs Akraness og Hvalfjarðarsveitar.
Liðsmenn úr Slökkviliði Akraness og
Hvalfjarðarsveitar á æfingu þegar
bæjarhúsin á Þyrli í Hvalfjarðarsveit
voru brennd árið 2010.
Unnið að slökkvistarfi í Síldarmjölsverksmiðjunni á Akranesi árið 2006, eitt
íkveikjutilfella af nokkrum um það leyti.
Eldur kom upp í Range Rover jeppabifreið við Vesturgötu á Akranesi haustið 2013.
Slökkvistarf tók skamman tíma en bíllinn gjöreyðilagðist.