Skessuhorn - 29.10.2014, Blaðsíða 10
10 MIÐVIKUDAGUR 29. OKTÓBER 2014
Lögreglan á höfuðborgarsvæðinu
hefur til rannsóknar innbrot og
þjófnað á rúmlega 100 hjólbörð-
um sem kunna að verða boðnir til
sölu á næstu dögum. Ekki er óal-
gengt að þýfi af þessu tagi sé boð-
ið til sölu í nágrannabyggðum höf-
uðborgarinnar. Biður lögregla fólk
um að vera vakandi fyrir því að
kaupa ekki hjólbarða sem kunna
að vera þýfi. Viðurlög, refsing, er
við vísvitandi kaupum á þýfi og
er það haldlagt af lögreglu ef það
finnst. „Þeir sem kunna að búa yfir
upplýsingum um hjólbarðaþjófn-
aðinn eða sölu á hjólbörðum sem
ætla má að geti verið úr umræddu
innbroti eru beðnir að hafa sam-
band við Lögreglustöð 4 í síma
444-1180 eða senda póst á abend-
ing@lrh.is.“
mm
Verktakar sem vinna að ísganga-
gerðinni í Langjökli fyrir fyrir-
tækið Ísgöng ehf. grófu síðastlið-
inn fimmtudag þvert inn í risastóra
sprungu í jöklinum. Sprungan er
um fimm metra breið, hundruð
metra á lengd og afar tilkomumik-
il. Þar sem komið var þvert inn í
sprunguna eru um fimm metr-
ar niður en hún þrengist í botn-
inn, en 15 metrar eru upp í þak
sprungunnar. Ísgangamenn höfðu
fyrirfram gert ráð fyrir að grafa sig
inn í sprungu í jöklinum. Þeir segj-
ast hlakka til að geta sýnt gestum
ísganganna þessa stóru hvelfingu
þegar göngin verða opnuð, en
stefnt er að opnun næsta sumar.
mm/ Ljósm. IceCaveIceland
á Facebook
Síðastliðinn föstudag tóku nem-
endur 1.-5. bekkjar Grunnskóla
Borgarfjarðar á Hvanneyri þátt í
verkefninu Jól í skókassa. Það er al-
þjóðlegt verkefni sem felst í því að
fá börn jafnt sem fullorðna til þess
að gleðja önnur börn sem lifa við
fátækt, sjúkdóma og erfiðleika með
því að gefa þeim jólagjafir. Verk-
efnið var samvinnuverkefni skólans
og foreldra. Nemendum var skipt í
hópa og töluðu foreldrar sig sam-
an um hvað hver kæmi með í kass-
ann sem hópurinn setti svo sam-
an á föstudaginn. Þeir foreldrar
sem höfðu tök á komu svo og unnu
verkefnið með starfsfólki skólans
og börnunum. Sama dag var einn-
ig náttfata- og bangsadagur og því
einstaklega notaleg og góð stemn-
ing sem skapaðist, að sögn starfs-
manna GBF, sem þakka foreldrum
kærlega fyrir gott samstarf.
mm
Á þriðjudaginn í liðinni viku fyllt-
ist Ráðhúsloftið hjá Stykkis-
hólmsbæ af áhugasömu og spenntu
fólki. Það var þangað komið til
að sjá myndböndin níu sem bár-
ust í myndbandasamkeppni verk-
efnisins um burðarplastpokalausan
Stykkishólm og heyra um úrslitin í
keppninni. Spennan stigmagnaðist
eftir því sem leið á sýningu mynd-
bandanna, enda ljóst að keppn-
in var mjög jöfn. Höfðu gestir orð
á því hvað myndböndin væru vel
unnin, áhrifarík og fjölbreytt. All-
ir þátttakendur fengu viðurkenn-
ingar fyrir framlög sín, en Sæferð-
ir gáfu fría Víkingasushi siglingu,
Stykkishólmsbær gaf sundkort og
Heilsa ehf. gaf margnota Baggu
innkaupapoka.
Dómnefnd skipuðu þær Theó-
dóra Matthíasdóttir, Rannveig
Magnúsdóttir, Birgitta Stefáns-
dóttir og Anna Margrét Ólafs-
dóttir. Theódóra ákvað hins veg-
ar að sitja hjá vegna tengsla sinna
við suma keppendur. Erfitt reynd-
ist að velja á milli myndbandanna
og ákvað dómnefndin því að kalla
til liðs við sig samtals ellefu aðstoð-
ardómara sem veittu ráðgjöf við val
á þremur myndböndum sem hlutu
peningaverðlaun. Niðurstaðan var
sú að Aron Alexander Þorvarð-
arson hreppti fyrsta vinninginn,
100.000 króna peningaverðlaun.
Sara Rós Hulda Róbertsdóttir varð
í öðru sæti og Haukur Páll Krist-
insson í því þriðja. Öll myndbönd-
in sem bárust í samkeppnina eru á
sérstakri YouTube síðu og eru jafn-
framt aðgengileg á Facebooksíðu
verkefnisins „Burðarplastpokalaus
Stykkishólmur“.
sá
Hundrað hjólbörðum
stolið – lögregla biður
fólk að vera á varðbergi
185/65R15 92T NOKIAN WR D3 CC))71
245/70R16 111T XL ROTILVA AT CE )) 72
225/55R17 94T XL NOKIAN HKPL 7 Studded
205/50R17 93T NOKIAN HKPL XL 7 Studded
265/50R20 111T NOKIAN HKPL 7 SUV XL Studded
235/55R17 103 XL NOKIAN HKPL 8 SUV Studded
175/70R13 NOKIAN Nordman 5 82T
205/70R15 NOKIAN Nodrman 5 100T XL
225/60R17 NOKIAN Nordman 5 SUV 103 XL
Nemendur á Hvanneyri undir
bjuggu saman Jól í skókassa
Þátttakendurnir Aron Alexander, Sara Rós og Haukur Páll ásamt dómnefndinni.
Úrslit kunngjörð í Stykkishólmi
í samkeppni um myndbönd
Inni í göngunum. Loftræstirör í loftinu og jólaljósaseríur
gera skemmtilega birtu.
Ísgangamenn grófu þvert á
stóra sprungu í jöklinum
Inni í jökulsprungu sem þessari getur verið sem í ævintýri
um að lítast þar sem mikilfengleikinn og víðáttan kallast á
við grýlukertin.
Maðurinn er agnarsmár í samanburði við stærð jökul-
sprungunnar.
Veðrið getur verið gott á jökli og útsýni þá mikið. Hér sést í
lofræstiop ganganna en horft í átt til Eiríksjökuls.
Umræddir hjólbarðar eru af eftirfarandi tegund og stærð: