Skessuhorn - 29.10.2014, Blaðsíða 18

18 MIÐVIKUDAGUR 29. OKTÓBER 2014
Á ferðamannastöðum eins og
Stykkishólmi er ómissandi að
gestir eigi möguleika að kíkja inn
í vinnustofur eða gallerí. Í Hólm-
inum er hús sem væntanlega fer
ekki framhjá gestum og gang-
andi. Þetta er gamli herbragginn
við aðalgötuna í bænum, gegnt
pósthúsinu, þessi fallega rauði. Í
bragganum hefur frá 2008 ver-
ið starfrækt Gallerí Braggi. Það
eru hjónin Ragna Eyjólfsdótt-
ir og Jón Helgi Jónsson sem
standa fyrir galleríinu en í bragg-
anum er Ragna einnig með gler-
vinnustofu ásamt Sigrúnu Svav-
arsdóttur frá Djúpavogi. Blaða-
maður Skessuhorns kíkti í heim-
sókn í Gallerí Bragga á dögunum
þegar hann átti leið um Stykkis-
hólm. Ragna segir að hún sé bara
nokkuð ánægð með aðsóknina.
Þeim fjölgi stöðugt sem kíki inn
og yfir háferðamannatímann sé
mikið að gera. „Svo þegar kem-
ur fram á haustið fara að kíkja
inn gestirnir sem koma á Unaðs-
dagana hérna á hótelinu. Heim-
sókn hingað er hluti af afþrey-
ingunni hjá þeim. Mér skilst að
Unaðsdagarnir standi alveg und-
ir nafni þótt ýmsum hafi fund-
ist það stórt nafn þegar hótel-
ið byrjaði með þetta. Svo koma
einnig hingað fleiri hópar í heim-
sókn, meðal annars þeir sem er í
óvissuferðum,“ segir Ragna. Í
Gallerí Bragga er hún með gler-
muni, keramik, skartgripi og svo
smávegis af innfluttum varningi,
trefla og skart.
Uppalin í Borgarnesi
Ragna átti fyrstu árin heima í
Mosfellssveit en frá fjögurra ára
aldri ólst hún upp í Borgarnesi.
Foreldrar hennar eru Eyjólf-
ur Magnússon kennari og Þór-
veig Hjartardóttir. Hún segir
að þau hafi verið nokkuð mörg
af 1963 árganginum í Borgar-
nesi sem hún tilheyrir. „Ég var
mikið í íþróttum og ýmislegt
að bralla. Kannski var ég svolít-
ill strákur í mér. Ég keypti mér
að minnsta kosti skellinöðru
þegar ég hafði aldur til, eða 15
ára. Við vorum þrjár eða fjór-
ar stelpurnar sem gerðum það.
Við vorum því mikið á ferðinni
með strákunum á skellinöðrun-
um um sveitirnar í nágrenninu.
Þessi hjól voru reyndar hálfgert
drasl að því leyti að við gátum
ekki farið langt án þess að þurfa
að kæla vélina, svo við brædd-
um nú ekki úr þeim. Strákunum
mínum finnst það skrítið þeg-
ar ég er að tala um þetta, að ég
skuli hafa verið á mótorhjóli, en
við Jón Helgi eigum þrjá stráka
og þrjú barnabörn. Eftir grunn-
skólann fór ég svo tvo vetur í
Fjölbrautaskólann í Breiðholti á
viðskiptabraut. Í framhaldinu fór
ég að vinna í Landsbankanum við
Laugaveg 77 í Reykjavík. Hring-
urinn var þá bara rétt að byrja hjá
mér,“ segir Ragna.
Fékk eyju í arf og
flutti í Hólminn
Maður Rögnu er einnig úr
Borgarnesi, Jón Helgi Jónsson.
Hann er menntaður símsmið-
ur og bauðst starf hjá síman-
um í Ólafsvík við að þjóna Snæ-
fellsnesi og Dölum. „Við flutt-
um því til Ólafsvíkur og bjuggum
þar 1980-’84. Ég vann í Lands-
bankanum áfram eftir að ég kom
í Ólafsvík og starfaði í bankan-
um lengst af. Fluttum reynd-
ar 1985 út á Hellissand. Maður-
inn minn fékk Purkey á Breiða-
firði í arf og það var aðalástæðan
fyrir því að við fluttum til Stykk-
ishólms 1987. Árið 1993 lenti ég
í bílslysi. Ég var með ansi mikla
áverka og slysið varð til þess að
ég þurfti að finna mér eitthvað til
að fást við þar sem ég væri ekki
bundin við fastan vinnutíma. Ég
er nú þannig að það á ekkert vel
við mig að vera aðgerðalaus. Á
þessum tíma hafði ég ekki verið
mikið í handverki en var þó allt-
af nokkuð dugleg við að prjóna
og sauma. Ég fór í handverkshóp
sem hér hefur verið starfandi síð-
ustu 16 árin. Þessi hópur er með
sölu hérna í Lionshúsinu á sumr-
in. Það var eftir að ég byrjaði í
hópnum sem ég fór að huga að
því að gaman væri að opna gall-
erí. Og eins og ég segi þá hefur
þetta bara gengið nokkuð vel,“
sagði Ragna að endingu.
þá
Nýverið var Raggi Bjarna, hinn
landsfrægi dægurlagasöngvari, á
ferð á Akranesi. Að lokinni söng-
skemmtun í safnaðarheimili Akra-
neskirkju bauð Guðjón Hafliðason
söngvaranum í ökuferð um bæinn
á Chevrolet Impala, árgerð 1959.
Raggi hefur allt frá unglingsaldri
haft brennandi áhuga á amerískum
bílum og var þetta því skemmti-
leg stund. Þáði hann boðið undir-
eins! Eiginkona hans, Helle, og sr.
Eðvarð Ingólfsson sóknarprestur á
Akranesi, slógust með í för. Raggi
Bjarna varð áttræður í haust en þeir
sem hlýddu á hann syngja í safn-
aðarheimilinu á Akranesi þennan
umrædda dag sögðu að hann hefði
aldrei sungið betur.
Búðaruglingur
Séra Eðvarð er óspar að segja
skemmtisögur og ekki síst af Ragga,
en þeir hafa verið vinir um áratuga-
skeið, allt frá því að Eðvarð ritaði
ævisögu hans 1992. Hér er ein ný-
leg af þeim félögum:
Í sumar var Eðvarð staddur í fríi
hinum megin á hnettinum, á sól-
arströnd á Tenerife, þegar Raggi
hringdi í hann og var greinilega
mikið niðri fyrir. „Heyrðu! Ég átti
að skemmta í afmælisveislu í ein-
hverri búð hérna á Akranesi og er
búinn að finna hana, en það er bara
allt harðlokað. „Jæja,“ svarar séra
Eðvarð með hægð og var dálitla
stund að átta sig á í hvaða vændræð-
um Raggi var lentur og spurði hann
því nánar um staðhætti. „Já, það
stendur Einarsbúð hérna á skilti en
það er bara enginn mættur,“ svar-
ar Raggi og var ekki farið að lítast á
blikuna enda komið framyfir þann
tíma sem hann átti að vera mættur
til að skemmta. Séra Eðvarð hugs-
aði sig um dálitla stund og mundi
þá eftir annarri búð, nefnilega
Jónsbúð. Hún er að vísu ekki versl-
un, heldur félagsheimili slysavarna-
félagsfólks á Akranesi. „Já, það get-
ur vel verið, jú það er Jónsbúð,“
svarar Raggi. Séra Eðvarð leist ekk-
ert á að lóðsa Ragga að Jónsbúð í
gegnum síma, þannig að hann fékk
leyfi söngvarans til að hringja í lög-
reglu staðarins sem brást skjótt við,
ók að Einarsbúð og lóðsaði Ragga
að Jónsbúð.
mm
Á þessari símamynd eru f.v. séra Eðvarð, Guðjón, Raggi og Helle eiginkona hans.
Raggi þáði með þökkum ökuferð í Chevrolet Impala
Galleríið Braggi í gamla herbragganum í Hólminum
Glermunir sem m.a. henta vel til jólagjafa.
Ragna til vinstri ásamt Sigrúnu Svavarsdóttur en þær starfrækja saman glerverkstæði í bragganum.
Fallegir glermunir sem Ragna hefur gert. Fallegar myndir eftir Rögnu.
Gamli herbragginn þar sem Gallerí Braggi er til húsa.