Skessuhorn - 29.10.2014, Blaðsíða 30

30 MIÐVIKUDAGUR 29. OKTÓBER 2014
Útfararþjónustan ehf.
Fjarðarási 25, 110 Reykjavík - Sími: 567 9110, 893 8638
www.utfarir.is - runar@utfarir.is
Markmið okkar hefur ávallt verið að
veita bestu faglegu þjónustu varðandi
undirbúning og framkvæmd útfarar
Fjölskyldu-
fyrirtæki í 24 ár
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Nýjung á Íslandi – Ódýr umhverfisvænn valkostur
Handsmíðaðar íslenskar viðarkistur. Einföld innri grenikista.
Glæsileg ytri leigukista úr íslensku lerki frá Hallormstað.
„Heimildamyndin Svartihnjúkur-
stríðssaga úr Eyrarsveit segir frá
árekstri íslenskrar sveitakyrrðar og
hrikaleik heimstyrjaldarinnar síð-
ari. Íslenskir bændur voru rifnir úr
hversdagslegum búverkum til þess
að fara á fjöll að leita að týndri her-
flugvél. Lýsingar þeirra á hrikalegri
aðkomu og líkburði hafa lifað með-
al sveitunga þeirra fram á þenn-
an dag. Margvíslegar sögusagn-
ir hafa spunnist um afdrif bresku
flugmannanna og við kynnumst því
hvernig íslensk þjóðtrú leitast við
að útskýra ógnirnar og afleiðing-
ar þeirra. Í hermannagrafreit Foss-
vogskirkjugarðs standa sex legstein-
ar. En grafirnar sex geyma aðeins
líkamsleifar fjögurra breskra flug-
manna sem fórust á Snæfellsnesi í
nóvember 1941. Skýrslur breska
flughersins eru fáorðar um þetta
sérkennilega mál. En í Eyrarsveit
á Snæfellsnesi hafa menn í áratugi
sagt sögur af örlögum þeirra sem
saknað er.“
Þetta er kynningartexti nýrr-
ar heimildakvikmyndar sem kvik-
myndafyrirtækið Seylan er nú að
leggja lokahönd á.
Vilja kaupa erlent
myndefni
Stjórnandi við gerð Svartahjúks-
stríðssögu úr Eyrarsveit er Hjálm-
týr Heiðdal kvikmyndagerðamað-
ur. Hann skrifar einnig handrit
ásamt Karli Smára Hreinssyni. Nú
stendur yfir söfnun til að afla fjár
svo ljúka megi við kvikmyndina
sem verður 52 mínútna löng.
„Ástæðan fyrir því að við hefjum
þessa söfnun er að við höfum fund-
ið mjög merkilegt kvikmyndaefni
héðan frá Íslandi á breskum söfn-
um. Þeir tóku kvikmyndir af her-
námsumsvifum sínum hér á landi
sem hafa varðveist en eru fáséð-
ar. Það kostar hins vegar mikið að
kaupa þær til sýningar í heimilda-
kvikmyndum eins og við erum að
gera. Okkur langar hins vegar mjög
mikið til að nýta þetta myndefni
og koma því á framfæri vegna þess
að myndirnar eru svo dýrmætar
sögulegar heimildir,“ segir Hjálm-
týr Heiðdal. Hann segir að mynd-
in verði afar áhugaverð. Vinnsla
kvikmyndarinnar er langt kom-
in en hún hófst fyrir þremur árum.
Hún er meðal annars unnin í sam-
vinnu við Kvikmyndasjóð og RUV.
Það er því ljóst að hún verður sýnd
í sjónvarpinu og yrði þannig til þess
að vekja rækilega athygli á norðan-
verðu Snæfellsnesi, ekki síst Eyrar-
sveit og nágrenni.
Söfnun hafin á netinu
Kvikmyndagerðamenn hafa víða
leitað fanga eftir heimildum og
fólki sem gæti tjáð sig um þennan
vofveiflega atburð fyrir rúmum 70
árum.
„Meðal annars leituðum við til
ættfræðisérfræðinga í Bretlandi til
að freista þess að finna fjölskyldur
flugliðanna sem fórust. Við fundum
fjölskyldur þriggja þeirra og tókum
viðtöl við eftirlifandi ættingja. Alls
tókum við viðtöl við fimm breska
borgara sem tengdust málinu, allt
háaldrað fólk. Þetta var gert á ell-
eftu stundu því síðan eru þrjú
þeirra látin. Við höfum einnig tekið
viðtöl við heimamenn á Snæfells-
nesi sem muna vel bæði slysið sjálft
og síðan það sem gerðist eftir það.
Þar blandast saman ýmsar frásagn-
ir bæði af slysinu og flakinu. Einnig
flökkusögur meðal annars af reim-
leikum og fleiru. Líka höfum við
farið á vettvang þar sem vélin brot-
lenti, rannsakað hann og myndað
leifar úr flakinu sem enn eru sjáan-
legar,“ segir Hjálmtýr.
Á vefsvæðinu Karolinafund.com
hefur nú verið sett af stað söfn-
un til að afla fjár til kaupa á er-
lendu myndefni í kvikmyndina.
Þar má sjá sjö mínútna langa stiklu
með myndskeiðum úr kvikmynd-
inni. Búið er að stofna síðu með
nafni kvikmyndarinnar á Facebo-
ok. Einng má nálgast upplýsing-
ar um hana og söfnunina á heima-
síðu kvikmyndagerðarinnar Seylan
(http://www.seylan.is/Svartihnjuk-
ur.html).
mþh
Legsteinar yfir sex gröfum flugliða vélarinnar í Fossvogskirkjugarði. Vísbendingar
eru þó um að einungis fjórar kistur hafi verið jarðaðar þar. Þannig hafi lík tveggja
úr áhöfninni aldrei fundist. Enn í dag er margt á huldu um þetta slys.
Safna fyrir einstæðu myndefni í kvikmynd
um flugslys á Snæfellsnesi
Aðstæður við slysstaðinn voru um margt mjög erfiðar.
Séð út Kolgrafafjörð frá slysstaðnum í Svartahnjúk.
Tveggja hreyfja Vickers Wellington-flugvél breska flughersins. Það var svona
flugvél sem flaug inn í fjallshlíðar Svartahnjúks við Kolgrafafjörð 28. nóvember
1941. Öll áhöfnin, sex ungir menn fórust.