Skessuhorn - 29.10.2014, Blaðsíða 35

35MIÐVIKUDAGUR 29. OKTÓBER 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Mikil og góð stemning var í íþrótta-
húsinu í Borgarnesi á mánudags-
kvöldið enda Vesturlandsslagur í
Dominosdeild karla milli Skalla-
gríms og Snæfells. Leikurinn var
jafn og spennandi en Snæfellingar
reyndust sterkari á lokametrunum
og sigruðu 88:83. Þetta var loka-
leikur þriðju umferðar og Snæfell
þá komið með fjögur stig en Skalla-
grímur er enn án stiga. Þetta var
fjórði sigur Snæfells síðan 2008 í
Fjósinu eins og íþróttahúsið í Borg-
arnesi er gjarnan kallað. Fyrir leik-
inn var körfuboltamaður sem leik-
ið hefur með báðum liðum heiðr-
aður fyrir framlag sitt til körfubolt-
ans á Íslandi. Það er Hafþór Ingi
Gunnarsson uppalinn í Borgarnesi
en lék síðustu ár ferilsins með Snæ-
felli. Hafþór þurfti að leggja skóna á
hilluna síðasta vetur vegna þrálátra
meiðsla.
Skallagrímsmenn voru yfirleitt
skrefinu á undan fyrri hluta leiks-
ins. Þeir voru einu stigi yfir eftir
fyrsta leikhluta og á tímabili í öðr-
um leikhluta komust þeir tíu stig-
um yfir 40:30. Það var einmitt eft-
ir að Páll Axel Vilbergsson skoraði
sína þúsundustu þriggja stiga körfu
í efstu deild á Íslandi og fer leikur-
inn á mánudaginn í sögubækurnar
þess vegna. Skallagrímsmenn voru
fjórum stigum yfir í hálfleik 48:44,
en Snæfellingar komu grimmir til
seinni hálfleiks. Þeir komust yfir
í þriðja leikhluta en jafnt var eft-
ir hann 63:63.Snæfell var síðan
með frumkvæðið í lokafjórðungum.
Skallagrímsmenn komust reynd-
ar einu stigi yfir þegar rúm mínúta
var eftir af leiknum, 83:82. Páll Axel
fékk tækifæri til að jafna leikinn með
þriggja stiga körfu í stöðunni 83:86
en í þröngri stöðu tókst honum ekki
að skora sinn fimmta þrist í leiknum.
Snæfell var sterkari á lokasprettinum
og sigraði í þessu magnaða Vestur-
landseinvígi.
Tracey Smith var atkvæðamest-
ur hjá Skallagrími með 26 stig og 7
fráköst, Páll Axel kom næstu með 16
stig, Egill Egilsson skoraði 15, Sig-
tryggur Arnar Björnsson átti mjög
góðan leik, með 14 stig, 5 fráköst,
6 stoðsendingar og 5 stolna bolta,
Daði Berg Grétarsson skoraði 6 stig
og þeir Davíð Ásgeirsson og Atli
Aðalsteinsson 3 hvor. Austin Magn-
us Bracy var stigahæstur hjá Hólm-
urum með 26 stig og 6 stoðsending-
ar, Sigurður Þorvaldsson var með
20 stig, 5 fráköst og 6 stoðsending-
ar, William Nelson 16 stig og 12 frá-
köst, Pálmi Freyr Sigurgeirsson 14
stig og Stefán Karel Torfason 12 stig
og 10 fráköst.
Lítil hvíld verður hjá leikmönnum
beggja liða þar sem þau leika bæði
í 4. umferð Dominosdeildarinnar
nk. fimmtudagskvöld. Snæfell fær
þá Stjörnuna í heimsókn en Skalla-
grímsmenn sækja Hauka heim á Ás-
velli. Haukar eru á toppi deildarinn-
ar ásamt KR en bæði lið eru taplaus.
þá/ Ljósm. Ómar Örn Ragnarsson
og Jónas H Ottósson.
Hafþór Ingi Gunnarsson tekur við
viðurkenningunni. Ljósm. óör.
Snæfell var sterkara á síðustu metrunum
Páll Vilberg sækir að körfu Snæfells í leiknum. Ljósm. óör.
Tracey Smith í harðri baráttu við
Snæfellinga. Ljósm. óör.
Þessar svipmyndir úr leiknum tók Jónas H Ottósson.