Fréttatíminn - 21.11.2014, Síða 2

kynntu þér
málið!
SIÐMENNT
w w w . s i d m e n n t . i s
Siðmennt styður trúfrelsi og
aðskilnað ríkis og kirkju
Trúfrelsi
S érfræðingur í gjörgæslu- og svæf-ingarlækningum í 80 prósenta starfi á Landspítalanum fékk tæpar 409
þúsund krónur útborgað fyrir mánaðar-
vinnu – að meðtöldum kvöld- og helgar-
vöktum, bakvöktum og aukavöktum, sam-
kvæmt launaseðli sem Fréttatíminn er með
undir höndum. Heildarlaunin eru um 750
þúsund fyrir skatta og launatengd gjöld.
Svæfingalæknirinn vinnur að auki einn dag
í viku á stofu til að ná upp laununum. Laun
sérfræðings fyrir 100% starf á Landspítal-
anum eru tæplega 600 þúsund á mánuði auk
15% álagningar fyrir að vinna aðeins þar og
hvergi annars staðar, sem sagt 690 þúsund
á mánuði. Öll laun umfram það eru vegna
kvöldvakta, helgarvakta og bakvakta sem
teknar eru ofan á fullt starf.
Samkvæmt heimildum Fréttatímans eru
meðallaun íslenskra lækna um 1150 þúsund
krónur á mánuði. Inn í þeirri tölu eru kvöld-
og helgarvaktir, bakvaktir og öll aukavinna.
Ekki er óalgengt að læknar á Landspítal-
anum vinni allt að 100-150 vaktatíma á mán-
uði sökum manneklu – og eru laun fyrir þá
vinnu inni í þessum meðallaunum.
Það eru álíka laun og hæstaréttardómarar
hafa, sem og ráðherrar, sem fá um 1180 þús-
und í mánaðarlaun að meðaltali. Flugstjórar
eru með 1530 þúsund í mánaðarlaun að með-
altali og forstjórar 1630 þúsund. Af öllum
þessum stéttum vinna læknar langlengsta
vinnuviku og eru með mesta vaktaálagið.
Nám sérfræðilækna er jafnframt hið lengsta
af öllum þessum stéttum og starfsævin því
styttri sem því nemur.
Læknar hafa bent á að laun þeirra hafa
dregist aftur úr launaþróun hjá hinu
opinbera sem og starfsfólks á almennum
vinnumarkaði. Samkvæmt upplýsingum frá
Læknafélagi Íslands eru læknar 14-21 pró-
sentum á eftir í launaþróun miðað við aðra
opinbera starfsmenn frá árinu 2007.
Helsta krafa lækna í samningaviðræðum
þeirra við ríkið sem nú stendur yfir er að
grunnlaun þeirra hækki. Byrjunarlaun
læknis, sem lokið hefur sex ára háskóla-
námi, eru um 340 þúsund krónur. Byrjunar-
laun sérfræðilæknis, sem lokið hefur sex ára
grunnnámi í háskóla, árslöngu kandídatsári
og loks 5-10 ára sérfræðinámi eru 530 þús-
und krónur á mánuði.
Sjá umfjöllun á síðu 10.
Sigríður Dögg Auðunsdóttir
sigridur@frettatiminn.is
 Kjaramál meðallaun læKna eru um 1.150 þúSund Krónur á mánuði
Launatekjur 200 launahæstu
í hverri starfsstétt*
Sjómenn ................................................................ 2.500 þúsund
Forstjórar .............................................................. 2.300 þúsund
Starfsmenn fjármálafyrirtækja .......................... 1.700 þúsund
Næstráðendur ...................................................... 1.600 þúsund
Heilbrigðisgeiri (læknar, tannlæknar o.fl.) ......... 1.400 þúsund
Skólamenn (100 efstu) ......................................... 1.000 þúsund
*á mánuði skv. Tekjublaði Frjálsrar verslunar
Meðalheildarlaun á mánuði
(fyrir dagvinnu, yfirvinnu og vaktaálag þar sem á við) *
Forstjórar .............................................................. 1.630 þúsund
Flugstjórar ............................................................. 1.530 þúsund
Ráðherrar .............................................................. 1.180 þúsund
Læknar .................................................................. 1.150 þúsund
Hæstaréttardómarar ........................................... 1.100 þúsund
Endurskoðendur ................................................... 1.070 þúsund
*Samkvæmt upplýsingum frá Samtökum atvinnulífsins, Fjársýslunni,
fjármálaráðuneytinu og Hagstofu Íslands, ASÍ o.fl.
Sérfræðilæknir með
690 þúsund á mánuði
Laun sérfræðilæknis fyrir fulla vinnu á Landspítalanum eru 690 þúsund krónur á mánuði ef hann
vinnur hvergi annars staðar. Meðallaun íslenskra lækna eru 1150 þúsund krónur – en inn í þeirri
upphæð eru öll laun vegna kvöldvakta, helgarvakta og bakvakta sem teknar eru ofan á fullt starf.
Til samanburðar eru hæstaréttardómarar með 1100 þúsund og ráðherrar með 1180 þúsund.
Helsta krafa
lækna í samn-
ingaviðræðum
þeirra við ríkið
sem nú stendur
yfir er að grunn-
laun þeirra
hækki. Byrjunar-
laun læknis sem
lokið hefur sex
ára háskólanámi
eru um 340
þúsund krónur.
Byrjunarlaun
sérfræðilæknis,
sem lokið hefur
sex ára grunn-
námi í há-
skóla, árslöngu
kandídatsári og
loks 5-10 ára
sérfræðinámi
eru 530 þúsund
krónur á mánuði.
Ljósmynd/Hari
 Sjávarútvegur Konur eru enn í minnihluta þó hlutfall þeirra hæKKi
Tekjurnar námu 263 milljörðum
Konur eru þriðjungur þeirra sem
starfa við sjávarútveg, það er um
2.800 konur af þeim 8.600 manns
sem á árinu 2013 starfaði með bein-
um hætti við sjávarútveg. Hlutfall
kvenna í sjávarútvegi hefur verið í
kringum 24% síðastliðinn áratug en
mikil fjölgun varð á meðal kvenna
í sjávarútvegi á milli áranna 2012
og 2013 samhliða aukningu starfa í
landi. Tæp 86% kvenna sem starfa í
sjávarútvegi starfa við fiskiðnað eða
um 2.400 konur. Þetta er meðal þess
sem kemur fram í nýrri skýrslu Ís-
landsbanka um sjávarútveginn.
Í skýrslunni kemur jafnframt
fram að þorskaflinn hafi dregist
saman um næstum helming síðustu
þrjá áratugi en á sama tíma hafi út-
flutningsverðmæti aflans aukist um
138% Tekjur sjávarútvegsfélaga árið
2013 námu 263 milljörðum sem er
5% samdráttur frá fyrra ári. Útflutn-
ingsverðmæti sjávarafurða hefur
aukist um 31% undanfarin fimm ár
og námu þau 272 milljörðum í fyrra.
Heildarfækkun starfsfólks í sjáv-
arútvegi af báðum kynjum er 400
manns frá árinu undan en þá störf-
uðu 5.000 manns við fiskiðnað og
3.600 manns við fiskveiðar.
Undanfarið hafa fleiri starfað á
sjó en í landi en á árinu 2013 snérist
þetta við og fleiri störfuðu í landi við
fiskiðnað. Ástæður þessa eru marg-
víslegar en þar ber helst að nefna
aukna tekjumöguleika í vinnslu á
ferskum afurðum, lægri kostnað
meðal annars vegna lægra gengis
krónunnar og hækkandi rekstrar-
kostnað í sjófrystingu.
Erla Hlynsdóttir
erla@frettatiminn.is Undanfarin ár hafa fleiri starfað á sjó en við fiskiðnað í landi en í fyrra snerist þetta
við og störfuðu fleiri við fiskiðnað í landi en voru á sjó.
Leoncie rænd
Söngkonan Leoncie birti neyðarkall á
Facebook-síðu sinni í gær en tveimur gull-
hringum var stolið af henni þegar hún var
við tökur á jólalaginu sínu í höfuðstöðvum
RÚV í Efstaleiti. Hringarnir eru Leoncie
afar kærir en þeir voru gjöf frá föður hen-
nar heitnum. Hringirnir höfðu ekki komist í
leitirnar þegar blaðið fór í prentun.
Fölsuð vottorð með laxi
Fölsuðum vottorðum hefur
undanfarna mánuði
verið framvísað við
innflutning á laxi
við landamæri
Rússlands.
Vörunum
fylgdu
vottorð
sem
gáfu til
kynna að laxinn væri frá Íslandi og
framleiddur af íslenskum sjávarútvegsfy-
rirtækjum. Matvælastofnun hefur fengið
tvö vottorð til skoðunar og hefur staðfest
gagnvart rússneskum yfirvöldum að þau
eru fölsuð. Á þessu stigi málsins er óljóst
frá hvaða ríki eða framleiðanda þessar
vörur koma, en Matvælastofnun og sys-
turstofnun hennar í Rússlandi munu áfram
vinna að því að afla frekari upplýsinga. Ek-
kert hefur komið fram sem tengir íslensk
fyrirtæki við fölsun þessara vottorða. - eh
Nær 500 milljónir
Í átta dómum sem féllu á dögunum í
héraðsdómi var rift samningum og greið-
slum tengdum IceCapital ehf., sem áður
hét Sund, að fjárhæð samtals 495 milljónir
króna. Enn á eftir að fást niðurstaða í sjö
öðrum riftunarmálum sem skiptastjóri
IceCapital hefur höfðað gegn fyrrverandi
eigendum, stjórnendum og starfsmönnum
félagsins og eignarhaldsfélögum þeim
tengdum. Alls nema fjárhæðirnar í málu-
num fimmtán um 1.600 milljónum króna.
Þurfti að farga 2.500 eintökum
Farga þurfti 2.500 eintökum af nýjustu bókinni um
Kamillu Vindmyllu en nýtt upplag er á leið í verslanir.
Um er að ræða barnabókina Kamilla Vindmylla og
svikamyllurnar sem Bókabeitan gefur út, en þegar
dreifing var nýhafin kom í ljós að í bókina vantaði tvær
blaðsíður, eða 512 orð. Endurkalla þurfti því bækurnar
sem komnar voru í dreifingu og farga öllu upplaginu.
Í tilkynningu segir að grunur leiki á að hinn útsmogni
Júlíus Janus hafi komist með puttana í prentvélarnar en
hann á harma að hefna frá síðustu sögu. -eh
2 fréttir Helgin 21.-23. nóvember 2014