Fréttatíminn - 21.11.2014, Qupperneq 34

Tekur óvægið umtal nærri sér
É g byrjaði að æfa kraftlyft-ingar fyrir um ári. Ég átti erfitt með að trúa að þetta
gæti verið gaman en ákvað að gefa
þessu sjens. Kraftlyftingarnar
hafa algjörlega heillað mig og eru
núna eitt það alskemmtilegasta
sem ég geri. Ég er líka búin að
komast að því að ég er mjög sterk.
Ég get tekið 115 kíló í hnébeygju
sem er rosalega mikið. Það er
bara eins og karlmenn taka,“ segir
Marta María Jónasdóttir og hlær
sínum smitandi hlátri. Í útliti er
Marta María Jónasdóttir byrjaði að æfa kraftlyftingar í fyrra
og finnst það nú eitt það skemmtilegasta sem hún gerir. Hún
skildi við eiginmann sinn í fyrra, synir þeirra eru viku og viku
hjá foreldrum sínum og þá skapaðist rými hjá Mörtu Maríu til að
gera matreiðslubókina sem hún hafði lengi gengið með í mag-
anum. Hún leggur mikið upp úr heilnæmum mat, sér í lagi fyrir
strákana sína en sá eldri er með vöðvarýrnunarsjúkdóm en sá
yngri er með mikla sjónskerðingu. Hún segist bókstaflega hafa
verið kýld niður þegar ljóst var hvað hrjáði drengina og leitað
sér faglegrar hjálpar eftir áfallið. Marta segir óvægið umtal um
sig að undanförnu hafa tekið á. Hún biður þá afsökunar sem
tóku nærri sér þegar hún fór í gervi ógæfukonu.
hún kvenleikinn uppmálaður og þó
klukkan sé rétt um klukkan tíu á
þriðjudagsmorgni þegar hún tekur
á móti mér á heimili sínu er Marta
í svörtum bundnum kjól, lakk-
stígvélum, með óaðfinnanlega liði
í hárinu. „Mér finnst svo fyndið að
ég sé að stunda kraftlyftingar því
þær eru algjör andstaða við annað
sem ég geri dags daglega. Það
er svo „macho“ að stafla lóðum á
stöng og setja magnesíumduft á
hendurnar áður en ég byrja lyfta.
Þetta er algjörlega frábært.“
Marta býr í 101 Reykjavík, en
þangað flutti hún úr Hvassaleitinu
eftir skilnað við eiginmann sinn,
fyrir hálfu öðru ári. Hún á tvo syni,
Helga 8 ára og Kolbein Ara 5 ára,
og eru drengirnir hjá þeim viku og
viku til skiptis. Heimilið er fagur-
lega innréttað, við sitjum á stólum
sem ég veit að eru fínir. Marta
segir það hafa komið sér skemmti-
lega á óvart hvað hún kann vel við
sig í miðbænum. „Mér líður vel í
þessu um hverfi. Fyrst eftir að ég
flutti inn var ég með mjög lítið af
dótinu mínu og fyrsta hálfa árið
voru engar myndir á veggjunum.
Ég var þá glöð að finna að þessir
hlutir skiptu mig engu raunveru-
legu máli þó ég vilji vissulega hafa
fínt í kring um mig. Lífshamingjan
stendur ekki og fellur með því
hvort það eru fallegar myndir á
veggjunum.“ Hún segir það vissu-
lega hafa verið erfitt að skilja eftir
12 ára samband. „Þó við höfum
gert þetta í vinsemd þá tekur þetta
mikið á.“
Bjó til matreiðslubók heima í
eldhúsi
Þegar líður á kaffibollann hjá
okkur tek ég eftir sætum ilmi sem
berst frá ofninum. Marta er ekki
aðeins í fínum kjól, hælastígvélum
með óaðfinnanlegar krullur heldur
er hún með rétt í ofninum. „Ég
setti epli og banana í ofninn með
möndlum og hnetusmjöri. Ég hef
ekki gert þetta áður en vonandi
verður þetta gott. Það má kannski
segja að þetta sé morgunverðar-
kaka.“ Hún er mikill matgæðingur
og veit fátt betra en góðan mat.
Mörtu hafði lengi dreymt um að
gefa út matreiðslubók en í gegn
um tíðina hefur hún skipulega
skrifað niður uppskriftir þegar
hún býr til gómsæta rétti. „Eftir
að ég eignaðist strákana fór ég að
elda meira og huga að næringar-
gildi matarins. Þrátt fyrir að hafa
langað til að gefa út bók þá hafði
ég aldrei tíma enda í fullri vinnu
með tvo börn. Svo eftir að ég skildi
og strákarnir mínir voru aðra
hvora viku hjá föður sínum fann ég
að það skapaðist mikið tómarúm
og þess vegna ákvað ég að nota
tímann í að gera matreiðslubók.“
Undanfarið ár hefur Marta því
staðið í ströngu á kvöldin og um
helgar við að vinna nýju bók-
ina sína MMM - Matreiðslubók
Mörtu Maríu sem er nýkomin út.
Hún sýnir mér fyrsta eintakið af
bókinni. „Þetta eru einfaldir og
fjölskylduvænir réttir. Hugmyndin
er að það taki innan við hálf-
tíma að elda kvöldmatinn. Síðan
eru nokkrir helgarréttir sem eru
flóknari. Allt er gert frá grunni
og hráefnalistinn er einfaldur. Ég
þekki engan sem hefur tíma til að
eyða hálfum deginum í að elda.
Það er líka kafli sem kallast „Gu-
ilty pleasures“ og þar er að finna
allt það dásamlegasta sem hægt er
að smakka á þegar mann langar í
sætindi. Aftast í bókinni fjalla ég
síðan um hvernig hægt er að nota
matvöru til að núllstilla kerfið ef
maður hefur ofgert sér,“ segir hún
og tekur dæmi um engiferbað sem
hún segir endurnæra líkamann
algjörlega. Allur húsbúnaður í
bókinni er ýmist í eigu Mörtu
sjálfrar eða fjölskyldumeðlima,
allur maturinn er eldaður í eldhús-
inu heima hjá Mörtu og myndaður
þar í dagsbirtu af æskuvinkonu
hennar, Guðnýju Hilmarsdóttur
ljósmyndara, og meira að segja
amma Mörtu tók þátt í að strauja
dúka fyrir myndatökur og Guðlaug
Dagmar, litla systir hennar, hjálp-
aði til við matreiðsluna á meðan á
tökum stóð. „Mig langaði að þetta
væri allt persónulegt og alvöru og
mér finnst það hafa tekist.”
Leitaði sér hjálpar eftir áfallið
Marta leggur sérstaklega mikið
upp úr því að synir hennar fái heil-
næman og góðan mat, ekki síst
vegna þess að þeir eru báðir með
sérþarfir. Sá eldri, Helgi, er með
vöðvarýrnunarsjúkdóminn Duc-
henne/Becker og Kolbeinn Ari er
með mikla sjónskerðingu. „Þó að
matur lækni ekki þá skiptir miklu
að fá góða næringu og sneiða hjá
aukefnum í mat. Við foreldrar
berum mikla ábyrgð þegar kemur
að því að fæða börnin okkar.“
Báðir drengirnir voru taldir heil-
brigðir við fæðingu og það var
því ekki fyrr en seinna sem í ljós
kom að það var ekki raunin. „Það
hvarflaði ekki að mér þegar ég
eignaðist þá að það myndi eitthvað
koma upp á seinna. Þegar þeir
fengu sínar greiningar ákvað ég
að þetta myndi ekki stöðva okkur
og hef síðan reynt að gera allt til
að gera líf þeirra betra. Við getum
ekki tekið þessi frávik í burtu en
við getum reynt að hafa hvern dag
þannig að allt sé gott. Við reynum
að gera eitthvað uppbyggilegt að
hverjum degi sem gerir líf okkar
betra og að allir fái að njóta sín.“
Marta segir það hafa verið erfitt
þegar ljóst var hvað hrjáði dreng-
ina og enn er ekki víst hvernig
vöðvarýrnunin þróast hjá Helga
eða sjónskerðingin hjá Kolbeini
Ara. „Þetta var harkaleg leið til að
koma mér niður á jörðina. Ég var
bókstaflega kýld niður. Ég ákvað
að leita mér faglegrar hjálpar því
þegar maður verður fyrir áfalli
Marta María Jónas-
dóttir segir að þrátt
fyrir að hún hafi harðan
skráp geti verið erfitt
að sitja undir óvægnu
umtali. Mynd/Hari
Framhald á næstuopnu
Hver er
Fædd 23. mars
1977.
Borin og barnfædd
í Reykjavík.
Í sambandi við
Ingimund Björg-
vinsson kraftlyft-
ingaþjálfara.
Tvö börn, Helgi og
Kolbeinn Ari.
Marta María
hannaði föt á sínum
yngri árum meðal
annars fyrir xtra.
is. Þar starfaði hún
með Helgu Ólafs-
dóttur hönnuði sem
nú rekur Ígló&Indí.
Hún ætlaði sér
stóra sviði á hönn-
unarsviðinu áður
en hún leiddist út í
blaðamennsku.
MMM er fjórða
bók Mörtu Maríu
en hún skrifaði
bókina um Nylon
stelpurnar sem
fékk Bókaverðlaun
barnanna 2005 og
tvær skáldsögur
með vinkonu sinni,
Þóru Sigurðar-
dóttur.
?
34 viðtal Helgin 21.-23. nóvember 2014