Ritið : tímarit Hugvísindastofnunar - 01.01.2004, Side 114

KRISTÍN ÁSTGEIRSDÓTTIR
Þær mælingar sem gerðar hafa verið á íslandi og vitnað var til hér að
framan leiða hugann að orðurn prinsins Hamlets í leikritinu um að sitt-
hvað væri rotið í ríki Dana. Til þess að greina meinsemdina og kljást við
hana skortir hins vegar rannsóknir. Það er því tími til kominn að íslensk
stjórnvöld taki sér ffændur okkar í Skandinavíu til fyrirmyndar og efni til
víðtækra rannsókna á valdakerfinu og stöðu lýðræðisins undir stjórn
virtra og sjálfstæðra fræðimarma. Slík rannsókn verður að ná til allra
þeirra þátta sem móta valdakerfið og lýðræðið og hafa kynjajafhrétti og
mannréttindasjónarmið að leiðarljósi. Við þurfum líka að spyrja eins og
Siri Meyer: Hvernig líður fólki, konum, körlum og börnum í landi okk-
ar? Hvað segja íslenskar bókmenntir okkur um það? Hvernig er tákn-
rænu valdi og táknrænu ofbeldi beitt í orðræðunni? Eins og í Skandi-
navíu hlýtur markmiðið að vera að efla þátttöku borgaranna í mótun
samfélagsins, jafna aðstæður, ryðja hindrunum úr vegi og grípa til nauð-
synlegra aðgerða sem auðvelda almenningi umræðu og bein áhrif.
Lýðræðið á sífellt að vera til skoðunar og umræðu, þannig helst það virkt
og lifandi.
11 2