Þjóðlíf - 01.09.1986, Qupperneq 60

Þögn þeirra er síðan skoðuð sem
samþykki, en því fer fjarri. Langflest-
ar konur finna og skynja muninn á
klámi og erótík. Það er klám þegar
kynferðisleg umfjöllun er þess eðlis
að konur líta undan og blygðast sín.
Það er klám þegar þær fyllast hryll-
ingi og viðbjóði á því sem fyrir þær
ber og vita um leið að þær sjálfar,
systur þeirra og dætur, hafa beðið
tjón á sálu sinni.
Þetta er það sem konur skynja —
og ekki að undra þar sem í klámi
birtist hvað skýrast það kvenhatur
sem karlamenningin er gegnsýrð af.
Klám á því ekkert skylt við eðlilegt
kynlíf, ekki fremur en nauðgun.
Hvort tveggja er ofbeldi og hreinn og
beinn sadismi. Bandarísk fræðikona
og sálfræðingur, Susan Griffin, telur
okkar menningu, hina vestrænu nú-
tímamenningu, pornógrafíska þar
sem karlar leika hlutverk sadistans en
konur masókistans. Hún bendir jafn-
framt á að til eru menningarsamfélög
þar sem hugtakið klám er ekki til og
nauðganir óhugsandi.
Annars þarf ekki að seilast langt
eftir skilgreiningu á klámi eða al-
þjóðahugtakinu pornography. Það er
komið úr grísku og er samsett úr
orðunum porné og graphos. Fyrra
orðið merkir hóra og þá ekki hvaða
hóra sem er, heldur sú lægst setta af
öllum, sú sem allir karlmenn borgrík-
isins höfðu jafnan aðgang að.
Graphos merkir skrif og porno-
graphy þýðir því skrif um hórur.
Þetta er frummerking hugtaksins og
hún er óbreytt enn í dag. Með
aukinni tækni hefur ýmislegt bæst við
skrifin, s.s. myndefni af margvíslegu
tagi, en það breytir engu.
Þetta vita allar konur innst inni.
Þær þekkja klám hvar sem það birt-
ist, en þær þekkja líka Eros, sem
erótíkin er kennd við. En Eros hefur
verið hnepptur í fjötra, honum er
útskúfað í okkar menningu. Erótík er
ástin og blíðan, hið háleita og fagra,
tryggð og trúfesta, sú umhyggja og
hlýja sem konur fengu hjá móður
sinni og sem þær sjálfar veita sjálf-
krafa og umhugsunarlaust manni sín-
um og börnum. í rauninni verður
karlinn því aldrei móðurlaus — en
konan verður það. Hún á að fá hlýj-
una og umhyggjuna hjá karlinum og
fær þetta stundum en oft fer hún í
geitarhús að Ieita ullar. Þess vegna
verður leit hennar að Erosi oft nokk-
uð löng.
HIN PORNÓ-GRAFÍSKA
MENNING. Karlar hafa kennt
konum um hið illa í heiminum svo
langt aftur sem rekja má menningar-
sögu okkar heimshluta. Þeir hafa gert
þær að blórabögglum, sannkölluðum
syndaselum, sem er fullgott að burð-
ast með syndir wannkyns. Konum
í klámtímaritum er meginþemað
niðurlæging kvenna og lítils-
virðing á þeim og hvorugt á neitt
skylt við erótik. (Ljósmynd:
Gunnar Elisson)
hafa frá upphafi vega verið ætlaðar
illar hvatir. Líkamir þeirra hafa verið
taldir saurugir, sérílagi kynfærin, og
farvegur fyrir syndina. Þær tœla karla
og vekja upp í þeim syndsamlegar
langanir, sem þeir fá ekki staðist. Og
þegar þeir falla fyllast þeir ótta og
hatri og beina hvoru tveggja að kon-
unni. Það þarf að hefna sín á henni.
Mjög víða má sjá merki um þenn-
an þankagang þar sem karlamenning
er ríkjandi. Þetta kemur fram í goð-
sögnum víða um lönd þar sem sagt er
frá drápi voldugrar gyðju og við
þekkjum þetta öll í sköpunarsögu
Biblíunnar þar sem Eva, formóðir
kvenna, féll fyrir höggorminum og
tældi Adam. Þessi hugsunarháttur
gengur einnig eins og rauður þráður
gegnum evrópskar og bandarískar
bókmenntir allt fram á þennan dag.
Sálfræðingar hafa lengi verið að
bjástra við að rannsaka á hvern hátt
konur hugsa og hegða sér ólíkt
körlum — ævinlega með það leiðar-
ljós að hugsunarháttur karla og
mennin^arheimur þeirra sé það sem
miða skuli við. Allt annað er frávik
frá því normala eða eðlilega.
Mér vitanlega hefur engum
karlkyns-sálfræðingi dottið í hug að
rannsaka hvernig stendur á hinni
djúpstæðu sálarflækju sem er í karla-
menningunni (og sumum körlum) —
sálarflækju sem erfist kyn frá kyni.
Ýmsar fræðikonur eru hins vegar
farnar að grafast fyrir um rætur henn-
ar, m.a. Susan Griffin er ég gat um
framar. Hún telur, að ein hugsanleg
skýring sé eftirsjá eftir móðurfaðmin-
um og því algleymi, sem hann veitti.
Paradísardraumur mannkyns og þrá-
in eftir eilífri sælu sé því í raun óskin
„Ég fæ mig aldrei fullsaddan á því að drepa hórur.“
(Órestes í leikritinu Oresteis eftir Æskylos)
PENTHOUSEPE,vrWUSE ^
HOTTEST
WOMEN IN
ROCK'NV*®
:lefon
SEX
suvtN
SríilBCRC
jwrtRvitw
s Ttvu
, SWflBÍRí,
|ffnóma
wmm Wm b
OðtUlOrCUMB
JUUS
VUHI
HÁUTHUí

/ tttirir
wi S1
OSim ^ I' 1 ' V

m&iiM
J •• • :■ l , vV- -1 UANMAHK VL S^r
60 ÞJÓÐLÍF