Fréttatíminn - 20.06.2014, Side 8

DDaglega
D3 vítamín styrkir m.a.
ónæmiskerfi, tennur og
bein og hjálpar til við
upptöku kalks.
G reiningardeild Íslandsbanka spáir því að vísitala neysluverðs hækki um 0,2% í júní. Gangi spáin eftir
hjaðnar verðbólga úr 2,4% í 2,1%. Vísitala
neysluverðs hækkaði um 0,5% í júní í fyrra.
„Verðbólguhorfur eru allgóðar fyrir yfir-
standandi ár. Líkt og áður þá gerum við
ráð fyrir að verðbólgan muni aukast á
næsta ári samhliða auknum umsvifum í
hagkerfinu. Þó teljum við að verðbólga
verði mun minni næstu ár en hún hefur að
jafnaði verið undanfarin ár,“ segir grein-
ingardeildin en Hagstofan birtir vísitölu
neysluverðs fyrir yfirstandandi mánuð 27.
júní.
„Lítið er um stóra hækkunarvalda VNV
[vísitölu neysluverðs] í júní samkvæmt
spá okkar,“ segir deildin enn fremur.
„Stærsti einstaki áhrifavaldurinn er ferða-
og flutningaliðurinn. Gerum við ráð fyrir
að hann vegi til 0,06% hækkunar VNV í
mánuðinum, sem má meðal annars rekja
til hækkunar eldsneytisverðs (0,02% í
VNV). Að þessu sinni teljum við að lítil
breyting verði á flugfargjöldum til útlanda
(0,01% í VNV), og þá þrátt fyrir að talsverð
breyting hafi verið í verði á fargjöldum til
einstakra áfangastaða, bæði til hækkunar
og lækkunar.
Spá um verðhækkun mat- og drykkjar-
vöru (0,05% í VNV) byggir á verðkönnun
okkar og skrifast sú hækkun helst á kjöt,
grænmeti og ávexti. Af öðrum liðum sem
má nefna hér er árstíðarbundin verðhækk-
un á þjónustu hótela og veitingastaða, sem
að okkar mati munu vega til 0,03% hækk-
unar VNV.
Gögn af íbúðamarkaði benda til þess að
húsnæðisliður vísitölunnar (0,03% í VNV)
muni lítið hækka þennan mánuðinn sem er
ólíkt þróuninni sem verið hefur að undan-
förnu,“ segir greiningardeildin. Hún nefnir
líka að áhrifa lækkunar á krónutölugjöld-
um áfengis og tóbaks (-0,02 í VNV) gætir í
spánni í júní.
Verðbólguhorfur fyrir komandi mán-
uði eru að mestu svipaðar og í síðustu spá
greiningardeildar Íslandsbanka sem sér
fram á fremur tilþrifalitla mánuði í verð-
lagsþróun, ef frá eru talin áhrif af útsölum
og útsölulokum.
„Við spáum 0,4% lækkun VNV í júlí og
0,4% hækkun bæði í ágúst og september.
Lækkun VNV í júlí skýrist af útsöluáhrif-
um, sem ganga svo til baka í ágúst og sept-
ember. Samkvæmt þeirri spá mun verð-
bólga mælast 2,0% í júlí og ágúst en 2,1% í
september. Við gerum í kjölfarið ráð fyrir
að verðbólga haldist á svipuðum slóðum út
árið, og mælist 2,0% í árslok.“
Greiningardeildin telur hins vegar að
verðbólga muni aukast heldur á næsta og
þarnæsta ári, verði 3,1% bæði árin. Fram-
leiðsluspenna myndist væntanlega í hag-
kerfinu, og endurspeglist það í hraðari
hækkun launa og áframhaldandi raun-
hækkunar fasteignaverðs.
Jónas Haraldsson
jonas@frettatiminn.is
Jónas
Haraldsson
jonas@
frettatiminn.is
 Viðskiptaráð UppGjör föllnU bankanna
Nauðasamningar hagfelldastir
Afnám gjaldeyrishafta hefur dregist
verulega umfram það sem upphaflegar
væntingar stóðu til. Þar vegur þyngst sú
töf sem orðið hefur á uppgjöri þrotabúa
föllnu bankanna, segir Viðskiptaráð en
skoðun þess er að hagfelldasta lausnin
fyrir alla aðila fælist í nauðasamningum
þar sem byrði vandans væri skipt með
ásættanlegum hætti á milli kröfuhafa og
þjóðarbúsins.
Viðskiptaráð telur að svigrúm fyrir
slíkri lausn sé til staðar bæði hjá kröfuhöf-
um og þjóðarbúinu en þríþættur ágrein-
ingur er til staðar vegna nauðasamninga:
efnislegur, lagalegur og deilur um aðkomu
stjórnvalda. Ráðið bendir á að rekstrar-
kostnaður þrotabúanna sé kominn yfir
100 milljarða og segir kröfuhafa verða af
um 260 milljörðum króna fyrir hvert ár af
töfum á útgreiðslu eigna þeirra.
„Mögulegt er,“ segir Viðskiptaráð, „að
búin verði tekin til gjaldþrotaskipta eftir
þremur leiðum: að frumkvæði slitastjórna,
kröfuhafa eða löggjafans. Ef kröfuhafar
koma sér ekki saman um gerð nauðasamn-
inga sem falla innan svigrúms þjóðarbús-
ins væri æskilegra að slitameðferð verði
lokið með gjaldþrotaskiptum en að núver-
andi ástand vari áfram um fyrirsjáanlega
framtíð.“
 neyslUVerð VerðbólGUhorfUr yfirstandandi árs erU Góðar
Hjaðnandi verðbólgu
spáð í júnímánuði
Greiningardeild Íslandsbanka spáir því að verðbólgan mælist 2% í árslok en að hún verði 3,1%
árin 2015 og 2016.
Verðbólguhorfur eru allgóðar fyrir yfirstandandi ár. Það ætti að gleðja þá sem skulda fasteignalán.
Gögn af
íbúðamarkaði
benda til þess
að húsnæðis-
liður vísitöl-
unnar (0,03%
í VNV) muni
lítið hækka
þennan mán-
uðinn sem er
ólíkt þróun-
inni sem
verið hefur að
undanförnu.
Hamarshöfði 4 - sími 587-1960 - www.mosaik.is
Vönduð vinna
Stofnað 1952
Mikið úrval af
fylgihlutum
Steinsmiðjan Mosaik
Legsteinar
Sumar 23 1. - 13. september
Sumarævintýri á Korsíku
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Sp
ör
e
hf
.
Fararstjóri: Hólmfríður Bjarnadóttir
Stórfengleg fegurð og kyngimagnaðir fjallgarðar
heilla alla í glæsilegri ferð til frönsku eyjunnar Korsíku
í Miðjarðarhafinu. Litríkir bæir verða á leið okkar,
granítklettar, fallegar strandir og ræktuð lönd.
Ferðin endar í höfuðstað Tíról, Innsbruck.
Verð: 327.700 kr. á mann í tvíbýli.
Mjög mikið innifalið!
8 fréttir Helgin 20.-22. júní 2014