Fréttatíminn - 20.06.2014, Qupperneq 46
46 matur & vín Helgin 20.-22. júní 2014
vín vikunnar
Spánn er betri í víni en bolta
F yrir bara nokkrum dögum voru Spánverjar frábærir í fótbolta og
frábærir í víngerð. Núna eru
þeir bara frábærir í víngerð
– eða þannig. Kannski var
þetta ekki góður árgangur í
boltanum. Landsliðsmennirnir
fara bráðum í frí enda dottnir
út af HM og ef það er eitt-
hvert vit í kollinum á þeim þá
flykkjast þeir til norð-austur
Spánar til að sleikja sárin.
Nánar tiltekið til Perelada í
Empordà-héraði, rétt sunnan
við landamæri Frakklands.
Þarna er vel geymt vínsvæði
sem vel borgar sig að veita at-
hygli. Margir kannast reyndar
við Cava freyðivínið þeirra
Perelada-manna sem er mjög
vinsælt hér á landi en færri
vita að þarna eru líka fram-
leidd mörg frábær rauðvín.
Finca er spænska orðið yfir
búgarð eða bóndabýli en Spán-
verjarnir nota það gjarnan yfir
vínsvæði eða vínekrur. Þannig
getur vín verið frá einni Fincu
og er þá einnar vínekru vín
og yfirleitt þá kennt bara
við nafnið á vínekrunni eða
blanda frá fleiri Fincum. Það
á einmitt við um vín vikunnar
sem er blandað úr fjórum
þrúgutegundum frá heilum
5 Fincum. Eitthvað hafa þeir
vandað sig blessaðir við þessa
blöndu því hún er glimrandi
góð. Fyllingin er áberandi
mjúk og mikil og vínið er
töluvert eikað eftir að hafa
legið í eikartunnum í tæp tvö
ár. Berjabragðið er þarna ein-
hvers staðar sem og töluverð
vanilla sem gera þetta prýðis-
vín. Það sem er samt best við
þetta vín er verðið. Miðað við
ofurskattlagningu ríkisins og
verð í nágrannalöndunum ætti
þetta vín að kosta langleiðina í
fjögur þúsundkall en er haldið
með sameiginlegu átaki inn-
flytjanda og framleiðanda
undir þremur þúsundum. Ís-
lendingar kaupa langmest af
ódýru víni og ef þeir ætla að
gera vel við sig er farið vel yfir
þrjú þúsundin og þá vill þessi
glimrandi milliflokkur, á milli
2.500 og 3.500, gleymast. Það
er gott að einhverjir þarna úti
eru að berjast fyrir því að við
getum keypt gæði á viðráðan-
legu verði. Við verðum að
verðlauna það.
Höskuldur Daði Magnússon
Teitur Jónasson
ritstjorn@frettatiminn.is
K
raftaverk
Hágæða heyrnatól sem hlotið hafa
margvíslegar viðurkenningar fyrir
hljómburð og hönnun.
Hægt að tengja saman þannig að 2
eða fleiri geti hlustað úr sama tækinu.
Fjarstýrð símsvörun og hljóðnemi
fyrir „hands free“ símtöl.
Hægt að fá í mörgum litum.
Skólavörðustíg 12 • sími 578 6090
www. minja.is • facebook: minja
TVÆR GERÐIR:
PLATTAN kr. 10.900
HUMLAN kr. 9.700
HÁGÆÐA HÖNNUN,
HLJÓMFYLLING & GÆÐI
Castillo Perelada 5 Fincas Reserva
Gerð: Rauðvín
Þrúga: Blanda af Garnatxa, Syrah,
Merlot og Cabernet Sauvignon.
Uppruni: Spánn, 2009
Styrkleiki: 14%
Verð í Vínbúðunum: kr. 2.940
Grill réttu handbröGðin
Nú grillum við T-beinið
Þ að er oft sagt að bragðið felist í fitunni. Það er alveg rétt. En öllu má ofgera. Það þarf ekki einn og hálfan sentimetra af
fitu utan á kjötinu.
Svoleiðis fita smýgur ekkert inn í kjötið, hún
ýrir bara eldinn og lætur steikina brenna. Nóg
er að fituröndin sé hálfur til einn sentimetri.
Það er fitan sem er inni í kjötinu sem skiptir
máli, það sem kallað er marbling á ensku en
gæti útlagst marmarafita á íslensku. Sú fita
bráðnar inn í kjötið og gerir allt djúsí. Þykktin
á kjötinu á líka að vera að minnsta kosti tveir
sentimetrar eigi að vera mögulegt að ná þessari
marmarafitu inn í kjötið áður en það ofþornar
í eldinum. Salt og pipar má líka alveg fara á
kjötið um fimm mínútum áður en það er grillað
á blússandi heitu gasgrilli. Þá ná grindurnar
að karmelisera þessar flottu rendur í kjötið.
Grindurnar verða líka að vera þykkar til þess að
ná þessu.
Lokið á líka að vera niðri eins mikið og hægt
er. Grilltíminn er auðvitað mismunandi eftir
grillum og þeim hita sem þau ná upp en fjórar
mínútur á fyrri hliðinni og tvær til fjórar á hinni
ætti að vera um það bil „medium“. Ef það á að
reyna við krossrendur er það bara gert á fyrri
hliðinni með því að snúa steikinni 90 gráður
eftir um 2 til 3 mínútur á fullu blasti. Ef það gýs
upp eldur þarf að koma steikinni í var í nokkrar
sekúndur og setja hana svo yfir eldinn aftur.
Það borgar sig því að vera alltaf með pláss á
grillinu þar sem ekki er beinn logi undir þótt
ekki sé verið að grilla við óbeinan hita. Þykkari
steikur má þó gjarnan grilla lengur við óbeinan
hita. Svo þarf að hvíla steikina í nokkrar mín-
útur áður en byrjað er að borða.
Aðferð:
Byrjið á því að búa til bearnaise-
smjörið. Hitið grillið vel. Nuddið ólífu-
olíu á kjöt-sneiðarnar og saltið örlítið.
Grillið kjötið í 2 mín. á hvorri hlið við
beinan háan hita. Lækkið hitann í
grillinu og steikið áfram í 3-4 mín. á
hvorri hlið en þá ætti kjötið að vera
orðið „medium-rare“. Steikið áfram
smástund ef þið viljið hafa það meira
steikt. Takið svo kjötið af grillinu og
látið það standa á heitum diski í 5-10
mín. til þess að jafna sig. Rétt áður en
kjötið er borið fram er gott að skella
því aftur á heitt grillið í 1-2 mín. Setjið
steikurnar á diska og leggið vænan
bita af kryddsmjöri ofan á hverja
þeirra. Tilvalið er að bera steikurnar
fram með kartöflubátum, fylltum
kúrbít og eða fylltum papriku.
Bernaise-smjör
Innihald
175 g smjör, mjúkt
2 msk estragonblöð, grófsöxuð
1 stk skalotlaukur, saxaður
1 tsk hvítvínsedik
-1 ögn af cayenne-pipar
-1 skvetta af sítrónusafa og svartur
pipar
Aðferð:
Best er að hafa smjörið í mýkri
kantinum þegar kryddi og jurtum er
blandað saman við það. Mótið litlar
rúllur og vefjið plastfilmu þétt utan
um þær. Kælið þær síðan. Krydd-
smjörið geymist í kæli í 2-3 vikur og
enn lengur í frysti.
Kartöflubátar
2 stórar bökunarkartöflur skornar
í báta
1 msk. olía
1 stk. sítróna skorin í 8 báta
6 stk. hvítlauksrif
2 msk. söxuð steinselja og svartar
ólífur (má sleppa)
½ krukka af Dalafeta að eigin vali
frá MS
Aðferð:
Veltið kartöflunum upp úr olíunni og
grillið við óbeinan hita í u.þ.b. 15 mín.
Bætið sítrónu, hvítlauk og steinselju
við og grillið í 10 mín. til viðbótar.
Dreifið ostinum yfir og berið strax
fram.
Uppskrift: Inga Elsa Bergþórsdóttir á
Gottimatinn.is.
Haraldur Jónasson
hari@frettatiminn.is
Sararík kúreka
T-bone-steik með
bernaise-smjöri
og grilluðum
kartöflubátum
Fyrir 4.
T-bone
steik
• ólífuolía
• salt og pipar
4 stk. 350-400 g
T-bone-steikur