Þjóðlíf - 01.01.1988, Blaðsíða 8

IN N LENT
-Ekki beint, því það er regla hjá okkur að
allir þeir peningar sem koma til okkar fara
beint í þær aðgerðir sem þeir safnast út á.
Og hvað ætlið þið að gera við seinna skipið
ykkar úr því að þið eigið tvö núna?
-Það verður við aðgerðir eingöngu í
Kyrrahafinu fyrst um sinn. Það heitir Divine
Wind sem er ensk þýðing á verndarvætti
Japans sem heitir Chamasakhi. Enda er
skipinu ætlað til að vemda lífið í sjónum
kringum Japan. Við vorum þar síðasta sumar
og náðum að vernda bæði selina og hvalina
ásamt fjölda sjávarfugla sem sífellt festast í
reknetum japanska fiskveiðiflotans. Japanir
hafa lofað að hætta reknetaveiðum og veiða
á öðruvísi veiðarfæri og skrifað undir ýmsa
alþjóðasamninga þaraðlútandi. En samt
halda þeir því áfram. Við erum einungis að
halda uppi lögum þar eins og annars staðar.
En nú hafið þið veríð gagnrýndir fyrir að
beita ofbeldi. Hver er ykkar skoðun á þeirrí
gagnrýni?
-Við beitum ekki ofbeldi. Það era íslend-
ingar og japanir og aðrar þjóðir sem gera það
með ólöglegu veiðum sínum. Okkar verk er
eingöngu að framfylgja lögunum sem eru til
verndar sjávarspendýrunum og fuglunum.
Við höfum aldrei beitt ofbeldi. Það er alltaf
ófrávíkjanleg regla hjá okkur að stofna
mannslífum ekki í hættu við aðgerðir okkar,
enda hefur aldrei neinn verið í hættu vegna
okkar.
En þurfið þið að sökkva skipum til þess?
-Þetta eru ólögleg hvalveiðiskip svo það er
á ábyrgð íslendinga og annarra ef þeir vilja
stunda ólöglegar veiðar. Það neyðir þá eng-
inn til að veiða. Á meðan ríki virða ekki lög
munum við berjast gegn þeim.
Óttuðust ekki lögsókn vegna Reykjavíkur-
málsins eða kröfu um framsal?
Nei, lögfræðingur samtakanna var búinn
að fara rækilega í saumanna á þeim málum
áður.Eini framsalssamningur sem er í gildi
milli Bandaríkjanna Kanada og íslands er
samningur sem Danakóngur gerði á sínum
tíma og hann náði ekki yfir slíka framsals-
kröfu. Ég hef ekki orðið var við að yfirvöld
neins staðar í veröldinni sem ég hef komið til
hafi höfðað mál gegn okkur í kjölfar Reykja-
víkurmálsins.
En óttast þú handtöku hér í Reykjavík
þegar þú kemur til landsins þann 20. janúar?
-Nei það geri ég ekki. Ef íslensk yfirvöld
létu sér detta það í hug þá eru þau óklókari
en ég hélt. Slíkt myndi vekja athygli víða um
heim og verða bæði hvölunum og samtökum
til mikils gagns. Þú segir okkur, það væri
reyndar það allra besta sem fyrir gæti komið.
Að lokum, ætiið þið að koma til íslands í
bráð?
-Það er alveg undir íslendingum komið.
Ef þeir halda áfram að drepa hvali þá mun-
um við örugglega gera eitthvað í því.
Kannski næsta sumar?
-Ég veit það ekki fyrir víst ennþá, en við
förum líklega til Færeyja í sumar vegna
grindhvaladrápsins þeirra. Við sjáum til.
Viðtalið tók íslcnskur hvalavinur fyrír Þjóð-
líf við Watson þar sem hann var staddur í
Bandaríkjunum að búa sig undir ferð til
íslands.
Keinst f>® °i*ra
þinna ierfa
0 veturno*
HJÓLBARÐAVERKSTÆÐIÐ
Ð) Gúmmikarlamir
Borgartúni 36 Sími 688220
8