Þjóðlíf - 01.01.1988, Blaðsíða 58

ERLENT
fólks frá þessum löndum í borgum Bretlands
og húsnæðisskortur.
En í hinu litaða samfélagi í Bretlandi eru
lögin álitin gróf svik við loforð sem gefin
voru með innflytjendalögunum 1971 en þau
gáfu fjölskyldum ótakmarkaðan rétt til þess
að flytjast til Bretlands. Abu Sayeed, for-
maður nefndar um kynþáttamál í borgarráð-
inu Tower Hamlets í London, sagði í viðtali
við ÞJÓÐLÍF að lögin „væru stórslys fyrir
Banglades-samfélagið í Bretlandi. Margir
eiginmenn eru búnir að bíða meira en tíu ár
eftir fjölskyldum sínum og eru nú loksins
tilbúnir til að fá þau til sín og þá mega þeir
það ekki lengur. Sumir geta ekki uppfyllt
þau skilyrði sem lögin setja þeim vegna þess
að þeir eru atvinnulausir og þeir geta ekki
sýnt fram á að þeir geti séð fyrir fjölskyldum
sínum.“
Lög sem sett voru snemma á þessu ári
krefjast þess að fólk frá löndunum fimm fái
vegabréfsáritun í breskum sendiráðum í
þessum löndum áður en það leggur af stað en
fyrr höfðu skapast vandræði vegna þess að
fólk þurfti að bíða, jafnvel svo dögum skipti á
breskum flugvöllum til að fá vegabréfsárit-
un.
Renton, innflytjendaráðherra innanríkis-
ráðuneytisins, sagði nýlega að þessi lönd
hefðu verið valin einungis vegna þess að far-
þegar frá þeim hefðu þurft að þola margvís-
leg óþægindi og hægfara afgreiðslu í bresk-
um höfnum og neitaði öllum ásökunum um
kynþáttamismunun. En talsmenn Verka-
mannaflokksins þurfa meira til að láta sann-
færast. Roy Hattersley, talsmaður flokksins í
innanríkismálum, lét eftirfarandi orð falla
fyrir skömmu: „Allan tímann sem Frú
Thatcher hefur verið við völd, hefur innflytj-
endalöggjöf stjómarinnar og öll löggjöf sem
tengist henni verið mismunandi eftir kyn-
þáttum og kynferði.“
LEITA HÆLIS í KIRKJUM OG HOFUM
Tölur sýna að í Bangladesh eru 8200
manns sem bíða eftir vegabréfsáritun en
aðeins 1360 manns hafa fengið að flytjast til
Bretlands á ári síðan 1979. Kvótinn mun
miðast við þessa tölu. Nýju lögin munu einn-
ig sundra fjölskyldum á þann hátt að böm
sem eru eldri en átján ára fá ekki að flytjast til
Bretlands með fjölskyldum sínum. Þó nokk-
ur dæmi em til þess að fólk leiti hælis í kirkj-
um og hofum en hingað til hefur fólk verið
Tátið í friði á sTíkum stöðum. Talið er aö þetta
muni aukast nú með hertum lögum og að
ólöglegir innflytjendur muni í auknum mæli
leita skjóls á heilögum stöðum í Bretlandi.
Innanríkisráðuneytið hefur lýst því yfir að
gerist þetta þá verði útlendingaeftirlitið að
láta til skarar skríða. Það hefur ekki gerst
ennþá.
• Bjami Brynjólfsson/ Bretlandi.
(myndir: Herdis A. Jónsdóttir)
Sikhi í NV-Lundúnum. Trúarbrögð þeirra krefjast þess að þeir hylji hár sitt með túrban.
Gífuriega stolt og duglegt fólk.
58
V*