Frjáls verslun - 01.09.2013, Síða 33

FRJÁLS VERSLUN 8-9. 2013 33
Vaxtarsvæðin A­Evrópa, SA­Asía og
S­Ameríka
„Actavis plc er auðvitað skráð á New
York Stock Exchange og miðað við gengi
bréfa þess eins og það var um um miðjan
október eða 144.05 er markaðsvirði þess
skráð rúmir 19 milljarðar dollara, eða um
2.400 milljarðar króna. Skuldir hafa lækkað
og eru í dag þrisvar sinnum EBITDA eða
framlegðin, sem telst tiltölulega lágt hlut ­
fall. Fyrirtækið er talið fjárfestingavænt
hjá öllum helstu matsfyrirtækjunum, það
stendur þegar á allt er litið fjárhagslega
mjög vel í dag og við höfum tækifæri til að
vaxa enn frekar.
Kaupin á Warner Chilcott fóru þannig
fram að hluthafar þess fengu greitt í hluta­
bréfum og fengu 0,16 Actavisbréf fyrir
hvert bréf í Warner Chilcott og þannig
getur félagið nú verið skráð á Írlandi.
Warner Chilcott þurfti þá að vera ákveðinn
hluti af heildarhlutafénu og því fóru engir
eigin legir peningar þarna á milli heldur
var eingöngu greitt með hlutabréfum. Við
erum með óhemjumarga eigendur og allir
þessi stóru fjárfestingasjóðir eru tiltölulega
stórir eigendur í okkur.
Actavis er á Fortune 500­ listanum og það eru margir sjóðir sem kaupa aðeins í fé lögum sem þar eru. Hluta ­
bréfa verðið í félaginu hefur vaxið óhemju ­
mikið á síðustu árum og hluthafar eru
ánægðir. Við höfum sagt við hluthafa og
ekkert legið á því að félagið hefur aldrei
greitt út arð. Við höfum ekki keypt eigin
hlutabréf á síðustu árum, en við höfum
sagt að við setjum fjárstreymið inn í
reksturinn aftur. Finnum við ekki álitlega
fjár festingakosti getur komið að því að við
greiðum út arð eða kaupum hlutabréf til
baka. En raunverulega hefur ávöxtunin
fyrir hluthafana verið miklu meiri með því
að fyrirtækið fjárfesti í lyfjum, öðrum fyrir­
tækjum eða tækni til að fyrirtækið vaxi enn
frekar.
En hvar sér þá Sigurður fyrir sér að
fyrirtækið geti helst vaxið á næstunni?
„Það eru aðallega þrjú svæði eða svið þar
sem við sjáum vaxtarfæri. Í fyrsta lagi tel ég
enn tækifæri fyrir frekari vöxt í A­Evrópu.
Þar eru markaðir eins og Rússland þar
sem við erum að vaxa og á fyrri helmingi
síðasta árs var vöxturinn þar yfir 20%.
Þarna eru markaðir sem við viljum fjár ­
festa enn frekar í, eins og í Úkraínu og
lönd unum þar í kring. Einnig sjáum við
fram á vöxt í Suðaustur­Asíu en þar erum
við t.d. stærsta lyfjafyrirtækið í Singapúr
og það eru markaðir þarna í kring eins
og í Malasíu, Víetnam og við erum þriðja
stærsta lyfjafyrirtækið í Hong Kong. Á
þessu svæði er markaðurinn sjálfur að vaxa
um 10­15% og því eru þarna tækifæri,“
segir Sigurður en Actavis hefur leitt bæði
Kína og Indland hjá sér vegna sérstakra
aðstæðna þar.
„Það sem er öðru vísi í SA­Asíu og einnig
A­Evrópu er að samheitalyfjafyrirtækin
eru þarna að koma fram með ný lyf, t.d.
krabbameinslyf, vegna þess að frumlyfin
voru einfaldlega of dýr. Í þessum löndum
verða sjúklingarnir sjálfir að borga lyfin
úr eigin vasa. Við bjóðum meira en helm ­
ingsafslátt á þessum lyfjum. Við erum
þannig á þessum mörkuðum ekki að taka
hann frá frumlyfjunum, heldur erum við
að búa til nýjan markað með því að hjálpa
sjúklingum, sem að öðrum kosti myndu
ekki hafa efni á þessari meðferð, að fá bestu
hugsanlegu krabbameinslyfin sem þeim
stæðu ella ekki til boða. Um leið eru þetta
tækifæri fyrir okkur.
Þetta er ólíkt því sem gerist í Þýskalandi
til dæmis því að þar værum við að skerða
markaðshlutdeild frumlyfjanna með því að
setja nýtt samheitalyf á markað. Á þessum
vaxtarsvæðum erum við á hinn bóginn
að stækka markaðinn og t.d. í Rússlandi
einu erum við með 470 sölumenn til að
selja þessi lyf. Þriðji markaðurinn sem
við erum að skoða er síðan S­Ameríka.
Þar er ört vaxandi markaður og við erum
að skoða í byrjun tvö lönd, Brasilíu og
Mexíkó. Fjórði flokkurinn þar sem við
get um séð fyrir okkur vaxtarmöguleika
er að koma með ný lyf í þessum einka ­
leyfisvernduðu lyfjaflokkum, einkan lega í
melt ingarsjúkdóma­ og húðsjúkdóma lyfj­
um.“
Er Actavis ekki þar með komið í sam ­
keppni við sjálft sig?
„Jú, að vissu leyti. En við erum að selja
þessi lyf áður en einkaleyfið rennur út.
Þegar einkaleyfið fellur, oft eftir tuttugu
ár þótt tímabilið geti verið misjafnlega
langt eftir lyfjum, höfum við tækifæri til að
taka þetta sem samheitalyf inn á alla okkar
markaði. Þarna erum við því að reyna að taka
eins mikið af virðiskeðjunni og hægt er.“
Um 25 ný lyf á hverjum markaði árlega
Er það mikill fjöldi lyfja sem einkaleyfis­
verndin fellur af á hverju ári?
„Að meðaltali komum við með 25 ný lyf
á hvern markað í hverju landi ár hvert. Í
Bandaríkjunum verða þetta á þessu ári um
35 lyf sem við komum með á markaðinn.
„Við horfum fram til
2020 og reiknum með
að samheitalyfin muni
drífa vöxtinn næstu tvö
til þrjú árin, þá taki
einkaleyfisvernduðu
lyfin við og að 2017­
2018 komi líf tækni lyf,
þessi samheita líftækni ­
lyf, en þar erum við að
vinna með Amgen, sem
er eigandi Íslenskrar
erfða greiningar í dag.“
Actavis
* Verðmæti Actavis er um 19
milljarðar dollara eða 2.400
milljarðar kr.
* Velta um 11 milljarðar dollara á
ári, eða um 1.320 milljarðar króna.
* Starfsemi í 62 löndum.
* Skráð í kauphöllinni á Wall Street.
* Höfuðstöðvar á Írlandi eftir kaupin
á Warner Chilcott.
* Starfsmenn 17 þúsund.
* Watson keypti Actavis Group í
apríl 2012 og til varð þriðja
stærsta samheitalyfjafyrirtæki í
heimi með mikla starfsemi
utan Bandaríkjanna og aukningu í
hagnaði og sjóðstreymi sem gerði
hraða niðurgreiðslu skulda
mögulega.
* 35 verksmiðjur út um allan heim.
* 44 milljarðar taflna framleiddir
á ári.
* Gífurleg áhersla lögð á öflug
gæðakerfi við framleiðslu.
* Tugir nýrra lyfja koma á markað á
hverju ári.
* Á Írlandi eru skattar á fyrirtæki
lágir eða um 12,5%.
* Meðalskattprósenta Actavis
lækkar úr um 28% fyrir sam­
run ann í um 17% eftir samrunann
með því að gerast írskt félag.
* Warner Chilcott er inni á einka­
leyfis vernduðum markaði.