Frjáls verslun - 01.09.2013, Qupperneq 36

36 FRJÁLS VERSLUN 8-9. 2013
framleiðsla á neinu öðru í verksmiðju sem
framleiðir kvenhormón. Þessu höfum við
orðið að laga okkur að og erum með afar
góða markaðshlutdeild í þessum lyfjum í
Bandaríkjunum, líklega milli 30 og 40% af
markaðinum. Við framleiðum líka verkjalyf
fyrir Bandaríkjamarkað. Ef við förum yfir
til Búlgaríu þá erum við þar mjög sterk í
hjartalyfjum, sem við höfum lagt mikla
áherslu á þar um slóðir, og sömuleiðis í
geð­ og þunglyndislyfjum. Actavis sérhæfir
sig þannig fyrir hvern og einn markað. Það
er langt í frá að við séum góð í öllu á öllum
mörkuðum, enda ekki markmiðið, en við
viljum vera best í því sem við sinnum.“
Lykillinn að treysta fólkinu sínu

En hvernig í ósköpunum fer Sigurður Óli
að því að stjórna og hafa yfirsýn yfir
markaðs­ og sölumál í 62 löndum?
„Þetta bjargast af því að ég er svo hepp ­
inn að vera með afskaplega gott fólk í
kringum mig. Hluti af starfsmönnum
mínum er Íslendingar þó að fyrirtækið sé
orðið alþjóðlegt. En þetta væri auð vitað
ekki hægt nema ráða yfir bestu starfs ­
mönnum í heimi. Fólkið innan Actavis er
sterkt faglega og hefur gert ótrúlega hluti.
Og segir sig sjálft að ég geri ekkert einn
á þessum mörkuðum. En ég hef fengið
tækifæri til að vaxa með fyrirtækinu,
við höfum notið stuðnings hluthafanna
sem hafa verið ánægðir með söguna sem
verið er að segja og gefið okkur frekari
tækifæri til að vaxa. Þetta gerir það líka
að verkum að maður er vakinn og sofinn
yfir verkefninu en í lok dagsins eru það
starfsfólkið sem á heiðurinn. Hvað veit ég
annars um þessa heima markaði einstakra
landa – ég hef ekki hundsvit á því hvernig
selja á lyf t.d. í Serbíu en ég veit að ég er
með besta sölumanninn í Serbíu í vinnu
hjá mér. Á því byggist þetta; að ráða besta
fólkið og treysta því, gefa því tækifæri
til að vaxa í starfi og gera hlutina rétt.
Ég fylgist vel með, er mikið á ferðinni en
gef fólkinu mínu svigrúm. Í dag heyra
beint undir mig um níu þúsund manns
af alls 17 þúsund starfsmönnum Actavis.
Margt af því fólki vinnur auðvitað í
verksmiðjunum, en ég er með söluteymið
á mínum snærum, alls 3.500 sölumenn út
um allan heim auk annars starfsfólks. En
samt – hvað fær mann til að vera að þessu
og stöðugt á ferðinni og svarið er einfalt:
Þetta er bara rosalega gaman. Ella væri
maður ekki að þessu. Maður er staddur
þarna á sviði þar sem samþættast vísindi,
viðskipti og gæðamál. Þessi iðnaður verður
að treysta á gæðakerfin. Helstu ástæður
þess að lyfjafyrirtæki falla í dag er vegna
gæðavandamála en þar hafa líka verið
okkar tækifæri í Actavis. Við erum með
sama gæðakerfi í verksmiðjum okkar í
Singapúr og á Indlandi og við erum með í
verksmiðjunni okkar í New Jersey.
Í þessu starfi verður maður líka að læra á
mismunandi menningu eða starfshætti eftir
löndum og jafnvel landsvæðum. Í New
Jersey skipta til að mynda skrifstofurnar
miklu máli og þar er eftirsóknarverðast að
vera með hornskrifstofu. Á Íslandi skiptir
þetta ekki öllu máli, hér eru það frekar
launin, í öðrum löndum eru það kannski
titlarnir. Fólk er jafnvel tilbúið að taka
ekki launahækkun ef það í staðinn fær
góðan titil, því að þar er það upphefð og
stöðutákn að vera með stóran titil.
Þótt kúltúrinn geti sannarlega verið mis ­
munandi eftir svæðum hefur starfs fólkið
eitt og sama markmiðið. Það vill að Actavis
vaxi, ber velferð fyrirtækisins fyrir brjósti
– á mismunandi hátt auðvitað því hjá fyrir ­
tækinu starfar gríðarlega fjölbreyttur og
fjölþjóðlegur hópur.
En gleymum því ekki að allt byrjaði þetta í hér í Hafnarfirði með örfáa starfsmenn að framleiða lyf fyrir íslenskan markað. Í dag er um ­
fangið 62 lönd, 17 þúsund starfsmenn og
skráning á hlutabréfamarkaði í New York.
Umbreytingin er ótrúleg. Að einhverju leyti
er þetta heppni en ekki síður að við höfum
fjárfest í rétta fólkinu, bæði hér á Íslandi og
út um allan heim,“ segir Sigurður Óli.
Á ferð og flugi
Það getur verið býsna snúið að stýra
lykil sviði stórs alþjóðlegs fyrirtækis með
starfsemi í 62 löndum. „Með starfsemi í
svona mörgum löndum eyði ég auðvitað
miklum tíma í flugvélum. Mér telst til að
ég fljúgi að meðaltali 200 daga á ári. En
þessi lyfjabransi hefur verið allt mitt líf
frá því ég byrjaði í omega Farma árið
1994 og þú þarft að sinna þessu starfi af
alúð en þá er lika rosalega gaman,“ segir
Sigurður Óli Ólafsson.
Sigurður Óli fæddist í Reykjavík árið
1968, sonur Erlu Einarsdóttur og Ólafs
Sigurðssonar og alinn upp í laugar ­
ásnum. Hann varð stúdent frá Mennta ­
skólanum við Sund 1988 og útskrifaðist
lyfjafræðingur frá Háskóla Íslands 1993.
Hann hóf störf hjá omega Farma og
starfaði þar í fjögur ár eða til 1998 að
hann fluttist með fjölskyldu sinni til
Canterbury í Englandi þar sem hann
hóf störf hjá lyfarisanum Pfizer. Tveimur
árum síðar fluttist fjölskyldan til East
lyme í Connecticut í Bandaríkjunum
þar sem Sigurður Óli starfaði í þróunar ­
höfuðstöðvum Pfizer.
Árið 2003 var hann fenginn til að setja
á laggirnar fyrir Actavis fyrstu skrif ­
stofu fyrirtækisins í Bandaríkjunum,
nánar tiltekið í Hartford í Connecticut.
Árið 2006 varð hann aðstoðarforstjóri
Actavis og fluttist heim aftur eftir átta
ára fjarveru. Hann varð síðan forstjóri
Actavis 2008­2010 en réðst þá til Watson
Pharmaceuticals og þegar Watson keypti
Actavis nokkrum misserum seinna varð
Sigurður Óli yfirmaður samheitalyfjasviðs
hins sameinaða fyrirtækis undir nafni
Actavis.
„Þetta ferðalag á okkur hefur auðvitað
haft áhrif á fjölskylduna,“ segir Sigurður
en eiginkona hans er Björg Harðardóttir.
„Þegar við komum hingað aftur heim fór
sonur okkar beint í Versló, þar sem hann
eignaðist vini og félaga. Það reyndist
honum miklu auðveldara að aðlagast en
dóttur okkar, sem er fjórum árum yngri,
en hún aðlagaðist aldrei almennilega
Íslandi. Þegar við svo fluttum aftur til
Bandaríkjanna kom hún með okkur og
unir sér nú vel. Sonur okkar er aftur á
móti hér, í Háskólanum í Reykjavík.
Þetta flakk á mér hefur óhjákvæmilega
orðið til að sundra aðeins fjölskyldunni.
En um leið er ákaflega lærdómsríkt fyrir
alla að búa og vinna erlendis og
þann ig hefur þetta bæði kosti og galla.
Ég held samt að kostirnir séu langt um­
fram gallana. Við eigum hús á Íslandi,
komum hingað reglulega og eigum stór ­
fjölskylduna og vini hér á Íslandi. Í Banda ­
ríkjunum erum við búin að koma okkur
fyrir í New Jersey, höfum byggt okkur þar
heimili og kunnum ákaflega vel við okkur
þar.“
„Helstu ástæður þess að
lyfjafyrirtæki falla í dag
er vegna gæðavandamála.
En í gæðamálum hafa
tækifæri okkar í Actavis
legið. Við erum t.d.
með sama gæða kerfi í
verk smiðjum okkar í
Singapúr og á Indlandi
og í verksmiðjunni okkar
í New Jersey.“
er útgefandi American Express® samkvæmt leyfi frá American Express American Express er skrásett vörumerki American Express.
Veldu kortið sem færir
þér mestan ávinning
i i
i i
Premium Icelandair American Express® kortið veitir fyrirtækjum og starfsfólki
einstakan ávinning þegar kemur að ferðalögum erlendis. Vildarpunktar fyrir
alla verslun, öflugar tryggingar, forgangur eða fríðindi á flugvöllum og aðild
að Icelandair Golfers eru meðal fjölmargra kosta þess.
Punktar fyrir alla verslun
Þú safnar Vildarpunktum Icelandair alltaf þegar þú verslar með kortinu, bæði innanlands og utan.
Fleiri Vildarpunktar
Fyrir hverjar 1000 kr. safnast 12 punktar en 20 punktar þegar verslað er við Icelandair.
Þægindi á ferðalögum
Aðild að Icelandair Golfers
Flýtiinritun í Leifsstöð
Frítt bílastæði á vöktuðum langtímastæðum við Leifsstöð í þrjá sólarhringa
Umframfarangur með Icelandair
Víðtækar ferðatryggingar
Aðgangur að Saga Lounge í Leifsstöð
Aðgangur að Priority Pass biðstofum um allan heim gegn vægu gjaldi
Kynntu þér kostina á www.kreditkort.is