Frjáls verslun - 01.09.2013, Blaðsíða 103

FRJÁLS VERSLUN 8-9. 2013 103
Hvað ertu ánægðust með í ís ­
lensku atvinnulífi um þessar
mundir?
Það er nú fátt sem hægt er að
vera ánægður með, þjóðin er
í bið eftir að stjórnvöld klári
það sem var lofað fyrir síðustu
kosningar. Ef nefna á eitthvað
ánægulegt er hægt að benda
á mikinn straum erlendra
ferðamanna til landsins, vel
hefur tekist að markaðssetja
landið líka utan hefðbundins
ferðamannatíma.
2. Ríkisútgjöld í fjárlagafrum­
varpinu fyrir árið 2014 eru
áætluð þau sömu og á þessu
ári. Ertu sátt við þá niður­
stöðu?
Nei, ég held að það hefði
verið hægt að taka meira til
í ríkisrekstrinum, það virðist
þó vera stefnt að því, miðað
við hugmyndir hag ræð ingar­
hópsins.
3. Núna eru fimm ár liðin frá
hruninu. Hvaða væntingar
hefur þú til næstu tveggja ára?
Væntingar næstu tveggja ára
eru um óbreytt ástand nema
eitthvað leysist úr flækjum
í lán amálum og gjaldeyris­
höftum. Við erum byrjuð að
laga viðmót á erlendum mörk ­
uðum og þeirri vinnu þarf að
halda áfram.
4. Áttu von á auknum fjárfest ­
ingum í íslensku atvinnulífi á
næstunni?
Nei, ekki miklum, þar sem
leysa þarf úr mörgum mál ­
um og draga úr óvissunni.
Fyrir tæki munu samt þurfa að
fjárfesta eitthvað þar sem mikið
af búnaði og bílum er orðið
mjög gamalt og kostnaðarsamt
í rekstri.
5. Hver verða forgangsverkefni
þíns fyrirtækis á næstu sex
mánuðum?
Það er að halda í horfinu,
fygjast vel með væntingum á
markaði og sjá hvort stjórnvöld
muni eitthvað breyta tolla­ og
lagaumhverfi í bílgreininni.
6. Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Ég held því miður að skulda ­
vandinn sé enn stórt verkefni
flestra þar sem ekki hefur
gengið að byrja að borga inn á
hann eins og ég held að flestir
hafi gert ráð fyrir. Mikilvægt er
líka að viðhalda áfram miklu
kostnaðaraðhaldi á meðan
salan glæðist ekki.
7. Ertu með eitt gott ráð handa
stjórnvöldum?
Efna loforðin til þess að
þjóðar skútan komist aftur í
gang en hún var aðeins byrjuð
að sigla áður en allt varð aftur
stopp vegna loforða um skulda ­
niðurfærslu hjá mörgum.
ERna gíSladóTTiR, foRSTJóRi B&l
Skuldavandinn enn stór
Erna Gísladóttir.
„Það er nú fátt sem
hægt er að vera
ánægður með, þjóðin
er í bið eftir að
stjórnvöld klári það
sem var lofað fyrir
síðustu kosningar. “