Frjáls verslun - 01.09.2013, Síða 117

FRJÁLS VERSLUN 8-9. 2013 117
„Í hruninu, haustið
2008, taldi ég að það
tæki fimm til sjö ár
að komast aftur á
rétt spor en það er í
samræmi við reynslu
mína af hagsveiflum
í heiminum.“
Bjarni Bjarnason.
1. Hvað ertu ánægðastur með í
íslensku atvinnulífi um þessar
mundir?
Ætli það sé ekki best að svara
bara fyrir sjálfan sig í þessum
efnum og lýsa ánægju með
hversu vel það gengur hjá eig­
endum, stjórn og starfsfólki
Orkuveitu Reykjavíkur að
koma fyrirtækinu á réttan kjöl.
2. Ríkisútgjöld í fjárlagafrum­
varpinu fyrir árið 2014 eru
áætluð þau sömu og á þessu
ári. Ertu sáttur við þá niður­
stöðu?
Það er mikilvægt í ríkisrekstri
eins og öðrum rekstri að út­
gjöldin séu lægri en tekjur.
Að þeirri forsendu gefinni,
þá þurfa útgjöld til einstakra
þátta ríkisrekstursins að vera í
samræmi við þær kröfur sem
til þeirra eru gerðar; hvorki of
né van.
3. Núna eru fimm ár liðin frá
hruninu. Hvaða væntingar
hef ur þú til næstu tveggja ára?
Í hruninu, haustið 2008, taldi
ég að það tæki fimm til sjö ár að
komast aftur á rétt spor en það
er í samræmi við reynslu mína
af hagsveiflum í heiminum.
Sú skoðun mín er óbreytt. Við
gleymum því gjarnan á Íslandi
að við erum hluti af stærra
hagkerfi og bati okkar hangir
saman við bata í heiminum.
4. Áttu von á auknum fjárfest ­
ingum í íslensku atvinnu lífi á
næstunni?
Í samræmi við sem sagt er hér
að ofan um samhengi íslensks
efnahagslífs og þess sem er að
gerast í kringum okk ur getum
við ekki búist við erlendum
fjárfestingum hér að nokkru
marki fyrr en markaðir heims ­
ins kalla eftir vörunni.
5. Hver verða forgangsverkefni
þíns fyrirtækis á næstu sex
mánuðum?
Hér eftir sem hingað til er
höfuðskylda Orkuveitunnar að
veita almenningi góða þjónustu
við lágu verði. Framundan
eru breytingar á Orkuveitunni
vegna lagakröfu um aðskilnað
samkeppnis­ og sérleyfisþátta.
Viðfangsefnið er því helst að
ljúka breytingunum og standa
vörð um rekstur og þjónustu.
6. Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Skuldavandi Orkuveitunnar
er ennþá ærinn og það eru
enn nokkur ár í að við siglum
lygnan sjó.
7. Ertu með eitt gott ráð handa
stjórnvöldum?
Nei.
BJaRni BJaRnaSon, foRSTóRi oRKuVEiTu REyKJaVíKuR
Fyrirtækið á réttan kjöl