Frjáls verslun - 01.09.2013, Page 120

120 FRJÁLS VERSLUN 8-9. 2013
SigSTEinn P. gRéTaRSSon, aðSToðaRfoRSTJóRi MaRElS
Ytri skilyrði góð
1. Hvað ertu ánægðastur með í
íslensku atvinnulífi um þessar
mundir?
Ég er ánægður með hvað ís­
lensk fyrirtæki hafa sýnt mikla
þrautseigju í öllu því sem hefur
gengið á undanfarin ár. Þrátt
fyrir ótrúlega erfiðleika hafa
ný fyrirtæki sprottið fram og
önnur haldið velli í erfiðum
aðstæðum. Þetta sýnir ótrúlega
þrautseigju og seiglu og um leið
er þetta til vitnis um þann kraft
sem er undirliggjandi í íslensku
viðskiptalífi.
2. Ríkisútgjöld í
fjárlagafrumvarpinu fyrir árið
2014 eru áætluð þau sömu og
á þessu ári. Ertu sáttur við þá
niðurstöðu?
Það er margt gott í fjárlaga ­
frumvarpinu. Það er ekki auð ­
velt að klára fjárlög eins og
staðan er í dag. Ég er hins vegar
ekki sáttur við að framlög til
rannsókna og þróunar verði
skorin niður.
3. Núna eru fimm ár liðin frá
hruninu. Hvaða væntingar
hefur þú til næstu tveggja ára?
Ég vona að það takist að af­
nema gjaldeyrishöftin, sem er
eitt brýnasta málið á dagskrá
stjórnvalda í dag. Þá þarf einnig
að gæta þess að sýna hógværð í
gerð kjarasamninga til að halda
verðbólgunni í skefjum.
4. Áttu von á auknum
fjárfestingum í íslensku
atvinnulífi á næstunni?
Já, sérstaklega í atvinnugrein­
um sem búa við góðar ytri að­
stæður um þessar mundir eins
og t.d. ferðaþjónustan sem hefur
verið mikill vaxtarbroddur í
atvinnulífinu að undanförnu. Þá
eru ytri skilyrði sjávarútvegsins
einnig góð og þar hefur verið að
byggjast upp fjárfestingarþörf
undanfarið vegna þeirrar óvissu
sem hefur ríkt í greininni en er
nú tekið að létta.
5. Hver verða forgangsverkefni
þíns fyrirtækis á næstu sex
mán uðum?
Það verður fyrst og fremst að
ná okkar langtímamarkmiðum,
en síðustu sex ársfjórðunga
höfum við ekki náð þeirri
10­12% EBIT­framlegð sem
við stefnum að. Þá erum við
líka að opna núna í nóvember
nýtt sýningarhús í Danmörku
sem heitir Progress Point og
þar verðum við t.d. með stóra
sýningu í laxaiðnaði á nýju ári
auk fjölda annarra sýninga og
viðburða.
6. Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Þetta með skuldavandann
á ekki við um Marel. Helstu
verk efni okkar eru að ná okkar
lang tímarekstrarmarkmiðum en
því miður sjáum við fram á að
tekjur ársins 2013 muni dragast
saman um 6­8% frá fyrra ári.
Langtímamarkmið okkar gera
ráð fyrir að tekjur Marels muni
nema 1 ma. evra árið 2017 og
verkefnið núna er því að tryggja
að það markmið náist.
7. Ertu með eitt gott ráð handa
stjórnvöldum?
Stjórnvöld þurfa að róa að
því öllum árum að verðbólgu
sé haldið í lágmarki. Það er
svo margt sem hvílir á þessari
grundvallarforsendu. Þar er
t.d. uppspretta skuldavandans
sem enn er verið að glíma við
í dag. Það hefur lítið upp á sig
að leysa þann vanda án þess
að vera búin að koma böndum
á verðbólguna svo að það sigli
ekki allt í sama far og áður.
Sigsteinn P. Grétarsson.
„Ég er ánægður
með hvað ís lensk
fyrirtæki hafa sýnt
mikla þrautseigju í
öllu því sem hefur
gengið á undanfarin
ár. Þrátt fyrir ótrú­
lega erfiðleika hafa
ný fyrirtæki sprottið
fram og önnur hald­
ið velli í erfiðum
aðstæðum.“