Víkurfréttir - 29.04.2010, Blaðsíða 18

AUGLÝSINGASÍMINN ER 421 0000VÍKURFRÉTTIR I 17. TÖLUBLAÐ I 31. ÁRGANGUR18
Heilbrigðisstofnun Suðurnesja
Aðalsafnaðarfundur
Ytri-Njarðvíkursafnaðar að lokinni
guðsþjónustu 2. maí kl. 11:00
Dagskrá:
Venjuleg aðalfundarstörf.
Nánar á  kirkjan.is/njardvik
Ytri-Njarðvíkurkirkja
Dalshrauni 16 • Hafnarfirði
www.dekkjasalan.is
587 3757
UMBOÐSSALA FYRIR NOTUÐ DEKK Ýmislegt hefur verið ritað um Heilbrigðisstofnun
Suðurnesja undanfarna daga.
Sumt rétt en annað ekki. Við
viljum koma eftirfarandi á
framfæri.
Öryggi er tryggt
Öryggi Suðurnesjabúa verður
ekki ógnað með lokun skurð-
stofu. Allt tal um
slíkt er í besta
falli byggt á van-
þekkingu. Skurð-
stofan hefur ekki
sinnt neinu hlut-
verki undanfar-
in ár varðandi
m e ð h ö n d l u n
sjúklinga sem
þarfnast bráðrar
skurðaðgerðar
vegna slysa eða
alvarlegra veik-
inda. Slík tilfelli
hafa verið send
á Landspítala og svo verð-
ur áfram. Skurðstofan hefur
hins vegar verið öryggisvent-
ill fyrir fæðingardeild. Vegna
vaktþjónustu á skurðstofunni
hefur verið unnt að bjóða upp
á alla almenna fæðingaþjón-
ustu á HSS. Með breyttu fyr-
irkomulagi verður áhættufæð-
ingum framvegis vísað á Land-
spítala en aðrar fæðingar geta
eftir sem áður orðið hér. Farið
verður eftir skilmerkjum land-
læknis varðandi val fæðinga-
staðar og fyllsta öryggis gætt
í hvívetna.
Áhrif kreppu
Hitt er svo aftur annað mál
að lokun skurðstofu mun
þýða þjónustuskerðingu fyrir
Suðurnesjabúa. Það er engin
ástæða til að draga fjöður yfir
það. Þeir fjölmörgu aðilar sem
hafa notið framúrskarandi
þjónustu starfsfólks skurðstofu
verða að leita annað. Ennfrem-
ur er ljóst að mannauður glat-
ast og þekking og hæfni sem
hefur byggst upp yfir áraraðir
fer forgörðum. Þetta ber að
harma. Leitast hefur verið við
af fremsta megni að afstýra því
að svona færi en það hefur því
miður ekki tekist. Langri bar-
áttu er lokið með niðurstöðu
sem er öðruvísi en við hefð-
um kosið. Staðreyndir verða
samt ekki umflúnar, rekstur
getur ekki haldið áfram með
óbreyttum fjárframlögum. Það
tjóar ekki að velta sér uppúr
því heldur verður nú að horfa
fram á veginn.
Forgangsröðun þjónustu
Þegar ákveðið er hvaða þjón-
ustu á að veita á stofnuninni,
er til margs að líta. Nauðsyn-
legt er að hlíta fjárlögum og
fara ekki fram úr þeim fjár-
Forgangsröðun í heilbrigðisþjónustu
– öryggi í fyrirrúmi
framlögum sem stofnuninni
er úthlutað. Ennfremur verður
að taka á þeim rekstrarvanda
sem hefur safnast upp undan-
farin ár. Hallann verður að
greiða niður, slæm staða rík-
issjóðs leyfir ekki nein frávik.
HSS er ekki eina stofnunin
sem er í þessari stöðu, líkt er
farið um margar ríkisstofn-
anir um þessar mundir. For-
gangsröðun heilbrigðisþjón-
ustu samkvæmt lögum er skýr.
Við niðurskurð á þjónustu
höfum við fylgt þeim leið-
arvísi. Efla ber heilsugæsl-
una samhliða því sem vernda
verður grunnþjónustu. Það
virðist stundum gleymast í
umræðunni að starfsemi HSS
snýst ekki bara um rekstur
skurðstofa. Stofnunin rekur
heilsugæsluþjónustu sem er sú
umfangsmesta á landinu utan
höfuðborgarsvæðisins, bráða-
og slysaþjónustu, gríðarlega
umfangsmikla heimahjúkrun,
almenna legudeild, öldrunar-
og endurhæfingardeild, sál-
félagslega þjónustu og svona
má lengi telja. Leitast verður
við að verja þjónustu við aldr-
aða og langveika sem og aðra
sem minna mega sín. Ekki
hefur alltaf farið hátt um alla
þá þjónustu en fullyrða má að
hún má síst vera minni.
Gætum stillingar
í orðavali (eða höldum
okkur við málefnin)
Hér hefur því miður staðið
styrr um heilsugæslu í áraraðir
og því miður hefur upp á síð-
kastið borið á rætnum athuga-
semdum í garð heilsugæslu-
lækna. Heilsugæslulæknar
eru allt of fáir og tímafram-
boð hefur ekki verið nægilegt.
Þetta stafar ekki af tregðu til
að ráða fleiri lækna, slíkt væri
fáheyrt. Ástæðan er almenn-
ur læknaskortur, sérstaklega
meðal hei lsugæslulækna
og á landsbyggðinni. Rétt er
að taka fram að greiðslur til
heilsugæslulækna fara alger-
lega eftir kjarasamningum
lækna og eru ekki á nokkurn
hátt öðruvísi við þessa stofnun
en gerist annars staðar. Mikil
vaktabyrði lækna leiðir hins
vegar óhjákvæmilega til hærri
heildarlauna við þessar að-
stæður sem eru tímabundið
ástand. Það er vandséð hvaða
tilgangur felst í skítkasti á þá
lækna sem hér vilja starfa.
Þeir læknar sem hér starfa sem
og annað starfsfólk sem starfar
við stofnunina og hefur mátt
þola launalækkanir og aukna
streitu og álag í vinnuumhverfi
á slíkt ekki skilið. Starfsfólk við
stofnunina er of fáliðað. Úr því
er brýnt að bæta. Sem bet-
ur fer eru teikn á lofti um það
að fleiri læknar og hjúkrunar-
fræðingar komi til starfa þegar
líður á sumarið.
Framtíðarmöguleikar
Að lokum varðandi rekstur
einkaaðila á skurðstofum HSS.
Það hefur ávallt legið fyrir, frá
upphafi umræðna um slíkt
fyrir á að giska tveimur árum,
að framkvæmdastjórn HSS
er því hlynnt að skurðstofur
stofnunarinnar séu nýttar fyr-
ir slíka starfsemi. En formlegt
leyfi hefur ekki fengist. Þetta á
sérstaklega við nú þegar rekst-
urinn er jafn erfiður og raun
ber vitni. Ef einkaaðilar eru
þess megnugir að reka slíka
starfsemi og vilja nýta til þess
húsnæði og tækjakost stofn-
unarinnar að ekki sé talað um
starfsfólk og aðra aðstöðu, ber
að taka því fagnandi.
Að lokum
Heilbrigðisstofnun Suðurnesja
er stofnun allra íbúa svæðisins.
Stjórnun hennar er ekki einka-
mál framkvæmdastjórnar og
heilbrigðisyfirvalda. Nauðsyn-
legt er að haga rekstrinum eftir
megni í samræmi við þarfir og
vilja íbúanna. Gagnrýni er vel
þegin og nauðsynlegt aðhald.
Það er hins vegar mikilvægt
að sú gagnrýni sé uppbyggileg
og lausnamiðuð. Nafnlaust
skítkast gerir engum gott og
leiðir ekkert af sér annað en
leiðindi. Við skulum stefna
að uppbyggilegri umræðu um
framtíð stofnunarinnar og
reyna að ná sátt um rekstur
hennar.
Sigurður Þór Sigurðsson,
framkvæmdastjóri lækninga
Þórunn Benediktsdóttir,
framkvæmdastjóri hjúkrunar
Heilbrigðisstofun
Suðurnesja
Kosningaauglýsingar?
- auglýsingadeild Víkurfrétta er í síma 421 0001 / gunnar@vf.is