Bæjarins besta - 18.12.2008, Side 43

FIMMTUDAGUR 18. DESEMBER 2008 43
Sælkerar vikunnar eru Margrét J. Birkisdóttir
og Gunnar Sigurðsson á Ísafirði
Gúllas súpa og
kókosbomba
Sælkerar vikunnar bjóða
upp á ljúffenga gúllas súpu
sem ætti að hressa og kæta mat-
háka í skammdeginu. Sælker-
arnir benda á að gott sé að
hafa snittubrauð með súpunni.
Einnig láta þau fljóta með
uppskrift að ómótstæðilegri
kókosbollubomba sem er
mjög vinsæll eftirréttur. Og
af því að það eru nú að koma
jól gefa þau lesendum Bæjar-
ins besta einnig einfalda upp-
skrift að jólanammi.
Gúllas súpa
500 g gúllas
5 msk olía
2 laukar
3 hvítlauksrif
8 kartöflur
4 gulrætur
1 tsk steinselja
1 tsk timian
6 súputeningar
½ tsk pipar
2 tsk salt
5 msk tómatþykkni
1 ½ ltr vatn
Kjötið steikt í potti í olíunni.
Allt grænmeti saxað. Allt sett
út í pottinn og látið malla við
vægan hita í rúma klst.
Kókosbollubomba
½ ltr vanilluís
1 stór poki Nóakropp
4 kramdar kókosbollur
1 askja jarðaber
1 peli rjómi
Súkkulaðispænir
Ísinn er settur í form, Nóa-
kroppi stráð yfir, þá kókos-
bollurnar og niðurskorin jarða-
ber.
Rjóminn þeyttur og settur
ofaná og skreytt með súkku-
laðispænum eða bræddu súkku-
-laði.
Þetta er fryst og tekið út 2-
3 klst fyrir notkun.
Auðvelt jólanammi
250 g núgat og 126 g súkku-
laði er brætt í skál yfir vatns-
baði. Hellt í álform eða sæl-
gætismót og látið kólna.
Við skorum á Edward Hob-
lyn og Sigríði Ólafsdóttur á
Ísafirði að verða næstu sæl-
kerar.
Lítið vatn í Bolungarvíkurgöngum
„Þetta er mjög svipað og verið hefur undanfarið. Við höfum ekki lent í neinum vandræðum með
vatn við jarðgangagröftinn. Það er nánast hægt að segja að göngin séu þurr Bolungarvíkurmegin
en Hnífsdalsmegin er smá vatn en ekkert meira en búist var við,“ segir Rúnar Ágúst Jónsson,
staðarstjóri Ósafls sem grefur Bolungarvíkurgöng, aðspurður hvort vatn hafi truflað gangagröft-
inn. Hann segir ekki reiknað með að mikið vatn komi í göngin nema tímabundið vatnsstreymi.
„Þá gætu komið svokallaðir vatnspokar en við teljum að þeir eigi að þurrkast upp,“ segir Rúnar.
Jarðfræðin í göngunum er svipuð og reiknað var með í áætlun þeirra að sögn Rúnars.
Áramótabrennur verða kveikt-
ar víða um Vestfirði á gaml-
árskvöld en flestum finnst það
vera ómissandi partur af því
að kveðja árið sem nú er að
líða og fagna hinu nýja. Sótt
hefur verið um leyfi fyrir átta
brennum á Vestfjörðum. Á
Ísafjarðar verður kveikt í
brennu á Hauganesi kl. 20:
30. Í Bolungarvík verður að
venju samkvæmt kveikt í
brennu við gamla flugvöllinn
við Þuríðarbraut kl. 20.30.
Björgunarsveitin Sæbjörg
stendur fyrir brennu við snjó-
flóðavarnargarðinn á Flateyri
kl. 20.30.
Brenna verður í Nausta-
tungu á Tálknafirði kl. 20.30
og brennur fara fram á við
Geirseyrarmúla Patreksfirði
og við Völuvöll á Bíldudal kl.
21. Björgunarsveitin Dagrenn-
ing verður með brennu austan
við fjárrétt á Víðidalsárgrund-
um á Hólmavík kl. 18 á sama
tíma og brennan á Mýrarholti
Drangsnesi verður kveikt.
Þann 6. janúar verður þrett-
ándabrenna í Hreggnasagryfju
í Bolungarvík þar sem jólin
verða kvödd á viðeigandi hátt
með öllu sem því tilheyrir.
Átta áramótabrennur
„Senn ganga í garð þrítug-
ustu jól ofanritaðs. Tíminn
flýgur. Það er eins og gerst
hafi í gær, þegar ég fékk bæði
Playmo-sjóræningjaskipið og
Playmo-kastalann í jólagjöf
frá mömmu og pabba þegar
ég var átta ára. Alveg eins og
ég hafði óskað mér! Það var
ótrúleg vellíðunartilfinning.
Sá er þetta ritar tapaði þó barn-
inu í sjálfum sér fyrir löngu
og hefur því miður ekki sömu
tilhlökkun til jólanna líkt og í
uppvextinum í Villta Vestr-
inu, nánar tiltekið í Bolungar-
vík á níunda áratugnum.
Til dæmis fékk greinarhöf-
undur ekki sömu vellíðunar-
tilfinningu á jólunum í fyrra
og þegar hann var átta ára, en
í fyrra gáfu foreldrar mínir
mér ruslafötu í jólagjöf. Já,
ruslafötu. Að vísu er ruslafat-
an úr burstuðu áli og er víst
einhverskonar „design“ sem
skiptir auðvitað sköpum þegar
kemur að ruslafötum. Er hún
ekki ósvipuð í laginu og R2
D2 vélmennið úr Stjörnu-
stríðsmyndunum. Ég passaði
mig á að vera ekki vanþakk-
látur, en ég vissi hreint ekki
hvað gera skyldi við þessa
plássfreku ruslafötu, annað en
að fylla hana af umbúðunum
sem hún var pökkuð inn í,
enda bjó ég þá í íbúð sem er
álíka stór og fyrstu farsímarnir
í gamla daga. Verð ég að við-
urkenna, að mér fannst nota-
gildið heldur rýrt, enda átti ég
alveg ágætis ruslafötu fyrir,
sem komst með góðu móti
fyrir undir vaskinum, þrátt fyr-
ir að vera hvorki „design“ né
úr burstuðu áli.
(Reyndar skal tekið fram,
foreldrum mínum til varnar,
að ruslafata þessi hefur nú
fengið uppreisn æru og gegnir
stöðu dósasafnara í nýrri og
stærri íbúð, hvar hún tekur
sig frekar vel út, enda „design“
ruslafata.)
Þessi vöntun mín á jóla-
skapi og tilhlökkun ræðst þó
eflaust aðallega af þrennu. Í
fyrsta lagi er greinarhöfundur
búsettur í Reykjavík, sem þrátt
fyrir ýmsa kosti, hefur þó mun
fleiri galla en landsbyggðin.
Til að mynda er erfitt að kom-
ast í jólaskap hér syðra, þegar
vart festir snjó og “rauð” jól
fá tvíræðna merkingu sökum
allra umferðarljósa-stoppana
á leiðinni til foreldra minna á
aðfangadag. Öðru gilti fyrir
vestan, hvar fátt kom þeim er
þetta ritar í meira jólaskap en
innilokunarkenndin sem fylgdi
því að snjóa inni. Ekkert skap-
aði meiri samkennd meðal
meðlima fjölskyldunnar en
þegar rafmagnið fór, þar sem
allar eldavélar og jólaljós,
voru á fullu blasti á sama tíma
í bænum, en rafmagn var í þá
daga af jafn skornum skammti
og erlendur gjaldeyrir er í dag.
(Ég er farinn að hljóma eins
og faðir minn!)
Í öðru lagi, þá hefur mark-
aðsöflunum tekist að eyði-
leggja jólaandann í samfélag-
inu, með því að skipta honum
út fyrir vínanda, græðgi og
neyslukapphlaup, sem ekki
einu sinni versta fjármála-
kreppa í manna minnum virð-
ist hafa áhrif á. Foreldrar
þamba jólabjór og jólaglögg
sem enginn væri morgundag-
urinn, kíkja síðan í Hagkaup
um hánótt, (þar er nú opið
allan sólarhringinn)og láta
glepjast af gylliboðum um
vaxtalaus lán til þess eins að
geta keypt nógu dýrar gjafir
handa börnunum sínum. Ell-
egar fá þeir að kenna á van-
þakklætinu sem fylgir í kjöl-
farið, þegar hin börnin fá flott-
ari leikföng og eineltis-hættu-
ástand skapast. Auðvitað er
þetta klisja, en það er óþolandi
þegar kaupmenn byrja jólin
fyrr með hverju árinu, nú í
september. Og hafi verslunar-
miðstöðvarnar ekki sogað úr
manni lífskraftinn á haustút-
sölunum, þá gera þær það
pottþétt á jólamánuðunum,
öllum þremur.
Í þriðja lagi, þá kýs vanfær
systir mín heldur að leita á
náðir sólarstranda og sumar-
húsa um jólin, sem ég hlýt að
túlka sem einhverskonar óvild
í minn garð og fjölskyldunnar.
Einhverra hluta vegna þykir
henni jólalegra að fljúga til
Flórída um jólin með kærast-
anum, en að vera í faðmi fjöl-
skyldunnar, eins og henni ber.
Það er einmitt svo jólalegt að
slá frá sér moskítóflugur,
svitna á enninu og bera á sig
sólarolíu meðan þú eldar
sterafyllta jólasteikina. Að
hún kjósi nærveru sveittra,
aldraðra offitusjúklinga í
Bandaríkjunum í stað blóð-
skylds bróður og foreldra, á
tímum þar sem samkennd og
samvera ætti að styrkja fjöl-
skylduböndin, hljóta að teljast
vonbrigði, enda er systir mín
stór hluti af fjölskyldunni,
meira að segja ¼ hennar, eða
25% þó svo þyngdaraukning
hennar á meðgöngunni gefi
annað og meira til kynna.
(Hey, ég verð að fá að hefna
mín einhvern veginn á fjar-
veru hennar!)
Sjálfur vil ég hvergi vera
annarsstaðar en í faðmi fjöl-
skyldunnar á jólunum. Enda
íhaldssamur í þeim efnum.
Það er eitthvað afslappandi
öryggi sem felst í þessum
helstu jólahefðum og er það
algerlega óþolandi ef aðrir eru
ekki sama sinnis, sérstaklega
manns eigin systir.
Í sífellu er mér sagt að þetta
viðhorf mitt muni breytast
þegar ég stofna mína eigin
fjölskyldu. Þá muni ég vilja
eyða tíma mínum með henni,
í stað þess að fara til foreldra
minna. Þetta getur vel verið
rétt, en ég þarf þá að finna
mér kærustu í snatri, ellegar
neyðist ég til þess að grafa
upp gamla Playmo-dótið mitt.“
Hví finn ég ekki jólaskapið?
Eftir Trausta Salvar Kristjánsson
Horfur á föstudag: Suðvestlæg eða breytileg átt og él,
einkum við suður- og vesturströndina en léttskýjað
austanlands Frost 0-8 stig, en víða talsvert kaldara í
innsveitum á norður- og austurlandi. Horfur á laugardag:
Útlit fyrir kalt veður áfram, með úrkomu í flestum
landshutum. Horfur á sunnudag: Útlit fyrir kalt veður
áfram, með úrkomu í flestum landshutum.
Helgarveðrið