Fréttatíminn - 05.06.2015, Page 66

 Veitingar Friðrik Dór bíður eFtir Vottun á Franskar kartöFlur
Verkföll fresta opnun
kartöflustaðar Frikka Dórs
Veit ingastaðurinn Reykjav ík
Chips í miðbæ Reykjavíkur bíður
nú þess að verkföllum ljúki svo
hægt verði að framreiða ljúffengar
kartöflur ofan í viðskiptavini. Einn
aðstandenda staðarins, söngvar-
inn Friðrik Dór, segir að þeir hafi
fyrirhugað að opna í vikunni sem
er að líða, en verði að bíða í ein-
hvern tíma vegna verkfalla.
„Það eru einhverjir í verkfalli
sem þurfa að votta kartöflurnar
sem við notum, og allar kartöflur
sem eru innfluttar,“ segir Frið-
rik en staðurinn mun notast við
kartöflur frá Írlandi. „Þetta eru
kartöflur sem fást út um allt, og
við erum ekki að standa sjálfir í
innf lutningi,“ segir hann. „Við
smökkuðum margar tegundir af
kartöflum sem fást hér á landi,
innlendar sem og erlendar og
þessar smökkuðust best fyrir það
sem við erum að gera. Annars er
allt klárt. Tíu tegundir af sósum,
pottarnir heitir og við ætlum að
opna um leið og verkfallið leysist,“
segir Friðrik. „Við erum búnir að
vera að þróa sósurnar og munum
bjóða upp á sósur fyrir alla, meira
að segja þá sem eru vegan,“ segir
Friðrik Dór, söngvari og veitinga-
húsaeigandi. -hf
Friðrik Dór ásamt félögum sínum sem
standa að Reykjavík Chips.
 HönnunarVeFur tinna royal selur á kisinn.is
Listakonan Tinna Royal
hefur að undanförnu búið
til listaverk sem eru kleinu-
hringir sem ætlaðir eru til
skrauts. Hún er nemi í Mynd-
listarskóla Akureyrar og hug-
myndin kviknaði þegar hún
var beðin um að vera með
muni til sölu á nýopnuðum
hönnunarvef sem heitir
kisinn.is. Tinna er hrifin af
litunum sem hægt er að hafa
í hringjunum og fékk ráð-
leggingar hjá BM Vallá um
hvaða steypu væri best að
nota í kleinuhringina.
Þ að voru nú bara margar til-viljanir sem ollu því að mér datt í hug að búa til kleinu-
hringi,“ segir listakonan Tinna
Royal.
„Þegar hún Júlía, sem er með
kisinn.is, lét mig vita fyrir nokkr-
um mánuðum að þetta væri að fara
í gang þá langaði mig að gera eitt-
hvað nýtt sem gæti verið til sölu
á vefnum,“ segir hún. „Mig lang-
aði að hafa eitthvað skemmtilegt
í boði en hvorki of stórt né dýrt.
Ég var í einum áfanga á þessum
vetri þar sem við vorum að nota
steypu, og mig langaði að gera
eitthvað krúttlegt,“ segir Tinna.
„Ég fór og rabbaði við þá hjá BM
Vallá og fékk upplýsingar um alls-
konar steypu sem ég gæti notað.
Ég hefði alveg getað notað gifs en
mér fannst það hljóma eitthvað svo
brothætt, svo steypan var betri.
Þeir eru u.þ.b. 70 grömm stykk-
ið og ég missti einn á tána á mér.
Hringurinn þoldi það alveg þó táin
hafi verið smá sár,“ segir Tinna.
„Svo þeir eru innan marka. Þeir
eru sterkari fyrir vikið.“
Tinna er á fyrsta ári í Mynd-
listarskóla Akureyrar og klárar
því þriggja ára nám árið 2017. Á
Facebook-síðu Tinnu Royal má sjá
myndir af öðrum verkum hennar,
og eru þau flest í Pop-Art stíl, þar
sem sterkir og bjartir litir fá að
njóta sín. Þar á meðal eru perlaðar
myndir af umbúðunum frægu af
Royal búðingnum, og þaðan tekur
hún nafn sitt.
„Mig langaði bara að hafa eitt-
hvað annað en bara nafnið mitt og
„Gallerí“ fyrir aftan,“ segir Tinna.
„Ég setti Royal bara til þess að
byrja með, líka vegna þess að ég
er búin að gera allt sem ég get við
þessar blessuðu umbúðir. Mála,
perla og sauma, meðal annars,“
segir hún. „Ég er samt enginn sér-
stakur aðdáandi búðingsins. Ég
er heilluð af umbúðunum. Annars
reyni ég að vera ekki of alvarleg í
þessari sköpun minni.“
Vefurinn kisinn.is er ætlaður
listafólki þar sem það getur haft
vettvang fyrir list sína og selt hana
í gegnum netið. Tinna segir þetta
mjög hentugan vettvang fyrir sína
list. „Ég er mjög spennt fyrir þessu
formi, þar sem ég mikil mannafæla
og finnst betra að geta boðið upp á
mín verk þarna inni,“ segir Tinna.
„Ég á erfitt með að troða mér inn á
verslanir og gallerí til þess að selja
mínar vörur. Svo þetta er alveg frá-
bært,“ segir listakonan Tinna Ro-
yal.
Hannes Friðbjarnarson
hannes@frettatiminn.is
Kleinuhringir úr steypu
Tinna með hálsmen úr sinni eigin hönnun.
Kleinuhringir Tinnu Royal.
Hrútar án vegabréfs
Leikstjóri kvikmyndarinnar Hrúta lenti
í því óhappi í vikunni að vera meinaður
aðgangur inn í Rúmeníu þar sem hann
átti að vera viðstaddur frumsýningu
Hrúta þar í landi. Grímur, sem var á
ferðalaginu ásamt framleiðanda mynd-
arinnar Grímari Jónssyni, var ekki með
vegabréfið sitt með í för því hann stóð í
þeirri trú að Rúmenía væri í Schengen,
sem var svo misskilningur. Þetta tafði
þá félaga um einhverja klukkutíma en
konsúll Íslendinga í Rúmeníu kom þeim
til bjargar og gátu þeir félagar verið
viðstaddir frumsýninguna.
Tattútyggjó frá Dj
flugvél og geimskip
Tónlistarkonan DJ flugvél og geimskip
fagnar um þessar mundir útgáfu nýjustu
plötu sinnar sem nefnist Nótt á hafsbotni.
Með hverju eintaki fylgir tyggjó og tattú
sem hægt er að setja auðveldlega hvar
sem er á húðina, og taka jafn auðveldlega
af. Margir muna eftir þessum tyggjóum frá
því fyrir einhverjum árum síðan. Tattúin
sem fylgja tyggjóunum eru hönnuð af
Steinunni eldflaug og eru því einstök
hönnun með plötunni. Dj flugvél og geim-
skip kemur fram í Reykjavík record shop
á laugardaginn klukkan 16, þar sem hægt
verður að kaupa plötuna og fá sér tyggjó.
Sælgætisgerðin að
opna?
Þeir sem stunduðu hinn fornfræga stað
Glaumbar upp úr miðjum tíunda áratugn-
um muna eflaust eftir Acid-Jazz sveitinni
Sælgætisgerðinni sem spilaði þar viku-
lega um árabil. Sveitin sem var einhvers-
konar bræðingur úr sveitunum Sóldögg,
Landi og sonum og Casino-hljómsveit
Páls Óskars spilaði Acid-Jazz sem var ansi
vinsæll um allan heim á þessum áratug.
Sveitin kom saman í vikunni til fundar-
halds og má búast við því að hún stigi á
stokk á næstu vikum, enda tónlistin mjög
vel við hæfi þegar hlýna tekur í veðri. For-
sprakkinn, Samúel Jón Samúelsson, birti
gamla mynd af sveitinni á facebook-síðu
sinni í vikunni.
Hátíð á Drangsnesi
Tónlistarhátíðin Sumarmölin fer fram
í þriðja sinn í Samkomuhúsinu Baldri á
Drangsnesi þann 13. júní næstkomandi.
Hátíðin er rómuð fyrir einstaka stemningu
þar sem fólk á öllum aldri kemur saman og
nýtur frábærrar tónlistar í einstöku um-
hverfi. Fyrir Sumarmölina í ár var rjóminn
fleyttur ofan af íslensku tónlistarlífi og sett
saman ómótstæðileg dagskrá þar sem allir
ættu að geta fundið eitthvað við sitt hæfi.
Á hátíðinni koma fram Retro Stefson,
Sóley, Tilbury, Berndsen, Kveld-Úlfur, Ylja
og Borko sem jafnframt er skipuleggjandi
tónleikanna.
16 ára aldurstakmark er á tónleikana en
yngri gestir eru velkomnir í fylgd með
fullorðnum.
66 dægurmál Helgin 5.-7. júní 2015