Frjáls verslun - 01.01.2005, Blaðsíða 66

66 F R J Á L S V E R S L U N • 1 . T B L . 2 0 0 5
K
atrín S. Óladóttir, framkvæmdastjóri Hagvangs, og
Guðný Harðardóttir, framkvæmdastjóri STRÁ MRI, eru
báðar sammála um að almenna reglan sé sú að erfitt sé
fyrir hámenntaða innflytjendur að fá vinnu við sitt hæfi
hérlendis. Mikil áhersla sé lögð á góða íslenskukunnáttu
í íslensku atvinnulífi og hún geti reynst útlendingunum
fjötur um fót.
„Útlendingum gengur alla jafna ekki vel að fóta sig á íslenskum
vinnumarkaði,“ segir Katrín. „Þetta á sérstaklega við um þá sem eru
að leita fyrir sér á einhverju ákveðnu sviði, svo sem stjórnunar- eða
sérfræðisviði, nema að þeir fari inn í mjög faglegt umhverfi.“
Afgreiða bensín Guðný tekur í sama streng og segir þess dæmi að
hámenntaðir innflytjendur hafi farið að afgreiða á veitingastöðum
og jafnvel verið tilbúnir til að ganga í hvaða störf sem er þar sem
þeir hafi ekki fengið starf í samræmi við sína menntun. „Við höfum
verið með viðskiptafræðinga og lögfræðinga á skrá og svo mætti
lengi telja. Þetta fólk fær ekki störf við hæfi.“ Hún segist ævinlega
hvetja alla til þess að læra íslensku og bendir enn fremur á að ekki
tali endilega allir íslenskir vinnuveitendur ensku eða önnur erlend
tungumál.
Einar Skúlason, framkvæmdastjóri Alþjóðahúss, telur að áhersla
á íslenskukunnáttu útlendinga fari að einhverju leyti eftir atvinnu-
greinum. „Tilfinning mín er að aðgengi útlendinga að íslenskum
vinnumarkaði sé að batna og þá kannski sérstaklega sérfræðinga og
annarra sem eru með mikla menntun. Mér finnst tungumálakunn-
átta vera það sem skiptir hvað mestu máli í þessu samhengi en í
tilfellum ófaglærðra skiptir tungumálið oft minna máli.“
Íslendingar í svipuðum málum erlendis Einar segist þekkja dæmi
þess að hámenntað fólk þurfi að flytjast úr landi af því að hér sé
ekki markaður fyrir það og bendir á að Íslendingar lendi einnig
í erfiðleikum við að fá störf við hæfi erlendis. „Maður heyrir um
Íslendinga erlendis sem eru kannski hámenntaðir en eiga erfitt með
að finna starf við hæfi. Þetta getur oft valdið mikilli togstreitu innan
fjölskyldna um það hvor makinn eigi að hafa forgang. Stundum sér
maður fjölskyldur flytja fram og til baka á milli landa.“
Guðný tekur undir þetta og segir erfiðleika útlendinga á íslenskum
vinnumarkaði í raun speglun á aðstæðum sem Íslendingar lenda í
erlendis. „Í Evrópu eru til dæmis yfirleitt ráðnir í sölu- og markaðs-
störf þeir sem tala móðurmál viðkomandi lands. Það sama á við
hér.“ Katrín leggur áherslu á félagslegt mikilvægi þess að finna
Katrín S. Óladóttir,
framkvæmdastjóri Hagvangs.
Er vinnumarkaðurinn tilbúinn fyrir
innflytjendur? Hverjar eru horfurnar á
íslenskum vinnumarkaði fyrir
hámenntaða útlendinga?
Hvernig gengur vel menntuðum
útlendingum að fá vinnu?
Guðný Harðardóttir,
framkvæmdastjóri STRÁ MRI.
Einar Skúlason,
framkvæmdastjóri Alþjóðahúss.
A T V I N N U H O R F U R H Á M E N N T A Ð R A Ú T L E N D I N G A
TEXTI: HELGA DÍS SIGURÐARDÓTTIR
MYND: GEIR ÓLAFSSON