Frjáls verslun - 01.01.2005, Blaðsíða 34
34 F R J Á L S V E R S L U N • 1 . T B L . 2 0 0 5
Guðmundur Marteinsson, Bónus:
Vi› höldum vöku okkar
„Niðurstöður þessarar könnunar eru staðfesting á því að við séum á
réttri leið. Mér er þó efst í huga þakklæti til viðskiptavina fyrir að velja
okkur vinsælasta fyrirtæki landsins,“ segir Guðmundur Marteinsson,
framkvæmdastjóri Bónuss. „Allt frá upphafi hefur einfaldleiki verið
allsráðandi í öllum okkar rekstri, sem skilar því að vöruverð hjá
okkar er að jafnaði um 40% lægra en á dýrasta enda markaðarins.
Við þurfum að halda vöku okkar í dægursveiflunni, tengja okkur við
það sem fólk þarf til heimilis á hverjum tíma. Þetta er spurning um að
halda ævinlega vöku sinni og muna að kalt er á toppnum. Við rekum
í dag 22 verslanir; tvær þær nýjustu eru í Hveragerði og Stykkishólmi.
Ég þori að fullyrða að lífskjör fólks þar hafa batnað verulega – eins
og á öðrum landsbyggðarstöðum þar sem verslanir okkar eru, en við
erum með sama vöruverð um allt land.“
HVAÐ SEGJA ÞEIR UM KÖNNUNINA?
V I N S Æ L U S T U F Y R I R T Æ K I N
TEXTI: SIGURÐUR BOGI SÆVARSSON
Jón Helgi Guðmundsson í Byko:
Í samræmi vi›
aukin vi›skipti
„Þetta eru góðar fréttir ,“ sagði Jón Helgi Guðmundsson, for-
stjóri BYKO, um hástökk fyrirtækisins, sem fer í vinsældum úr
þrítugasta sæti upp í sjöunda. „Ég er stoltur fyrir hönd okkar
fólks og þessar niðurstöður sýna svart á hvítu að viðskiptavinir
kunna vel að meta það sem við hjá BYKO höfum verið að gera
á undanförnum misserum. Þessar auknu vinsældir eru raunar
í góðu samræmi við aukin viðskipti hjá okkur að undanförnu.
Við erum stærsta byggingavöruverslun landsins og ætlum að
halda okkar hlut. Viðskiptavinir sýna okkur velvilja, eins og
kemur meðal annars fram í þessari könnun, og slíkt er auðvitað
hvatning um að gera enn betur.“
Guðmundur Marteinsson, framkvæmdastjóri Bónuss:
„Einfaldleikinn er allsráðandi í okkar rekstri.“
Jón Helgi Guðmundsson, forstjóri Byko: „Þessar niðurstöður sýna
að fólk kann að meta það sem við erum að gera hjá Byko.“
MYNDIR: GEIR ÓLAFSSON