Frjáls verslun - 01.01.2005, Page 104

104 F R J Á L S V E R S L U N • 1 . T B L . 2 0 0 5
RÁÐSTEFNUR OG FUNDIR
EJS hf. setti nýlega á laggirnar deild innan fyrirtækisins þar sem hægt er að fá leigðan flestan þann tækjabúnað sem þarf vegna ráðstefnu- og fundahalds. „Meginstarfsemi EJS hefur hingað
til verið á fyrirtækjamarkaði og viðskiptavinir okkar voru talsvert
farnir að þrýsta á um þjónustu af þessum toga. Hvers konar fundir,
sem fyrirtæki standa fyrir, verða æ umfangsmeiri og kalla á flóknari
tæknibúnað. Hótel og fundarstaðir bjóða yfirleitt
grunnbúnað sem þarf, en síðan þarf að vera hægt
að prjóna við með sértækari tækjum í hverju til-
viki fyrir sig. Í slíkum tilvikum er leiga á búnaði
skynsamleg lausn á málunum. Jafnframt nýtur æ
meiri vinsælda að halda fundi á óvenjulegum stöðum þar
sem enginn tæknibúnaður er til staðar og þá getur jafnvel þurft
að leigja allan pakkann,“ segir Halldór Jón Jóhannesson, sölu-
stjóri hljóð- og myndlausna hjá EJS.
Þarfagreining mikilvæg Halldór segir að þegar halda skuli ráð-
stefnu eða fund sé ágætt að viðskiptavinirnir leiti til EJS með
nokkrum fyrirvara og reifi óskir sínar og hvernig standa
skuli að ráðstefnunni. „Út frá þessu má þarfagreina
hlutina og finna út hvaða tæknibúnað raunverulega
þarf. Fyrstu spurningarnar eru auðvitað hve fjölmenn
samkoman verði; hvort þar verða 40 manns eða jafnvel á
annað þúsund eins og stundum gerist hér á landi. Af gestafjölda
og salarkynnum og öðru slíku sést svo hverjar þarfirnar eru.“
Meðal hljóð- og myndlausna sem EJS býður eru til dæmis mynd-
varpar, flatskjáir, hljóð- og myndkerfi, hátalarar, túlkabúnaður og
fleira. Einnig afspilunar- og myndsendibúnaður en í vöxt færist að
ráðstefnur og fundir séu sendir út á Netinu. „Stórar og fjölmennar
ráðstefnur eru gjarnan í líkingu við viðamikla sjónvarpsútsendingu.
Hvert smáatriði er nákvæmlega skipulagt og tæknilegu úrlausnar-
efnin eru mörg. Ekki er óalgengt
að tveir til þrír tæknimenn annist
sumar ráðstefnur,“ segir Halldór.
Starfsemi í sókn Fjölmenn ráð-
stefna krefst þess sömuleiðis að
þar sé sett upp eins konar skrif-
stofa með öllum þeim búnaði
sem slíku tilheyrir. „Heil skrif-
stofa kallar á öflugan tölvubúnað, prentara, ljósritunar-
vélar og fleira slíkt. Þetta er búnaður sem við eigum
tiltækan og við getum sett saman einingu í
samræmi við óskir viðskiptavina hverju sinni.
Yfirleitt getum við brugðist nokkuð fljótt við
þegar viðskiptavinir hafa samband, en nokkur
fyrirvari er samt sem áður nauðsynlegur fyrir báða aðila. Þó
hefur það gerst að haft hefur verið haft samband við okkur
að morgni vegna ráðstefnu sem skal hefjast að kvöldi
og þá hefur málinu að sjálfsögðu verið bjargað,“ segir
Halldór.
Starfsstöð hljóð- og myndlausna EJS er í bakhúsi að
Síðumúla 31 í Reykjavík. „Að hasla sér völl á þessu sviði
er hluti af þeirri meðvituðu stefnu fyrirtækisins að mæta
þörfum markaðarins á hverjum tíma og stækka við okkur.
Meðal starfsmanna fyrirtækisins er valinn maður í hverju rúmi og
við ættum því að geta brugðist við óskum viðskiptavina á þessu sviði
sem öðrum. Að minnsta kosti hefur þessi starfsemi farið afskaplega
vel af stað og ég sé ekki annað en hún muni vaxa og stækka, rétt eins
og ráðstefnumarkaðurinn á Íslandi sem er í sífelldri sókn og ekki
útlit fyrir að það muni neitt breytast í næstu framtíð,“ sagði Halldór
Jón Jóhannesson.
Tækni fyrir fullkominn fund
EJS
Allur tækjabúnaður fyrir
ráðstefnuna er til leigu
hjá EJS. Ólíkar lausnir
í hverju tilviki. Mynd-
búnaður, túlkakerfi og
jafnvel heil skrifstofa.
„Stórar og fjölmennar
rá›stefnur eru gjarnan í lík-
ingu vi› vi›amikla sjónvarps-
útsendingu,“ segir Halldór Jón
Jóhannesson, sölustjóri hljó›-
og myndlausna hjá EJS.