Frjáls verslun - 01.01.2005, Síða 18

FORSÍÐUGREIN
18 F R J Á L S V E R S L U N • 1 . T B L . 2 0 0 5
Nafn fyrirtækis Jóns og hins þekkta netvafra sem það framleiðir,
Opera, er dregið af tónlistinni sem Jón ólst upp við á tónelsku heim-
ili afa síns og ömmu úti á Seltjarnarnesi. Opera keppir við sjálfan
Bill Gates og Microsoft í gerð netlesara – eða vafra fyrir Internetið
– og Opera er nú talin fremst meðal fyrirtækja í heiminum í gerð
netlesara fyrir farsíma og sjónvörp.
Björgólfur Thor er auðvitað miklu þekktari á Íslandi en Jón.
Hann ólst upp í Vesturbænum og er sonur Björgólfs Guðmunds-
sonar og Þóru Hallgrímssonar. Hann er stúdent frá Verslunarskóla
Íslands. Thor Jensen athafnamaður var langafi hans og þaðan er
Thors nafnið hjá Björgólfi komið. Þeir Björgólfur og Jón Tetzchner
ólust upp ekki langt frá hvor öðrum og eru báðir komnir af þjóð-
kunnum Íslendingum; athafnaskáldum og tónskáldum.
Kunnir athafnamenn Það er ánægjulegt fyrir Íslendinga að eiga
þessa tvo verðugu fulltrúa í heimsráði ungra leiðtoga, Forum of
Young Global Leaders. Þeir eru báðir kunnir athafnamenn, hvor
á sínu sviði. Björgólfur Thor er fjárfestir sem kemur við sögu
í nokkrum alþjóðlegum stórfyrirtækjum, m.a. á Íslandi, Tékkó-
slóvakíu og Búlgaríu. Lyf, fjármál og fjarskipti eru hans svið.
Jón heldur sig hins vegar við eitt fyrirtæki – Opera Software
ASA í Noregi. Hann stofnaði Opera og hefur fyrirtækið öðlast frægð
um allan heim vegna keppni þess við Bill Gates og Microsoft. Það
framleiðir vafrann Opera, sem allir tölvumenn þekkja og keppir við
Internet Explorer vafrann.
Þekktustu viðskiptatímarit Bandaríkjanna hafa margoft skrifað
um Jón og Opera. Þá hafa stórblöðin New York Times og Washing-
ton Post skrifað um vafrann og hælt honum í hástert. Þau hafa lofað
hann fyrir smæð, einfaldleika og hraða. Hann hefur verið nefndur
„litli vafrinn með stóra hjartað“.
Það var stór rós í hnappagat Jóns þegar tímaritið Business
Week valdi hann sl. haust sem einn af 25 framsæknustu leiðtogum
í Evrópu og var hann þar í ekki ómerkari
félagsskap en Helmut Pankes, forstjóra BMW
í Þýskalandi, og Fred Goodwins, forstjóra
Royal Bank of Scotland svo einhverjir séu
nefndir. Umfjöllun Business Week var undir
yfirskriftinni „Stjörnur Evrópu – 25 leiðtogar í forystu breytinga“.
Jón tók við viðurkenningu Business Week við hátíðlega athöfn á
blaðamannafundi í París í desember sl.
Á meðal krónprinsa Þeir Björgólfur og Jón S. von Tetzchner eru á
meðal krónprinsa og stjórnmálamanna í hópi hinna „Ungu leiðtoga“.
Þarna er t.d. Hákon krónprins Noregs, Viktoría prinsessa Svía og
Rania drottning Jórdaníu sem er formaður hópsins.
Í hópnum er einnig að finna stofnendur Google, þá Sergel Brin
og Larry Page, og sömuleiðis Bjørn Lomborg, danskan tölfræðing og
forstöðumann dönsku umhverfismatsstofnunarinnar sem m.a. flutti
erindi á fundi Frjálsrar verslunar og Fiskifélags Íslands í endaðan
september árið 2000. Yfirskrift fundarins var „heimsendir“, hvorki
meira né minna. Tilefni fundarins var að Fiskifélagið gaf út bók
Lomborgs sem ber hið stóra nafn: „Hið sanna ástand heimsins.“
Í bókinni fjallar Bjørn Lomborg um ástand fiskistofna í heim-
inum, þverrandi auðlindir, eyðingu ósonslagsins, hækkandi hitastig
jarðar, mengun, fólksfjölgun, sjúkdóma, hungursneyð og hvað eina
er mun setja hagvexti og lífi manna hugsanlegar skorður í náinni
framtíð. Bók Lomborgs vakti heimsathygli þegar hún kom út.
Jón S. von Tetzchner er skráður á lista Young Global Leaders
sem Norðmaður og titlaður framkvæmdastjóri og annar tveggja
stofnenda Opera Software ASA. Hákon krónprins Noregs er hinn
fulltrúi Norðmanna. Björgólfur Thor er sagður eini Íslendingurinn á
listanum. Hann er titlaður stjórnarformaður Actavis Ltd.
„Erft vandamál örra breytinga síðustu 150 ára“ Þeir Jón og Björg-
ólfur segja báðir að það sé þeim mikill heiður að vera valdir úr
röðum 8 þúsund manna í þennan 237 manna hóp. Þegar listinn var
tilkynntur var þetta haft eftir Björgólfi Thor:
„Ég lít á það sem mikinn heiður að fá að taka þátt í þessu starfi.
Ég hef unnið í alþjóðlegum viðskiptum eftir að ég lauk námi og
Business Week fjallaði um Stjörnur Evrópu og valdi Jón S. von Tetzchner sem einn af framsækn-
ustu leiðtogum í Evrópu, leiðtoga sem væru í forystu breytinga. Jón tók við viðurkenningunni á
miklum blaðamannafundi í París í desember sl.
Það var stór rós í hnappagat
Jóns þegar tímaritið Business
Week valdi hann sl. haust
sem einn af 25 framsæknustu
leiðtogum í Evrópu og var
hann þar í ekki ómerkari
félagsskap en Helmut Panke,
forstjóra BMW í Þýskalandi