Frjáls verslun - 01.01.2005, Blaðsíða 116

116 F R J Á L S V E R S L U N • 1 . T B L . 2 0 0 5
RÁÐSTEFNUR OG FUNDIR
Af langri starfsreynslu á sviði stefnumótunar og ráðgjafar með fyrirtækjum þekki ég að fundir utan borgarinnar í þægilegu og afslöppuðu umhverfi verða oft margfalt árangursríkari
en þegar fundað er í bænum. Á stundum verður árangur margfalt
betri,“ segir Hansína B. Einarsdóttir framkvæmdastjóri Hótel Glyms.
Fjögur ár eru síðan hún og eiginmaður hennar, Jón Rafn Högnason,
eignuðust þetta fallega hótel í Hvalfirði og hafa byggt starfsemina
upp síðan. Markhópur þeirra er ekki síst viðskiptalífið með sínar
fjölbreyttu þarfir, en frá hausti til vors er sérstök áhersla lögð á að ná
til vinnuhópa. Hansína segir Hótel
Glym þá einmitt ákjósanlegan
kost, enda er hótelið í aðeins 40
mínútna fjarlægð frá borginni og
alltaf fært á milli.
Þrír salir og tæknilausnir Sal-
irnir á Hótel Glym eru tveir. Blái
salurinn svonefndi tekur allt að
sjötíu manns í sæti er sérstaklega
ætlaður fyrir fundahöld ýmiss
konar og þykir góður sem slíkur.
Hann er málaður í bláum litum
sem Hansína segir að skapi þægi-
leg hughrif meðal fólks sem geri
aftur fundarstörfin árangursrík. Rauði salurinn er borðsalur og
tekur um 40 manns í sæti. Minnstur er Guli salurinn, sem tekur átta
gesti og hentar vel fyrir til dæmis fámenna stefnumótunar- eða
stjórnarfundi.
Á nokkrum stöðum á hótelinu geta fámennari hópar
komið sér fyrir; svo sem í setustofu, á barnum eða bóka-
safni hússins – þar sem finna má hundruð bókatitla, meðal
annars um þau efni sem helst og mest snerta viðskiptalífið.
„Við ráðstefnuhald er nauðsynlegt að hótelin geti boðið
allar helstu tæknilausnir, svo sem tölvur, skjá-
varpa, flettitöflur, háhraðatengingu við Netið,
ljósritunarvélar og fleira,“ segir Hansína.
Fjórir fundir á ári „Við erum með tugi
fyrirtækja í reglulegum viðskiptum og
reynslan sýnir að hvert fyrirtæki fer út
á land og fundar með starfsfólkinu allt
að fjórum sinnum á ári. Flest fyrirtæki
hygg ég að fari eitthvað út fyrir bæinn
að minnsta kosti einu sinni á ári,“ sagði
Hansína.
Það er ekki síst á fyrstu
mánuðum ársins sem fyrir-
tæki og stjórnendur þeirra
efna til stefnumótunarfunda
með starfsfólki sínu. Þetta
er jafnframt sá árstími þegar
fólk er gjarnan í aðhaldi og
hefur sett sér markmið um að fækka aukakílóum. „Á ráðstefnum hjá
okkur hefur verið vinsælt að vera með hlaðborð þar sem fólk getur
valið úr fjölbreyttu úrvali rétta. Í
hádeginu erum við gjarnan með
léttan mat en eitthvað þyngra á
kvöldin, en vitaskuld er þetta
einsog annað sniðið að þörfum
gestanna sem eru jafn ólíkir og
þeir eru margir.“
Herbergin fallega búin Hótel
Glymur er í skóglendi við
norðanverðan Hvalfjörð og er
umhverfi staðarins ægifagurt
og ekki spillir útsýnið allt innan
úr Botnsdal og suður á Skipa-
skaga. Ekki er því ofsögum sagt
að staðsetningin sé frábær. „Auk viðskiptalífsins höfum við einnig
gert okkur far um að ná til fólks sem vill koma í sveitina til þess að
slappa af; eiga rómantískar stundir og hafa það virkilega
gott,“ segir Hansína.
Herbergin á hótelinu eru 22, tveggja til þriggja
manna. Heitir pottar eru í kjarri rétt við hótelið og er
þaðan gott útsýni yfir allan Hvalfjörð. Vinsælt er að
fara í pottana og slappa af eftir annasaman en árangurs-
ríkan fund. Öll eru herbergin fallega búin – rétt eins og
hótelið sjálft, en þar er að finna fjölda listaverka
frá öllum heimshornum, íslenska hönnun og
gamlan íslenskan húsbúnað.
Þá er einnig rétt að geta vefsetursins
www.hotelglymur.is, en viðmót þess er fal-
legt og upplýsingar ítarlegar.
Glymur fyrir góðan fund
HÓTEL GLYMUR HVALFIRÐI
„Auk viðskiptalífsins
höfum við einnig gert
okkur far um að ná til fólks
sem vill koma í sveitina til
þess að slappa af,“ segir
Hansína B. Einarsdóttir.
Þjónusta fyrir viðskiptalífið
á Hótel Glym í Hvalfirði.
Fallegt hótel. Sveitasælan
gerir fundinn árangursríkan.
Hótel Glymur í Hvalfirði er með fyrirtaks fundaaðstöðu.