Frjáls verslun - 01.01.2005, Síða 135

F R J Á L S V E R S L U N • 1 . T B L . 2 0 0 5 135
Bókin:
ÆVISAGA MARLIN MANSON
Almar Örn Hilmarsson, framkvæmdastjóri
Iceland Express, hlustar á rokk og þunga-
rokk. Bókin sem hann las síðast er ævi-
saga þungarokkarans svartmálaða Marlin
Manson og heitir
The long hard
road out of hell.
Almar Örn segist
hafa gaman af að
lesa ævisögur og
hefur hann lesið
ævisögur ýmissa
fótboltamanna,
poppara og rokk-
stjarna.
„Það er gaman
að lesa um hve
margir hafa fetað furðulegar leiðir í lífinu.
Mér fannst Manson vera athyglisverður tón-
listarmaður og ákvað þess vegna að lesa
bókina. Við lestur hennar kom að ljós að
Manson er stórskrýtinn en þetta er mjög
athyglisverð bók. Hún lýsir ævi hans frá
æsku og þar til hann varð þessi stjarna sem
hann er. Hann var svolítið utangátta í æsku
en öðlaðist viðurkenningu með því að fara
óhefðbundnar leiðir. Í bókinni er lifnaðar-
háttum hans lýst en þeir eru eitthvað sem
fæstir ættu að þola til lengri tíma – nema
kannski Keith Richards í Rolling Stones!
Bókin veitti mér innsýn inn í heim
sem margt fólk í þessum iðnaði býr í. Þó
að þetta sé ekki líf sem ég gæti sjálfur
hugsað mér að lifa þá er mjög athyglisvert
að sjá þessa hlið á mannlífinu og hvað fólk
getur verið misjafnt í hugsunum og gild-
ismati. Það fannst mér athyglisverðast.
Það sem kemur þó alltaf upp úr kafinu
er að innst inni við beinið eru allir mjög
svipaðir. Það eru allir manneskjur og hafa
tilfinningar og skoðanir þó að yfirborðið
geti verið misjafnt. Það kom mér mest á
óvart hvað Manson er venjulegur í mörgum
skoðunum en sökum þess hvernig hann
lítur út og hvernig hann hegðar sér þá er
hann dæmdur sem einhver annar.“
Uppáhaldsvínið:
RÆÐST AF STEMMNINGUNNI
„Ég drekk rauðvín frekar eitt og sér og vil hafa það bragðmikið, þungt og jafnvel svolítið kryddað.“
,,Það er gaman að
lesa um hve margir
hafa fetað furðulegar
leiðir í lífinu.”
Hrönn Greipsdóttir, hótelstjóri Radis-
son SAS hótela, segir að það ráðist af
stemmningunni hverju sinni hvaða vín er
í uppáhaldi hjá sér. „Þannig finnst mér
kampavín t.d. mikill stemmningsdrykkur
en líklega hefur gott hvítvín samt vinning-
inn. Ég kýs þurrt hvítvín fremur en sætt
og þá helst franskt eða frá „nýja heim-
inum“ og vil ég hafa vínið vel kælt.
Uppáhaldshvítvínin eru Cloudy Bay,
sem er frá Nýja Sjálandi, Sanserre, sem
er frá Loire-dalnum í Frakklandi, og hún
segir að gott Chablis svíki aldrei. Fiskur
er í meira uppáhaldi hjá henni en kjöt og
hún segir það kannski enga furðu að hvít-
vín verður oftar fyrir valinu þegar velja
á vín með mat. Hún bendir á að íslenski
fiskurinn sé svo góður að hann útheimti
fyrsta flokks hvítvín.
„Ég drekk rauðvín frekar eitt og sér og
þá vil ég að það sé bragðmikið, þungt og
jafnvel svolítið kryddað. Áströlsk rauðvín,
t.d. frá Wolf Blass, eru sérstaklega góð
sem og vín frá Peter Lehman. Ég kýs
miklu frekar að fá mér gott rauðvínsglas
eftir matinn heldur en koníak eða líkjöra
sem ég drekk reyndar ekki. Mér líka ekki
sætir drykkir og ég er lítið fyrir brennda
drykki.
Hvað stemmninguna varðar þá getur
verið gaman í hópi góðra vinkvenna að
skella í léttan Cranberry-vodkakokteil
eða Mojito en það er ótrúlegur töfra-
máttur sem slíkir drykkir hafa.“
Æskumyndin
er af Jafet S. Ólafssyni, framkvæmda-
stjóra Verðbréfastofunnar. Hann var um
fjögurra ára þegar myndin var tekin.
Jafet skorar á makker sinn í bridge, Ara
Sæmundsen, sem er framkvæmdastjóri
hjá Gróco, til að koma með æskumynd-
ina í næsta tölublað.