Frjáls verslun - 01.01.2005, Side 137

F R J Á L S V E R S L U N • 1 . T B L . 2 0 0 5 137
Tískan fyrir konur:
ALLT Í TÍSKU
Margar konur í viðskiptalífinu leyfa sér að vera sífellt
frjálslegri í klæðaburði þótt sumar kjósi sígildan
stíl. Hjá eigendum verslunarinnar Max Mara við
Hverfisgötu, þeim Þóru Emilíu Ármannsdóttur og
Kristbjörgu Ólafsdóttur, fengust þær upplýsingar að
enginn einn ákveðinn stíll sé ráðandi.
„Það er allt leyfilegt,“ segir Kristbjörg. „Það eru
hafðar gallabuxur með öllu, jafnvel fínustu jökkum og
silkiblússum. Ýmsum efnum er blandað saman, ótrú-
legustu litir settir saman og ýmsum mynstrum raðað
saman.“
Þröngar buxur. Víðar, síðar buxur. Þröng, stutt pils.
Síð, víð pils. Pils með sérkennilegum sniðum.
„Það sem er nokkuð gegnumgangandi núna er að
snið á jökkum og kápum eru þröng, kvenlegri línur og
snið og fullt af fallegum litum.“
Max Mara, sem er ítalskt fyrirtæki, ræður yfir um
65% af kvenfatamarkaðnum á Ítalíu þar sem fyrirtækið
er leiðandi á sínu sviði. Hjá fyrirtækinu er fylgt hinum
ítalska hugsunarhætti um einfaldleika og gæði.Margar
fatalínur eru framleiddar hjá Max Mara til að fullnægja
mismunandi þörfum kvenna. Max Mara línan er t.d.
fyrir konur sem kjósa sígildan stíl, S Max Mara línan
er fyrir þær konur sem vilja þægileg og sportleg föt
í vinnuna og Sport Max línan er fyrir þær sem hugsa
meira um hátískuna. Í Weekend línunni eru m.a. þægi-
leg föt til daglegra nota.
Svartir skór eru alltaf vinsælir en undanfarið hafa
margar konur valið skó og veski í fjörlegri litum.
Undanfarin ár hafa margar konur kosið skó sem líkjast
íþróttaskóm. Þeir eru úr fínu leðri og konur nota þá
jafnvel við buxnadraktir.
Hjólreiðar:
FRÁBÆR STREITULOSUN
Hjá eigendum verslunarinnar Max Mara við Hverfisgötu,
þeim Þóru Emilíu Ármannsdóttur (á myndinni) og
Kristbjörgu Ólafsdóttur, fengust þær upplýsingar að
enginn einn ákveðinn stíll sé ráðandi.
Líkamsræktin:
AFSLÖPPUN OG ÞREK
Þegar veður leyfir stígur hann á bak
hjólhesti sínum – eins og reiðhjólin
voru kölluð hér áður fyrr. Hann
segir að hjólreiðar séu frábær streit-
ulosun. Maðurinn er Guðjón Rúnars-
son, framkvæmdastjóri Samtaka
banka og verðbréfafyrirtækja.
„Ég féll fyrir þessu sporti þegar
ég bjó í Flórens fyrir nokkrum
árum. Toppurinn til þessa er viku-
legt hjólreiðaferðalag um Chianti-
hérað í Toscana árið 2002. Þá upp-
lifði ég samspil náttúrufegurðar og
líkamlegrar útrásar á þeysireið um
ítalskar sveitir.“
Náttúru-
fegurðin er
líka mikil hér
á landi og
segir Guðjón
ýmis svæði
á Íslandi bjóða upp á skemmti-
legar hjólaferðir, styttri sem lengri.
Að hans sögn er helsta vandamálið
hversu óvanir íslenskir bílstjórar
virðast vera þegar kemur að því að
umgangast hjólreiðamenn á þjóð-
vegunum. „Það hlýtur þó að lagast
hægt og bítandi eftir því sem vins-
ældir hjólreiða aukast hérlendis.“
Finnur Ingólfsson, forstjóri
VÍS, er einn þeirra sem
mæta reglulega í líkams-
ræktarstöðina Hreyfingu.
„Ég hef stundað lík-
amsrækt lengi þó svo að
það sjáist nú ekki. Ég var
í íþróttum þegar ég var
yngri og eftir því sem ég
hef elst og stækkað á alla
kanta hef ég þurft á því að
halda mér í formi.
Þegar ég var á Alþingi
var ég í fótbolta Ég hef stundað lík-
amsrækt á líkamsræktarstöðvum í 15
ár. Ég byrjaði hjá Jónínu og Ágústu,
fór svo yfir í Mátt og svo Hreyfingu.“
Aðspurður um hvað hreyfingin
gefur honum segir hann: „Afslöppun
og þrek. Fyrst og fremst hreinsar hún
hugann og gefur manni þrek. Ég er í
miklu betra stuði þegar ég kem í vinn-
una eftir að hafa farið í líkamsrækt
að morgni til. Auk þess
er ég í ágætis félagsskap
þegar ég er í líkamsrækt
og ég hef kynnst mörgum
í gegnum þetta.“
Finnur æfir fjórum til
fimm sinnum í viku frá
haustmánuðum og fram á
vormánuði. Á sumrin fer
hann mikið í gönguferðir.
Hann hefur m.a. farið í
vikulangar gönguferðir á
hverju sumri sl. átta ár. Í
fyrrasumar gekk hann í Skaftafells-
sýslum – hann tekur þó fram að hann
hafi verið tiltölulega óheppinn með
veður í það skiptið.
„Einnig eru það hestarnir sem
veita manni tilbreytingu frá hinu dag-
lega amstri. Það er ekkert sem jafnast
á við hestaferð um hálendið á góðum
sumardegi. Það er einstök frelsistil-
finning.“
„Ég féll fyrir þessu sporti
þegar ég bjó í Flórens
fyrir nokkrum árum.“
„Ég er í miklu betra
stuði þegar ég kem í
vinnuna eftir að hafa
farið í líkamsrækt að
morgni til.“