Frjáls verslun - 01.10.2005, Side 31

F R J Á L S V E R S L U N • 1 0 . T B L . 2 0 0 5 31
D A G B Ó K I N
7. nóvember
AUKNAR TEKJUR
- EN MEIRA TAP
Þrátt fyrir að tilkynnt hafi verið
um auknar tekjur deCODE,
móðurfélags Íslenskrar erfðagrein-
ingar, fyrstu níu mánuði ársins
þá jókst tap fyrirtækisins engu
að síður frá sama tíma í fyrra.
Tekjur deCODE námu 34,2 millj-
ónum dala (2,1 milljarði) fyrstu
níu mánuðina og höfðu aukist
frá sama tíma í fyrra. Tapið var
hins vegar 41,6 milljónir dala,
2,5 milljarðar króna en hafði
verið 37,8 milljónir dalir á sama
tímabili í fyrra. Handbært fé fyrir-
tækisins var 171 milljón dalir
hinn 30. september sl. Gróft
reiknað dugir það fyrir þremur
tapárum í viðbót. Hins vegar er
mikil bjartsýni innan deCODE og
segir Kári Stefánsson, forstjóri
Íslenskrar erfðagreiningar, í til-
kynningu sem hann sendi frá
New York að innan fyrirtækisins
ætti sér stað hröð þróun í því að
nota erfðagreiningu til að fram-
leiða betri lyf.
7. nóvember
AUKIÐ GEGNSÆI FJÁR-
MÁLAEFTIRLITSINS
Aðalfundur Fjármálaeftirlitsins
varð nokkurt fréttaefni. Jónas Fr.
Jónsson, forstjóri Fjármálaeftir-
litsins, sagði að gegnsæi vegna
úttekta og rannsókna Fjármála-
eftirlitsins á brotum á lögum um
verðbréfaviðskipti yrði aukið í
kjölfar nýrra reglna um stofnun-
ina frá 1. júlí.
Jónas sagði að Fjármálaeftirlitið
myndi nafngreina þá sem stofn-
unin beitir stjórnvaldssektum
vegna brota á lögum og jafn-
framt birta upplýsingar um helstu
efnisatriði hvers máls. Þá sagði
hann að í þeim tilvikum þegar
Fjármálaeftirlitið teldi ástæðu til
að vísa málum til lögreglu yrði
almennt skýrt frá efnisatriðum
mála en ekki greint frá nöfnum,
enda væri það lögreglunnar að
rannsaka málin frekar.
Þá kom fram í máli Jónasar að
um helmingur tekna bankanna
væri núna af erlendri starfsemi.
Hann tók sem dæmi að stærð
efnahagsreiknings viðskipta-
bankanna hefði þrefaldast með
kaupum á erlendum fjármálafyr-
irtækjum á stuttum tíma og við
það hefði tekjustofninn breikkað.
8. nóvember
MARGRÉT FOR-
STJÓRI ICEPHARMA
Það hefur gengið á ýmsu hjá
Atorku Group að undanförnu. Nú
hefur verið ákveðið að þrjú dóttur-
félög í eigu samsteypunnar;
Austurbakki, Icepharma og
Ismed, sameinist hinn 1. janúar
undir nafni Icepharma. Margrét
Guðmundsdóttir, framkvæmda-
stjóri Austurbakka, verður for-
stjóri hins nýja félags. Velta þess
er áætluð um 4 milljarðar króna.
Við þessa sameiningu hætti
Guðrún Ýr Gunnarsdóttir sem for-
stjóri Icepharma. Það félag varð
til síðasta haust þegar Thoraren-
sen Lyf, Ísfarm og Heilsuverslun
Íslands sameinuðust. Þá má
geta þess að ákveðið hefur
verið að selja víndeild og íþrótta-
deild Austurbakka og verður
fróðlegt að sjá hverjir bítast um
þann bita.
9. nóvember
KÖGUN FJÁRFESTIR
Í NOREGI
Kögun hefur keypt meirihlutann,
50,1%, í norska hugbúnaðarfyrir-
tækinu Hands ASA í Noregi, en
félagið er skráð í Kauphöllinni í
Osló. Kögun mun gera yfirtökutil-
boð í allt félagið í framhaldinu.
Félagið er með um 40% mark-
aðshlutdeild á sviði Microsoft
Business Solutions lausna. Velta
Hands er áætluð um 1,8 millj-
arðar króna á næsta ári. Kögun
hyggur á frekari kaup í Noregi.
9. nóvember
OBBINN AF TEKJUM
VERÐUR TIL ÚTI
Kauphöllin var með athyglisverða
kynningu í London fyrir erlenda
fjárfesta og var hún haldin í
húsakynnum London Stock
Exchange. Í fréttatilkynningu frá
Þetta var stór dagur í sögu
stoðtækjafyrirtækisins Össurar,
en það kynnti fyrsta vélvædda
gerviútliminn sem „hugsar“ á
sýningu í New York þennan
dag. Hnéð, sem nefnist Power
Knee, er rafstýrt og telst á
meðal 100 bestu uppfinninga
ársins samkvæmt tímaritinu
Popular Science. Það er ein tíu
uppgötvana sem verðlaunaðar
eru í flokknum Almenn heilsa.
Það var Popular Science
sem orðaði það svo að þetta
væri fyrsti vélvæddi gerviútlim-
urinn sem „hugsar“. Þeir sem
misst hafa fótlegg fyrir ofan hné
geta hreyft sig eðlilega á göngu
því hnéð líkir eftir hreyfingum
hins hnésins.
Síðasta gervihné Össurar,
Rheo Knee, hefur undanfarna
mánuði unnið til ýmissa viður-
kenninga - en ætla má að
Power Knee verði enn aðsóps-
meira á vettvangi viðurkenn-
inga.
Margrét Guðmundsdóttir
verður forstjóri Icepharma.
8. nóvember
ÖSSUR KYNNIR
GERVIÚTLIM SEM „HUGSAR“ Kynningu Össurar á Power Knee fór fram í Grand Central stöðinni í New York.