Frjáls verslun - 01.10.2005, Side 54
54 F R J Á L S V E R S L U N • 1 0 . T B L . 2 0 0 5
varð þó óásættanleg í janúar 2004 þegar Holl-
inger tilkynnti kröfu upp á 200 milljónir dala
á hendur þeim Black og Radler. Þeir voru
kærðir fyrir að hafa beitt bókhaldssvikum
til að komast yfir eignir fyrirtækisins og kraf-
ist var að þeir endurgreiddu laun og aðrar
greiðslur á tilteknu tímabili. Fyrirtækið bætti
þó um betur, lagði fram fjárkröfu upp á 1,2
milljarða dala en henni var vísað frá rétti í
október 2004.
Black brást við þessum hræringum með
því að lýsa yfir sölu á hluta sínum í Holl-
inger til tvíburanna Davids og Fredericks
Barclays, þar á meðal Telegraph og Spect-
ator. Þá reis bandaríska fjármálaeftirlitið,
U.S. Securities and Exchange Commission,
SEC, upp á afturfæturna og reyndi að koma
í veg fyrir söluna þar sem umsvif Blacks
væru í athugun. Það tókst þó ekki þar sem
salan, upp á um milljarð dala, fór í gegnum
kanadíska arm Hollinger, Barclay-bræður
fengu sitt, en SEC gerði úttekt á störfum
Blacks og félaga hans.
„Þjófræði“ stjórnenda Í SEC-skýrslu,
skýrslu Kauphallareftirlitsins, í ágúst 2004
var talað um „þjófræði“ stjórnenda sem
hefðu dregið til sín ríflega 400 milljónir frá
1997. Black sagði niðurstöðuna bæði óná-
kvæma og ranga og þetta yrði allt skýrt í
réttinum. Til þess fær hann líka tækifæri
því SEC hefur stefnt Black og Radler fyrir
að hafa haft 85 milljónir dala af Hollinger
og þá um leið hluthöfum þess. Black heldur
lögfræðingum sínum við efnið, hefur stefnt
SEC. Black á einnig í meiðyrðamáli við
blaðamanninn Peter Newman sem í ævi-
sögu sinni um Black vænir hann um að glæp-
samlegt athæfi hans hafi staðið um árabil.
Fyrir þetta fer Black fram á tveggja milljón
dala miskabætur.
En það voru fleiri en hið opinbera sem
töldu sig eiga harma að hefna fyrir þjófræðið
í Hollinger. Hópur hluthafa hefur höfðað mál
gegn Black og félaga hans sem þeir töldu
að hefðu rýrt Hollinger um 4 milljarða dala.
Tapið stafaði bæði af fjárdrætti en einnig af
falli á hlutabréfum í Hollinger sökum frétta-
flutnings af óheiðarleika og vafasömum
stjórnarháttum Blacks og samstjórnenda
hans. Hluti ákæranna varðar sölu Hollingers,
undir stjórn Blacks, þar sem blöð voru seld
fyrir einn dal þrátt fyrir önnur tilboð upp á
sex stafa tölur. Black og félagar ráku önnur
fyrirtæki og keyptu og seldu af þeim á óeðli-
legu verði.
Kauphallareftirlitið í Kanada hefur einnig
lýst því yfir að Black og þrír félagar hans
séu í rannsókn fyrir umsvif sín þar. Þar voru
Black, ritari hans og bílstjóri myndaðir á eft-
irlitsmyndavélar þar sem þeir báru tólf kassa
úr höfuðstöðvum Hollinger í Kanada þrátt
fyrir lögbann við því að Black tæki nokkuð
þaðan. Black hélt því fram að þetta væru per-
sónulegir munir sem bannið næði ekki til.
Að stela og fela Í vor lýstu bandarísk yfir-
völd því yfir að þau hefðu tekið mál Blacks
og Radlers til rannsóknar. Í sumar skildu svo
leiðir þeirra Blacks og Radlers þegar yfirvöld
í Chicago tilkynntu að Radler hefði gengið
til samstarfs við þau. Sjö ákærum var beint
til Radlers þar sem hámarksrefsing var 35
ára fangelsi. Í haust játaði Radler á sig eina
ákæruna, var dæmdur í 29 mánaða fangelsi
og bætur upp á 250 þúsund dali.
Black og nokkrir fleiri hafa nú verið
ákærðir í Chicago fyrir að hafa haft rúm-
lega 80 milljónir dala af Hollinger. Með
Black á sakamannabekknum eru Jack Boult-
bee, fyrrum fjármálastjóri, Peter Atkinson,
fyrrum forseti Hollingers, og Mark Kipnis,
fyrrum lögfræðilegur ráðgjafi. Þessi ákæra
hefur afhjúpað ýmislegt nýtt, til dæmis er
þeim félögum gefið að sök að hafa stungið í
eigin vasa um 52 milljónum dala þegar Hollin-
ger seldi nokkur hundruð kanadísk dagblöð
árið 2000 fyrir 2,1 milljarð dala. Umrædd
greiðsla var uppbót fyrir að standa ekki
í samkeppni við kaupendur. Slík greiðsla
átti að mati ákæranda að renna til Hollin-
gers, ekki til stjórnenda, og ákærandi segir
stjórnendur ekki hafa upplýst Hollinger um
greiðslurnar.
Ríkissaksóknarinn í Norður-Illinois er Pat-
rick Fitzgerald og þykir einkar harður í horn
að taka: það var hann sem skelfdi starfs-
menn og íbúa Hvíta hússins nýlega þegar
hann stefndi Lewis „Scooter“ Libby, starfs-
mannastjóra Dick Cheneys varaforseta, fyrir
meinsæri í yfirheyrslum þingnefndar. Þegar
Fitzgerald tilkynnti um kæruna sagði hann
Black og félaga hans hafa sérhæft sig í að
„stela og fela“ - stela fé og fela slóðina - og um
væri að ræða „grófa misnotkun“ á aðstöðu.
Það mun taka nokkurn tíma að leiða öll
dómsmál Blacks til lykta. Titlaveikleikinn
gæti reynst honum skeinuhættur - gagnvart
bandarískum kærum væri hann betur settur
sem kanadískur ríkisborgari en breskur.
Hingað til hefur hann hagað sér eins og allt
væri í himnalagi, fannst þetta kannski bara
eðlileg leið til að breyta pappírsauði sínum í
áþreifanlegan pening.
Vinum hans ber ekki saman um hvort
hann sé kannski eins og Napoleon fyrir bar-
dagann við Waterloo, geri sér ekki grein fyrir
hættunni, sé í algjörri afneitun eða hvort
hann í raun trúi því að hann hafi ekki gert
neitt rangt...
L U N D Ú N A P I S T I L L S I G R Ú N A R
Honum fannst sjálfsagt að hlutafélagið Hollinger International Inc. borgaði þjórfé konu hans,
blaðamannsins Barböru Amiel, í glæsiverslunum New York.