Frjáls verslun - 01.10.2005, Blaðsíða 61

F R J Á L S V E R S L U N • 1 0 . T B L . 2 0 0 5 61
J
ónas Friðrik Jónsson forstjóri Fjármála-
eftirlitsins er fæddur 10. nóvember 1966.
Hann stundaði nám við Verzlunarskóla
Íslands og lauk embættisprófi í lögfræði
frá Háskóla Íslands árið 1992 og LL.M.-
prófi frá háskólanum í Cambridge í Englandi
árið 1996. Að því loknu lauk hann MBA-prófi
frá Vlerick Leuven Gent Management School í
Belgíu. Jónas fékk málflutningsréttindi fyrir hér-
aðsdómi árið 1993, hann hefur einnig lokið prófi
í verðbréfamiðlun. Jónas sat í stjórn Sambands
ungra sjálfstæðismanna og árið 1993 bauð
Jónas sig fram í formannskjöri SUS á móti sitj-
andi formanni, Guðlaugi Þór Þórðarsyni. Hann
hlaut 47% atkvæða en Guðlaugur 53%. Jónas
er keppnismaður í eðli sínu og hefur gaman af
keppnis- og afreksíþróttum, hann spilar fótbolta
með félögum sínum einu sinni í viku og styður
Fylki. Hann fer út að hlaupa reglulega. „Fjöl-
skyldan hefur einnig mjög gaman af allri útivist,
við förum á skíði og reynum að fara að minnsta
kosti í eina langa göngferð á ári. Við höfum til
dæmis gengið í Þórsmörk, um Lónsöræfi og upp
við Langasjó svo eitthvað sé nefnt.“ Hann bætir
svo við að áhugi á garðrækt hafi vaknað úti í
Brussel og að hann hyggist sinna honum nánar
í framtíðinni.
Jónas starfaði sem blaðamaður á sumrin á
námsárum sínum og í lausamennsku á veturna.
Hann hóf störf sem lögfræðingur hjá Verslunar-
ráðs Íslands árið 1991 og aðstoðarframkvæmd-
arstjóri þess 1996. Jónas lét af störfum hjá
Verslunarráði árið 1998 þegar hann hóf störf
sem sérfræðingur hjá Eftirlitsstofnun EFTA til
að fylgjast með fyrirtækjalöggjöf og löggjöf um
starfsemi verðbréfamarkaðarins. Tveimur árum
seinna var hann hækkaður í tign og ráðinn sem
framkvæmdastjóri þeirrar deildar Eft-
irlitsstofnunar EFTA sem hafði eftirlit
með frjálsu flæði fólks, þjónustu og fjár-
magns um Evrópu. Starfsvið Jónasar hjá
Eftirlitsstofnuninni var aukið skömmu
seinna og deild hans sameinuð annarri
deild og bætt við hana starfsfólki og mál-
efnum sem tengdust vöruviðskiptum
og opinberum útboðum og kallaðist
þá Innri markaðsdeild. Undir deildina
féllu jafnframt umhverfismál, neytenda-
vernd, fyrirtækjalöggjöf og jafnrétti
kynjanna. Jónas segir að starfið hjá
EFTA hafi verið afskaplega fjölbreytt
og skemmtilegt. „Hjá deildinni starf-
aði fólk með fjölbreytta menntun frá
níu þjóðlöndum og málefnin sem við
fjölluðum um voru afar margbreytileg.
Andrúmsloftið var mjög dínamískt og
maður þurfti að setja sig inn í alls konar
mál eins og ferjusiglingar og heilbrigðis-
kröfur í sláturhúsum. Jónas Fr. hefur
því mikla reynslu af alþjóðlegu sam-
starfi og flóknu lagaumhverfi.
Jónas Fr. Jónsson var ráðinn for-
stjóri Fjármálaeftirlitsins síðast liðið
sumar auk þess sem hann sinnir stunda-
kennslu við Háskólan í Reykjavík. Jónas er
sonur Jóns Magnússonar lögmanns og Halldóru
Það vakti mikla athygli nú á dögunum þegar Jónas Fr. Jónsson forstjóri Fjármálaeftirlits-
ins lýsti því yfir á fundi hjá stofnuninni að eftirleiðis mundi Fjármálaeftirlitið nafngreina
þá aðila sem hún beitir stjórnvaldssektum vegna brota á lögum um verðbréfaviðskipti og
birta upplýsingar um efnisatriði hvers máls. Hann sagði einnig að í þeim tilvikum sem Fjár-
málaeftirlitið teldi ástæðu til að vísa málum til lögreglu yrði greint frá efnisatriðun málsins
en ekki greint frá nöfnum þeirra sem ættu í hlut. Jónas er í nærmynd að þessu sinni.
AF FLÓKNU LAGAUMHVERFI
TEXTI: VILMUNDUR HANSEN
MYND: GEIR ÓLAFSSON
Birgir Ármannsson
þingmaður segir að
Jónas sé fljótur að
átta sig á aðalatriðum.
„Hann setur sér skýr
markmið sem hann
vinnur eftir og ann sér
ekki hvíldar fyrr en
hann hefur náð þeim.“
N Æ R M Y N D - J Ó N A S F R I Ð R I K J Ó N S S O N
Nafn: Jónas Friðrik Jónsson.
Fæddur: 10. nóvember 1966.
Maki: Lilja Dóra Halldórsdóttir.
Börn: Steinunn 15 ára og Jónas
Rafnar 8 ára.
Menntun: Lögfræðingur og fram-
haldsmenntun í stjórnun.