Frjáls verslun - 01.10.2005, Blaðsíða 99

F R J Á L S V E R S L U N • 1 0 . T B L . 2 0 0 5 99
Þeir félagar rekast á söngleikinn Springtime For
Hitler, sem að þeirra mati er vonlausasta verk sem
nokkurn tímann hefur verið skrifað. Þeir ráða leikstjóra
sem aldrei hefur leikstýrt verki sem hefir fengið góða
aðsókn og sænska leikkonu í aðalhlutverkið, sem heitir
Ulla og er með 15 stafa eftirnafn, sem enginn getur borið
fram. Bragð þeirra getur ekki klikkað. En svo bregðast
krosstré sem önnur tré og örvæntingarfullir sitja þeir
félagar á frumsýningunni og sjá áhorfendur veltast um
af hlátri ...
Ef vel tekst til, og ekki er hægt að búast við öðru, ætti
The Producers að verða óhemju vinsæl kvikmynd, ekki
síður en söngleikurinn. Hvað Mel Brooks gerir næst er
ekki vitað, en hann verður áttræður á næsta ári og missti
nýverið eiginkonu sína til margra ára, Anne Bancroft. Ef
hann hefur enn fulla starfsorku væri ekki svo vitlaust
að hann tæki annað kvikmyndaverk sitt og breytti
því í leikhúsverk, af nógu mörgu frumlegu og
skemmtilegu er að taka.
KVIKMYNDIR
Eina jólamyndin
Það er af sem áður var þegar
kvikmyndahúsin í Reykjavík
geymdu það allra besta fram
að jólum og frumsýndu á
annan dag jóla. Í ár verður
aðeins ein kvikmynd frumsýnd
26. desember, er það ævin-
týramyndin The Chronicles of
Narnia: The Lion, The Witch
and The Wardrope, sem gerð
er eftir hinum þekktu bókum
C.S. Lewis, um ævintýralandið
Narníu. Þetta er fyrsta myndin og
vonast framleiðendur til að feta
í spor Hringadróttinssögu hvað
vinsældir snertir. Myndin fjallar
um umkomulaus börn í Englandi
í seinni heimsstyrjöldinni. Til að
forða börnunum frá loftárásum
þýska flughersins er ákveðið að
senda þau Lucy, Edmund, Susan
og Peter til frænda síns í sveit-
inni sem er vísindamaður og upp-
finningamaður. Þegar börnin fara
í feluleik á sveitasetrinu komast
þau í snertingu við galdraklæði
sem gerir þeim kleift að hverfa
til ævintýralandsins Narníu, þar
sem góð og ill öfl berjast um
völdin. Í myndinni er blandað
saman tölvuteiknuðum persónum
og leiknum persónum. Við stjórn-
völinn stendur Nýsjálendingurinn
Andrew Adamson, sem státar af
Óskarsverðlaunum fyrir Shrek og
Shrek 2.
Dýrasta mynd ársins
Annar Nýsjálendingur kemur
mikið við sögu í kvikmyndaheim-
inum í desember, það er Peter
Jackson, en stórvirki hans King
Kong er að líta dagsins ljós um
þessar mundir. Jackson, sem
komst á spjöld sögunnar þegar
hann gerði Hringadróttinssögu-
myndirnar þrjár, fékk ótakmarkað
leyfi til að kafa ofan í sjóði
Universal og notfærði hann sér
leyfið til fulls og fór 32 milljónir
dollara fram úr áætluðum kostn-
aði. Er heildarkostnaðurinn 207
milljónir dollarar, sem gerir King
Kong að langdýrustu kvikmynd
ársins. Þessi upphæð er fyrir utan
þann kostnað sem mun fara í
markaðssetningu myndarinnar,
sem gera má ráð fyrir að verði
ekki minni en 30 milljónir dollara.
Ráðamenn hjá Universal gera sér
þó vonir um að fá allt féð til baka
og vel það, þrátt fyrir að myndin
sé rúmlega þriggja klukkustunda
löng. Svo er bara að sjá hvort
Jackson standi undir þeim vænt-
ingum sem gerðar eru til hans.
King Kong verður frumsýnd hér
á landi 16. desember. Tveimur
dögum áður verður hún frumsýnd
í Bandaríkjunum.
BÍÓMOLAR
FRAMLEIÐENDURNIR MAX OG LEO
Titilpersónan King Kong er
ekki árennileg.
Í ævintýralandinu Narníu.